FM97.5 / LIVE
2 მაისს შეუჩერდა; აპირებს თუ არა ჟენია მერაბიშვილი სკოლაში მასწავლებლად მუშაობას;">

რჩება თუ არა პედაგოგად ვანო მერაბიშვილის დედა

მთავარისაზოგადოება » განათლება 21.05.2013
”ნაციონალური მოძრაობის” გენერალური მდივნის ვანო მერაბიშვილის დედას ახალციხის მეხუთე საჯარო სკოლის დირექტორობაზე უფლება-მოსილება 2 მაისს შეუჩერდა; აპირებს თუ არა ჟენია მერაბიშვილი სკოლაში მასწავლებლად მუშაობას;

რჩება თუ არა პედაგოგად ვანო მერაბიშვილის დედა
ახალციხის მეხუთე საჯარო სკოლის ყოფილ დირექტორს ამჟამად მეხუთე საჯარო სკოლაში საათები არ აქვს.

”მას ჰქონდა არჩევითი საგანი, შესავალი თანამედროვე ფიზიკაში, ატარებდა ოთხივე მე-12 კლასში ორ-ორ საათს, მაგრამ ამ საგნის სწავლება პირველი სემესტრის ბოლოს დასრულდა, - გვიხსნის მეხუთე საჯარო სკოლის დირექტორის მოვალეობის შემსრულებელი ნანა დათაშვილი და ამატებს, რომ ჟენია მერაბიშვილი სკოლის პედაგოგად რჩება - მას შეუძლია სექტემბრიდან აიღოს საათები და სრულად დაიტვირთოს”.

გავრცელებული ინფორმაციით, ჟენია მერაბიშვილმა საათები ახალციხის პირველ საჯარო სკოლაში აიღო.

”ეს ინფორმაცია საფუძველს მოკლებული არ არის, რადგან შუა სემესტრში ჩვენი ფიზიკის პედაგოგი ლია სუდაძე პირადი განცხადების საფუძველზე სკოლიდან წავიდა”, - ამბობს პირველი საჯარო სკოლის დირექტორი მაკა ჯანაშვილი.

მისი თქმით, ამ დრომდე მისთვის დასაქმების სურვილით ჟენია მერაბიშვილს არ მიუმართავს: ”საათები სკოლაში სხვა პედაგოგებზე გადავანაწილეთ. რადგან სხვა, კარგი სპეციალისტი ჯერ-ჯერობით ვერ ვნახეთ, საათების ნაწილის აღება მეც მომიხდა. შესაძლოა, კონკურსი გამოვაცხადოთ სექტემბრისთვის ვაკანტურ ადგილზე, ან ისე დავტოვოთ გადანაწილებული საათები როგორც ახლა გვაქვს”.

იმ შეთხვევაში, თუ მერაბიშვილი პირველ სკოლაში ფიზიკის საათების აღების სურვილს გამოთქვამს, ჯანაშვილი არ გამორიცხავს, რომ დააკმაყოფილოს: ”კარგი სპეციალისტია, რატომაც არა. თუმცა, კიდევ ერთხელ ვიმეორებ, რომ შესაძლოა სხვა პედაგოგი ფიზიკის საათებისთვის არც კი მივიღოთ და ჩვენ დავიტვირთოთ ისევ ისე, როგორც ახლა ვართ”.

პირველი საჯარო სკოლიდან რომ ლია სუდაძე წავიდა, ამის შესახებ ჟენია მერაბიშვილმაც იცის, თუმცა ამბობს, რომ დასაქმების თხოვნით ჯანაშვილისთვის არ მიუმართავს: ”თუ შემომთავაზებენ სამომავლოდ, შესაძლოა დავთანხმდე”.

კითხვაზე, აპირებს თუ არა სექტემბრიდან სკოლაში კვლავ საათების აღებას და მუშაობის გაგრძელებას, მერაბიშვილი გვპასუხობს, რომ შემოდგომიდან სკოლაში მუშაობას ჩვეულებრივად გააგრძელებს: ”მაქვს უფლება სრული დატვირთვით ვიმუშაო. რაღაც გაუგებრობა მოხდა, ალბათ მეც ვიყავი გარკვეულწილად დამნაშავე და დირექტორობიდან გამათავისუფლეს, მაგრამ ისევ ჩემ სკოლაში პედაგოგად დავრჩები”.

შეგახსენებთ, რომ ჟენია მერაბიშვილი დირექტორობიდან განათლების მინისტრის ბრძანებით გაათავისუფლეს. მერაბიშვილის შესახებ საქმის მოკვლევა სამინისტრომ ”სამხრეთის კარიბჭეში” გამოქვეყნებული სტატიის შემდეგ დაიწყო.

[თამუნა უჩიძე, ახალციხე]


26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

28.05.2020 მერის წარმომადგენლები მიწის წარმომავლობასთან დაკავშირებულ ცნობებს აღარ გასცემენ

28.05.2020 მართლმადიდებელი ეკლესია ამაღლების დღესასწაულს ზეიმობს

27.05.2020 საპატრიარქო ბორჯომში 3 ჰექტრამდე ტყის დაკანონებას ითხოვს

27.05.2020 ახალციხეში ცხოველთა თავშესაფრის მშენებლობისთვის დონორი ჯერ ვერ მოიძებნა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ვინ ასრულებს დირექტორის მოვალეობას მეხუთე სკოლაში
ვანო მერაბიშვილის დედა დირექტორის თანამდებობიდან გაათავისუფლეს
მეხუთე სკოლაში მომხდარ ფაქტს სახალხო დამცველის აპარატი შეისწავლის
ხმაური ვანო მერაბიშვილის დედის ყოფილ სკოლაში
ახალციხის მეხუთე სკოლაში ახალ დირექტორს კარის აჭედვით ემუქრებიან
ახალციხის მეხუთე სკოლაში განათლების სამინისტროს  წარმომადგენლები იმყოფებიან
ახალციხის მეხუთე სკოლის პედაგოგები განათლების სამინისტროს სახელზე ხელმოწერებს აგროვებენ