სამხრეთის კარიბჭე. FM97.5 / LIVE

ყოფილმა მერმა დეპუტატს საჯაროდ ბოდიში უნდა მოუხადოს – საქმე უზენაესშიც დასრულდა

მთავარისიახლე, სამართალი 02.02.2018
ახალციხის ყოფილ მერს, ამჟამად პარლამენტში მაჟორიტარ დეპუტატს, გიორგი კოპაძეს, ახალციხის საკრებულოს ყოფილი დეპუტატისთვის, ჯიმშერ გოგოლაურისთვის, საჯაროდ ბოდიშის მოხდა დაევალა. საქმის განხილვა უკვე სამივე ინსტანციის სასამართლოში დასრულდა.

ყოფილმა მერმა დეპუტატს საჯაროდ ბოდიში უნდა მოუხადოს – საქმე უზენაესშიც დასრულდა


უზენაესმა სასამართლომ საქმეზე გადაწყვეტილება 29 იანვარს გამოიტანა. ბოლო ინსტანციის სასამართლოს გიორგი კოპაძემ მიმართა, იგი სააპელაციო სასამართლოს გადაწყვეტილების გადახედვას ითხოვდა.

„კოპაძე უნდა გამოვიდეს ტელევიზიით და ცრუ ბრალდებები უკან წაიღოს. გადაწყვეტილებას აღმასრულებელს ჩავაბარებ და ის დააკისრებს მას ყველაფერს“, – განაცხადა ჯიმშერ გოგოლაურმა „სამხრეთის კარიბჭესთან“ საუბარში.

პარლამენტის წევრს გიორგი კოპაძესა და ქალაქ ახალციხის საკრებულოს ყოფილ დეპუტატს ჯიმშერ გოგოლაურს შორის დაპირისპირება 2015 წლის 10 დეკემბერს დაიწყო. ახალციხის ტელეკომპანია „მე–9 არხის“ გადაცემა „დიალოგში“, პირდაპირ ეთერში, ახალციხის 2016 წლის ბიუჯეტის პროექტის განხილვის დროს, გიორგი კოპაძემ გოგოლაურს ბრალი დასდო, რომ პოლიციაში მუშაობის დროს პატიმრების უფლებებს არღვევდა.

„შენი სიმართლე ჯიმშერ აი იმ იმ პატიმრებს უთხარი, ფანჯრებიდან რომ ყრიდი და ბოთლებზე რომ სვამდი. შენი სიმართლე მათ ელაპარაკე, შენი პოლიციაში მოღვაწეობის დროს“, – განაცხადა მაშინ გიორგი კოპაძემ.

გადაცემის შემდეგ ჯიმშერ გოგოლაურმა პროკურატურაში განცხადება შეიტანა. პროკურატურამ საქმეზე გამოკითხვები დაიწყო, თუმცა, საქმის წარმოება არ გააგრძელა იმ მოტივით, რომ ეს სამოქალაქო დავა იყო. ამის შემდეგ, 2016 წლის 1–ელ თებერვალს, ჯიმშერ გოგოლაურმა სასამართლოში სამოქალაქო სარჩელი შეიტანა. იგი ახალციხის მერისგან საჯაროდ ბოდიშის მოხდას ითხოვდა.

ახალციხის რაიონული სასამართლოს მოსამართლემ გია ბერაიამ ჯიმშერ გოგოლაურის სარჩელი ნაწილობრივ დააკმაყოფილა, – გიორგი კოპაძეს იგივე გადაცემაში ცილისმწამებლური განცხადების უარყოფა დაევალა. სწორედ ეს გადაწყვეტილება გაასაჩივრა გიორგი კოპაძის ადვოკატმა ჯერ სააპელაციო, შემდეგ კი უზენაეს სასამართლოში.

აპირებს თუ არა გადაწყვეტილების აღსრულებას გიორგი კოპაძე უცნობია, „სამხრეთის კარიბჭეს“ ზარებს კოპაძემ არ უპასუხა. მისმა ადვოკატმა კი განაცხადა, რომ ჯერ გადაწყვეტილება არ ჩაბარებიათ და ამიტომ, ამ თემაზე ვერ ისაუბრებენ.

[თინათინ ზაზაძე, ახალციხე]


24.05.2018 სკოლის საატესტატო გამოცდები დასრულდა

24.05.2018 რამდენი მოსწავლე ჩაიჭრა მათემატიკასა და ფიზიკაში ახალციხის სკოლებში

22.05.2018 დღეს სკოლის გამოსაშვები გამოცდები მოსწავლეებმა ისტორიასა და ფიზიკაში ჩააბარეს

21.05.2018 უცხო ენა და ბიოლოგია – რამდენი მოსწავლე ჩაიჭრა ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.05.2018 26 მაისისადმი მიძღვნილი ღონისძიებები სამცხე–ჯავახეთში

25.05.2018 მოსწავლეების წერილები ახალციხელ ჯარისკაცს ავღანეთში

25.05.2018 ‘Off Road’ – ექსტრემალური სპორტის მოყვარულები ახალციხიდან [Photo/Video]

25.05.2018 მოსწავლეებმა პოლიციის ფორმებით სამმართველოს ეზოში ღონისძიება გამართეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

მსგავს თემაზე

უმცირესობის დეპუტატმა ახალციხის ყოფილ მერს სააპელაციო სასამართლოშიც მოუგო
უმცირესობის დეპუტატმა ახალციხის მერს სასამართლო მოუგო
დეპუტატი მერის წინააღმდეგ – გოგოლაურმა ამჯერად სასამართლოს მიმართა
ახალციხის მერიამ უმცირესობის დეპუტატის საქმეზე გადაწყვეტილება გაასაჩივრა
სასამართლომ ახალციხის მერის წინააღმდეგ დეპუტატის სარჩელის განხილვა დაიწყო
საქმეზე ‘დეპუტატი მერის წინააღმდეგ’ სასამართლო განხილვა დასრულდა
ახალციხის მერს პროკურატურაში უჩივლეს