FM97.5 / LIVE

ბორჯომის მერიაში იანვრის ხელფასები ვერ გასცეს

მთავარისიახლე, ეკონომიკა 24.01.2018
ბორჯომის ადგილობრივ თვითმმართველობაში 125 თანამშრომელი კუთვნილი ხელფასის დარიცხვას მესამე დღეა ელოდება. ხელფასები მერიას 22 იანვარს უნდა გაეცა, თუმცა უწყებაში აცხადებენ, რომ ვიდრე საკრებულოს მომავალი სხდომა არ ჩატარდება ხელფასი ვერცერთ თანამშრომელზე ვერ გაიცემა.

ბორჯომის მერიაში იანვრის ხელფასები ვერ გასცეს

„არსებულ საშტატო ნუსხას ძალა დაკარგული აქვს იმის გამო, რომ ხელფასების რეგულირება საკრებულოს არ დაუმტკიცებია. ეს ყველაფერი ახალი, „საჯარო დაწესებულებებში შრომის ანაზღაურების შესახებ“ კანონით რეგულირდება“, – აცხადებენ ბორჯომის მუნიციპალიტეტის მერიის საზოგადოებასთან ურთიერთობის სამსახურში და ამატებენ, რომ ვიდრე საკრებულოს მომავალი სხდომა არ გაიმართება და აღნიშნული საკითხი არ დამტკიცდება, ხელფასები ვერ გაიცემა.

ხელფასების დამტკიცების შესახებ, ბორჯომის მუნიციპალიტეტის საკრებულომ 18 იანვარს იმსჯელა. მერია დეპუტატებს გაზრდილი ხელფასების ოდენობის დამტკიცებას სთხოვდა, თუმცა საკრებულომ ეს მოთხოვნა არ დააკმაყოფილა. დეპუტატებმა ძალაში ის საშტატო ნუსხა და ხელფასების ოდენობა დატოვეს, რაც თვითმმართველობაში 2017 წელს ჰქონდათ.

„ხელფასების რეგულირებასა და საშტატო ნუსხას, რაც მანამდე იყო, ხელახლა დამტკიცება აღარ სჭირდება. ჩვენ არ დავუმტკიცეთ გაზრდილი ხელფასების ოდენობა, არსებულს კი დამტკიცება აღარ სჭირდება“, – ამბობს ბორჯომის საკრებულოს თავმჯდომარე ზაზა ჩაჩანიძე.

მისი თქმით, ის რომ იანვრის ხელფასები არ გაიცა, მერიაში არაპროფესიონალი თანამშრომლების ბრალია: "2018 წლის ბიუჯეტი დამტკიცებულია და ბუნებრივია, ჩვეულებრივ შეუძლიათ ხელფასები დარიცხონ".

როდის გაიმართება მომავალი საკრებულოს სხდომა ეს ჯერ გადაწყვეტილი არაა. თუმცა მერიაში აცხადებენ, რომ ამ სხდომაზე ახალი, ან არსებული ხელფასების რეგულირების საკითხი დამტკიცდება. იგულისხმება თუ არა ახალში კვლავ ხელფასების გაზრდის მოთხოვნა, ამაზე თვითმმართველობაში არ საუბრობენ. საკრებულოში კი გადაჭრით ამბობენ, რომ შრომითი ანაზღაურების მატებაზე ხელის აწევას არც მომავალ სხდომაზე გეგმავენ.

შეგახსენებთ, რომ მერიის მიერ განსაზღვრული ხელფასების ოდენობები, რაც 18 იანვრის საკრებულოს სხდომაზე წარადგინეს, ასე გამოიყურებოდა: მუნიციპალიტეტის მერი – 3450 ლარი, პირველი მოადგილე – 2 400 ლარი; მერის მოადგილე – 2 300 ლარი, სამსახურების უფროსები – 2000 ლარი.

საკრებულოს თავმჯდომარის მოადგილის გიორგი გოგიჩაიშვილის თქმით, მერს, მერის მოადგილესა და სამსახურების უფროსებს ხელფასები 700– 800 ლარით ემატებოდათ, რიგით თანამშრომლებს კი 20– 30 ლარით. საკრებულოს უმრავლესობამ, რომელიც ოპოზიციური პარტიებისგან შედგება, ამ საშტატო ნუსხას მხარი არ დაუჭირა.

[თამუნა უჩიძე, ბორჯომი]


30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

16.03.2020 განათლების სამინისტროს რეკომენდაციები სასწავლო დაწესებულებებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

05.04.2020 '4 დღეში დაახლოებით 45 დაჯარიმების შემთხვევა გვაქვს' – ამირანაშვილი საგანგებო მდგომარეობის რეჟიმის დარღვევაზე

05.04.2020 გაიხსნება თუ არა ორშაბათს ახალციხის ბაზარი – ბესიკ ამირანაშვილის განმარტება

04.04.2020 5 აპრილს ახალქალაქის ბაზარი არ იმუშავებს

04.04.2020 ‘თვალყურს ვადევნებ სახლიდან, ტელევიზორით’ – გახარია სააღდგომო ლიტურგიაზე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ბორჯომის საკრებულომ მერიას გაზრდილი ხელფასები არ დაუმტკიცა
ბორჯომის მერიის ხელფასებზე საკრებულო 31 იანვარს იმსჯელებს
ბორჯომის თვითმმართველობაში ამ წელს ხელფასები არ აუღიათ
ბორჯომის მერიამ საკრებულოს დასამტკიცებლად ისევ გაზრდილი ხელფასები წარუდგინა
ბორჯომში მერიის ხელფასების დასამტკიცებლად საკრებულოს ახალ თავმჯდომარეს ელიან
ბორჯომში საშტატო ნუსხას და ხელფასების ოდენობებს ვერ ამტკიცებენ
რამდენი ლარით იზრდება სახელფასო ფონდი ბორჯომის მერიაში