სამხრეთის კარიბჭე. FM97.5 / LIVE

ადიგენის გამგეობას TDI სასამართლოში უჩივის

მთავარისიახლე, საზოგადოება, სამართალი 06.12.2017
ტოლერანტობისა და მრავალფეროვნების ინსტიტუტი (TDI), ადიგენის მუნიციპალიტეტის გამგეობას, რომელმაც ორგანიზაციას არ მიაწოდა საჯარო ინფორმაცია სოფელ მოხეში ახალი მეჩეთის მშენებლობის შესახებ, სასამართლოში უჩივის.

ადიგენის გამგეობას TDI სასამართლოში უჩივის

ტოლერანტობისა და მრავალფეროვნების ინსტიტუტმა (TDI) ადიგენის მუნიციპალიტეტის გამგეობის წინააღმდეგ სასამართლოში სარჩელი 21 ნოემბერს შეიტანა. ახალციხის რაიონულმა სასამართლომ TDI–ს სარჩელი წარმოებაში 5 დეკემბერს მიიღო. ორგანიზაცია ინდივიდუალური ადმინისტრაციულ-სამართლებრივი აქტის ბათილად ცნობასა და საჯარო ინფორმაციის გაცემას ითხოვს.

როგორც ორგანიზაციაში განმარტავენ, მიმდინარე წლის 19 ოქტომბერს ადიგენის მუნიციპალიტეტის გამგეობისგან სოფელ მოხეში მშენებარე ახალი მეჩეთის თაობაზე საჯარო ინფორმაცია გამოითხოვა, მათ შორის, მეჩეთის მშენებლობის ნებართვასთან დაკავშირებული ინფორმაცია და სამართალწარმოების მასალები: "ადიგენის მუნიციპალიტეტის გამგებელმა, ზაქარია ენდელაძემ 25 ოქტომბრის წერილში დაადასტურა, რომ სოფელ მოხეში მეჩეთი შენდება და დასრულებულია ნაგებობის პირველი სართული, თუმცა, წერილში არ არის პასუხი გაცემული მეჩეთის მშენებლობის ნებართვის გაცემასთან დაკავშირებულ საკითხზე და არც საქმის წარმოების შესაბამისი დოკუმენტაციაა დართული, რაც ახალი მეჩეთის მშენებლობის კანონიერებას დაადასტურებდა".

მეჩეთის მშენებლობის ნებართვის შესახებ საჯარო ინფორმაციის მოთხოვნით, 2 ნოემბერს TDI-მ ადიგენის მუნიციპალიტეტის გამგეობას ხელმეორედ მიმართა.

"თუმცა ამჯერადაც, გამგებელმა მოთხოვნილ ინფორმაციაზე პასუხი გაცემულად ჩათვალა და მეჩეთის მშენებლობის ნებართვის შესახებ მასალა არ/ვერ დაურთო წერილს", – ამბობენ ორგანიზაციაში.

შეგახსენებთ, რომ 2014 წელს, სოფელ მოხეში, ე. წ. “სადავო მეჩეთთან” დაკავშირებით, რელიგიის საკითხთა სახელმწიფო სააგენტომ “მოხის კომისია” შექმნა, რომელსაც შენობის კონფესიური წარმომავლობისა და ისტორიული მესაკუთრის დადგენა დაევალა.

"ორწლიანი არსებობის მანძილზე, კომისიას დაკისრებული მიზნის მისაღწევად ქმედითი ნაბიჯი არ გადაუდგამს და არც შენობის წარმომავლობის დასადგენად ჩატარებულა შესაბამისი სამუშაოები. სააგენტოს უმოქმედობამ გააჩინა საფუძვლიანი ვარაუდი, რომ კომისიის შექმნა მოხის მეჩეთთან დაკავშირებით საკითხის გაჭიანურებას ისახავდა მიზნად და მისი რეალური მესაკუთრის დადგენა სახელმწიფოს ინტერესში არ შედიოდა", – ფიქრობენ ორგანიზაციაში.

