FM97.5 / LIVE

ბორჯომის საკრებულოში ‘ოცნება’ ფრაქციებს ვერ ქმნის

მთავარისიახლე, პოლიტიკა 18.01.2018
ბორჯომის საკრებულოში, ‘ქართული ოცნების’ დეპუტატებს, რომლებმაც ორი ახალი ფრაქციის შექმნის მიზნით, პარტიები შეიცვალეს, ოპოზიციონერმა დეპუტატებმა ფრაქციების შექმნის შესაძლებლობა არ მისცეს.

ბორჯომის საკრებულოში ‘ოცნება’ ფრაქციებს ვერ ქმნის

დღეს, 18 იანვარს, ბორჯომის მუნიციპალიტეტის საკრებულოში პირველი სხდომა გაიმართა, რომელზეც ერთ–ერთი საკითხი ფრაქციების დაფუძნების შესახებ განცხადებების განხილვა იყო. ბორჯომის საკრებულოში ფრაქციების შესაქმნელად, „ქართული ოცნების“ დეპუტატებმა, რომლებიც უმცირესობაში არიან, პარტიები შეიცვალეს. პარტია დატოვეს ანდრო გედიაშვილმა, ივანე შალუტაშვილმა და ოთარ არბოლიშვილმა. ანდრო გედიაშვილი „კოსერვატორებში“ გადავიდა ხოლო ივანე შალუტაშვილი და ოთარ არბოლიშვილი „მრეწველებში“.

წინა სხდომების მსგავსად, „ქართული ოცნების“ დეპუტატები სხდომას არც დღეს ესწრებოდნენ, ოპოზიციამ კი ახალი ფრაქციების შექმნას მხარი არ დაუჭირა.

„პარტია კი შეიცვალეს მაგრამ, მათ არჩევნებზე კენჭი „ქართული ოცნებიდან“ იყარეს და შემდეგ გადავიდნენ სხვა პარტიაში. ბლოკით რომ ეყარათ კენჭი, კიდევ შეიძლებოდა. კანონით ვალდებული არ ვართ, რომ დავურეგისტრიროთ, მიმართონ სასამართლოს“, – განაცხადა საკრებულოს თავმჯდომარის მოადგილემ გიორგი გოგიჩაიშვილმა.

„საკრებულომ იმსჯელა თვითმმართველობის კოდექსის 30–ე მუხლის მიხედვით, არ აკმაყოფილებს მოთხოვნას ეს ფრაქციები, ეს ემსახურება დაფინანსების ხელში ჩაგდებას. დაახლოებით 300 000 ლარი დაუჯდებოდა ამ ფრაქციების შენახვა ოთხი წლის განმავლობაში ბიუჯეტს და ამიტომ საკრებულოდან უარი მიიღეს“, – ამბობს ბორჯომის საკრებულოს წევრი „ლეიბორისტული პარტიიდან“ გიორგი გიუაშვილი.

მმართველი გუნდის დეპუტატების განმარტებით, ამ გადაწყვეტილებით ოპოზიციონერმა დეპუტატებმა კანონი დაარღვიეს.

„ყველა კანონს შეგნებულად აუარეს გვერდი და უკანონოდ გააკეთეს ყველაფერი, ამაზე აუცილებლად მოეთხოვებათ პასუხი კანონის ფარგლებში. იმისათვის რომ ფრაქცია შეგვექმნა, ყველა პირობა დაცული გვაქვს“, – განაცხადა ბორჯომის საკრებულოს ფრაქცია „ქართული ოცნების“ თავმდჯომარემ ირაკლი კვირკველიამ, რომელიც პროტესტის ნიშნად სხდომას არ ესწრებოდა.

შეგახსენებთ, ბორჯომის საკრებულოში უმრავლესობა ოპოზიციურ პარტიებს აქვთ, „ქართული ოცნება“ კი ამ დრომდე საკრებულოში გამართული ხუთი სხდომიდან არცერთს დასწრებია. პირველი სხდომა „ოცნების“ დეპუტატებმა პროტესტის ნიშნად დატოვეს და ოპოზიციის მიერ დაკომპლექტებული საკრებულოს ლეგიტიმურობას არ აღიარებენ. აქვე შეგახსენებთ, ბორჯომში, საკრებულოს თავმჯდომარეც ოპოზიციური პარტიის წარმომადგენელია.

[თინათინ ზაზაძე, ბორჯომი]


18.10.2019 ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

18.10.2019 ზარზმაში საჯარო სკოლა გაიხსნა

17.10.2019 განათლების სამინისტრო ესეების კონკურსს აცხადებს

16.10.2019 სამცხე-ჯავახეთში კომპიუტერი 200–მდე წარჩინებულ მოსწავლეს გადაეცემა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2019 ევროპა მაგარია! სოციალური რეკლამა [ვიდეო]

21.10.2019 ახალციხის ცენტრალურ სტადიონზე მძლეოსნობაში შეჯიბრი მიმდინარეობს

20.10.2019 ზაკის სკოლის მასწავლებელი: სამინისტრო საქვაბის მშენებლობაზე ნებართვის გაცემას აჭიანურებს

20.10.2019 ბორჯომში ანსამბლ 'ადილეის' კონცერტი გაიმართება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

მსგავს თემაზე

ბორჯომში „ოცნების“ სამმა დეპუტატმა პარტია დატოვა
ბორჯომის საკრებულოს დეპუტატები ორი ფრაქციის შექმნის მოთხოვნით სასამართლოში ჩივიან
‘ოცნებას’ ბორჯომის საკრებულოში სამი ფრაქციიდან მხოლოდ ერთი დაურეგისტრირეს
ბორჯომის საკრებულოში ორი ფრაქცია დარეგისტრირდა
ბორჯომის საკრებულოს დეპუტატების სარჩელი სასამართლომ წარმოებაში მიიღო
გიორგი გოგიჩაიშვილი:‘საკრებულოში სადავო ფრაქციების შექმნაზე თანახმა ვარ’
სასამართლო ბორჯომის საკრებულოს ფრაქციების საქმის განხილვას იწყებს