FM97.5 / LIVE

ტოლოშის სკოლის დირექტორი უკარო საპირფარეშოებზე: „გარედან არაფერი ჩანდა“

მთავარისიახლე, განათლება 01.12.2017
ტოლოშის სკოლის დირექტორი მზია ზედგინიძე ამბობს, რომ საპირფარეშოებზე კარის არ ქონის გამო, ვითარება ისეთი არ იყო, რომ ტუალეტების სარგებლობა შეუძლებელი ყოფილიყო. მისი თქმით, სკოლაში ახალი საპირფარეშოს მოწყობა იგეგმება.

ტოლოშის სკოლის დირექტორი უკარო საპირფარეშოებზე:  „გარედან არაფერი ჩანდა“
ტოლოშის სკოლის დირექტორი მზია ზედგინიძე 13 ნოემბერს საპირფარეშოში მომხდარი ინციდენტის და ამის გამო სასწავლებლის გარშემო შექმნილი ხმაურის შემდეგ პირველ კომენტარს აკეთებს.

მისი თქმით, სკოლაში ვიდრე „სამხრეთის კარიბჭე“ მივიდოდა, ახალი საპირფარეშოს გაკეთება მანამდე იყო დაგეგმილი. თუმცა, ამის შესახებ გადაწყვეტილება ტუალეტებში არსებული მდგომარეობის გამო არ მიუღიათ. ახალი საპირფარეშოს მოწყობა დღის წესრიგში იმის გამო დადგა, რომ სკოლას სპეციალური საჭოროების მქონე ბავშვებისთვის შესაბამისი საპირფარეშო სჭირდება.

„განათლების სამინისტროს ინფრასტრუქტურის განყოფილებიდან იყვნენ მოსულები, ტუალეტი სკოლის შენობაში ერთ სართულზე მოეწყობა“, – ამბობს მზია ზედგინიძე.

მისივე თქმით, სკოლა ამ საკითხის მოგვარებაზე მანამდეც ზრუნავდა. მათ სკოლაში შიდა სარემონტო სამუშაოებთან დაკავშირებით ტენდერი გამოაცხადეს: „იქ კარების გაკეთებსაც ვითვალისიწნებდით, მაგრამ მონაწილეობა ტენდერში არავინ მიიღო“.

მზია ზედგინიძე ტოლოშის სკოლას, დაახლოებით, 10 წელია ხელმძღვანელობს. იგი შეკითხვაზე, წლების განმავლობაში საპირფარეშოზე უბრალო კარისა და საკეტის გაკეთებას რატომ სჭირდებოდა ტენდერი გვპასუხობს: „ეს ტუალეტები არ იყო ისეთი, რომ შეუძლებელი ყოფილიყო მისი მოხმარება, მანდ გარედან არაფერი ჩანდა“.

ზედგინიძე ირწმუნება, რომ საპირფარეშო კარების გარეშე წლების განმავლობაში არ ყოფილა და კარი ქარმა მოგლიჯა. რამდენი ხანი იყო ტუალეტები კარების გარეშე იგი არ აკონკრეტებს: „მოდი ამ საკითხს მივუდგეთ ასე, რომ ეს არის ჩვენი ქვეყნის პრობლემა, ტრაგედიაა ჩვენი ქვეყნის და არა ისე, რომ აქ ვინმეს დანაშაული ვეძებოთ. ამ თემაზე მეტს აღარ დაგელაპარაკებით“.

ზედგინიძეს არც 13 ნომებერს სკოლაში მომხდარ ინციდენტსა და მოსწავლეებისთვის 9 დღით ჩამორთმეულ მობილურებზე, შემდეგ კი მათ შემოწმებაზე სურს საუბარი. სკოლის დირექტორი ამბობს, რომ „ყველაფერს სამინსიტროსთან შეთანხმებით აკეთებს“.

შეკითხვაზე სამინისტროში ვისთან შეათანხმა ეს საკითხი, გვპასუხობს: „კონფიდენციალურია ეს ამბავი“.
სამინისტროში კი აცხადებენ, რომ ტოლოშის სკოლაში არსებულ ვითარებას შიდა აუდტი სწავლობს.

შეგახსენებთ, რომ 13 ნოემბერს ტოლოშის საჯარო სკოლაში ინციდენტი მოხდა. უფროსკლასელი გოგონა უფროსკლასელ ბიჭს საპირფარეშოში, ჭეთან გამოღებული კედლიდან, მობილური ტელეფონით კადრების გადაღებაში ადანაშაულებს. მომხდარის შესწავლა დაიწყო სკოლის დისციპლინურმა კომიტეტმა. ასევე „სამხრეთის კარიბჭის“ მიერ ფაქტის მოკვევის დროს გაირკვა რომ მოსწავლეების საპირფარეშოებს კარები არ აქვს.

[თამუნა უჩიძე, ასპინძა]


19.10.2018 სან დიეგოს უნივერსიტეტში სამცხე–ჯავახეთის სკოლებიდან ექვსი აბიტურიენტი ჩაირიცხა

18.10.2018 ქეთევან ციხელაშვილი ახალქალაქის პირველ საჯარო სკოლას ესტუმრა

11.10.2018 სოფელ შოლავერში ახალი სკოლა გაიხსნა

09.10.2018 სოფელ არალში სკოლა საზეიმოდ გაიხსნა [Photo/Video]

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

20.10.2018 რას ნახავთ 'შემოდგომის ფესტივალზე'

19.10.2018 მასწავლებლების პროტესტით ახალციხის პირველ სკოლაში სტადიონის მშენებლობა შეჩერდა

19.10.2018 მონასტრის წინამძღვარმა ვანის ქვაბებში მეტალოპლასტმასის კარ-ფანჯარა ჩასვა [Photo]

19.10.2018 სამცხე–ჯავახეთის გუბერნატორი რეგიონში მოქმედი NGO-ების წარმომადგენლებს შეხვდა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

ტოლოშის სკოლაში აუდიტის სამსახური შევიდა
ტოლოშის სკოლაში არსებულ ვითარებას ომბუდსმენის აპარატი  სწავლობს
ტოლოშის სკოლაში მოსწავლეების მობილურების შემოწმების ფაქტს არცერთი უწყება არ სწავლობს
ასპინძის სამ სკოლაში საპირფარეშოს მოაწესრიგებენ
კვირის აქცენტი: ტოლოშის სკოლის საქმე [Video]
უფროსკლასელი გოგონა ამბობს, რომ საპირფარეშოში ბიჭმა მობილურით გადაუღო – რა ხდება ტოლოშის სკოლაში
ტოლოშის სკოლაში, მოუწესრიგებელი საპირფარეშოების გამო, დირექტორი მოხსნეს