2017 წლის 11 მაისს, კომისიამ მიიღო გადაწყვეტილება, რომლის საფუძველზე ე.წ. სადაო ნაგებობა მუნიციპალიტეტის საკუთრებიდან გადავიდა სახელმწიფო ქონების ეროვნული სააგენტოს საკუთრებაში და შევიდა კულტურული მემკვიდრეობის ობიექტთა ნუსხაში, სახელწოდებით “სადავო ნაგებობა”. TDI-ში ამბობენ, რომ სახელმწიფოს მიერ მიღებული აღნიშნული გადაწყვეტილება სამართლებრივად დაუსაბუთებელი და დისკრიმინაციულია.

ე.წ. მოხის კომისიის 11 მაისის გადაწყვეტილება, შენობის სახელმწიფოს ბალანსზე გადასვლის და მისთვის კულტურული მემკვიდრეობის ობიექტის სტატუსის მინიჭების გარდა, შეიცავდა კიდევ რამდენიმე პირობას. კერძოდ, სსიპ სრულიად საქართველოს მუსლიმთა სამმართველოს საკუთრებაში უნდა გადასცემოდა მიწის ნაკვეთი სოფელ მოხეში, რომელზეც უნდა აშენებულიყო ახალი მეჩეთი. აღნიშნული გადაწყვეტილებების აღსრულებას კოორდინაციას უწევს საქართველოს მთავრობის დაქვემდებარებაში არსებული რელიგიის საკითხთა სახელმწიფო სააგენტო.

"TDI-თვს ახალი მეჩეთის მშნებლობის ნებართვის საქმისწარმოების მასალების მიწოდებაზე უარმა კიდევ უფრო მეტად გაუმჭირვალე გახადა მოხეში მიმდინარე პროცესები", – ამბობენ ტოლერანტობისა და მრავალფეროვნების ინსტიტუტში.

[Sknews.ge]


06.12.2017 ასპინძის სკოლებში საპირფარეშოების მოწესრიგება დაიწყეს[Photo]

05.12.2017 კოსმოსურ ჰაკათონში ახალციხელმა ახალგაზრდებმა გაიმარჯვეს

05.12.2017 'სტუდენტების განწყობა უმცირესობებისადმი და მედიის როლი' – ახალციხეში კვლევის პრეზენტაცია გაიმართება

01.12.2017 ტოლოშის სკოლის დირექტორი უკარო საპირფარეშოებზე: „გარედან არაფერი ჩანდა“

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

11.12.2017 სოფელ თისელში ხანძარმა სამსულიანი ოჯახი უსახლკაროდ დატოვა [Photo]

11.12.2017 სამცხე-ჯავახეთში მაუწყებლობას რუსულენოვანი არხი დაიწყებს

11.12.2017 შსს-ს მომსახურების სააგენტო მუშაობის განსაკუთრებულ რეჟიმზე გადადის

10.12.2017 ნარკოპოლიტიკის შეცვლის მოთხოვნით თბილისში, ბათუმსა და ქუთაისში აქციები გაიმართა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

მსგავს თემაზე

TDI: "მოხეს კომისიის გადაწყვეტილება სამართლებრივად დაუსაბუთებელია"
რელიგიის საკითხთა სახელმწიფო სააგენტოს განცხადება მოხეში მიმდინარე მოვლენებზე
მოხეში სადავო შენობის საქმესთან დაკავშირებით სასამართლოში სარჩელი შეიტანეს
‘მოხის კომისიის’ სხდომა გადაიდო
მოხეში ახალი მეჩეთი აშენდება
მოხეს მუსლიმი თემი ღია ცის ქვეშ ლოცვას აგრძელებს
EMC  'მოხეს კომისიის'  გადაწყვეტილებას მუსლიმების  დისკრიმინაციად აფასებს