სამხრეთის კარიბჭე. FM97.5 / LIVE

რითი თბებიან სამცხე–ჯავახეთის სკოლებში

მთავარისიახლე, ეკონომიკა 30.11.2017
სამცხე–ჯავახეთის 205 საჯარო სკოლიდან, 144 სკოლაში შეშის ღუმელებით თბებიან. რესურსცენტრებში ირწმუნებიან, რომ ყველა სკოლა შეშით მომარაგებულია.

რითი თბებიან სამცხე–ჯავახეთის სკოლებში

ადიგენის მუნიციპალიტეტში, 25 სკოლიდან, 24–ში დღემდე შეშის ღუმელებით თბებიან. მკაცრი კლიმატის გამო მაღალმთიანი სოფლის სკოლებში ღუმელებს ოქტომბერში დგამენ, დანარჩენ სკოლებში კი 1 ნოემბრიდან.

ადიგენის საგანმანათლებლო რესურსცენტრში ამბობენ, რომ შეშით ყველა სკოლა მომარაგებულია.

„ყველა სკოლა შეშაზეა, გარდა დერცელისა, ეს სკოლა ახალი გარემონტებულია და ელექტროენერგიის საშუალებით თბება, საჭიროების შემთხვვისთვის შეშის ღუმელებიც აქვთ“, – ამბობს ადიგენის საგანამანათლებლო რესურცენტრის ხელმძღვანელი ინგა ბოჭორიშვილი.
ახალციხის 39 სკოლიდან ცენტრალური გათბობა 13 სკოლაშია, აქედან ექვსი ბუნებრივი აირით თბება, დანარჩენი შეშით. გასათბობად შეშის ღუმელს იყენებს დანარჩენი 26 სკოლა.

ახალციხის საგანმანათლებლო რესურცენტრის ხელმძღვანელის ხათუნა ხმალაძის განმარტებით, სკოლებს გამოსაზამთრებლად საკმარისი რაოდეობის შეშა აქვთ: „წელს სკოლებისთვის შეშის მომარაგება ცენტრალიზებლად განხორციელდა. სატყეო მეურნეობამ უზრუნველყო საშეშე მერქნით მომარაგება“.

ბორჯომში 20 საჯარო სკოლიდან, ღუმელებით მხოლოდ 9 სკოლაში თბებიან, დანარჩენში ცენტრალური გათბობაა.

„11 სკოლაში ცენტრალური გათბობა გვაქვს და ამ დრომდე პრობლემა არ გვქონია. თუ რომელიმე სკოლას გაუჭიდება გათბობის თანხის გადახდა, სამინისტრო ეხმარება. ციხისჯვარის სკოლა, რომელიც აქამდე შეშით თბებოდა, მალე საპილოტე გათბობაზე გადავა და ე.წ ბრიკეტებით გათბებიან“, – აცხადებს ბორჯომის რესურცენტრის ხელმძღვანელი იზოლდა ლომიძე.

მისივე თქმით, ისეთ მაღალმთიან სოფლებში, სადაც უხვი ნალექია, როგორიცაა ბალანთა, მოლითი და ტაბაწყური, ხშირ შემთხვევაში ღუმელები ოქტომბრიდან მაისამდე დგას. მიმდინარე წელს ყველა სკოლა საწვავით სექტემბრის თვეში მომარაგდა. ბალათის საჯარო სკოლას ზამთრის პერიოდში 48 კუბური მეტრი შეშა სჭირდება, მოლითს – 50, ხოლო ტაბაწყურს – 60.

ზამთარს მოზადებული ხვდებიან ასპინძის საჯარო სკოლებშიც. აქ 18–დან 14 სკოლაში შეშის ღუმელები დგას, ორში ელექტროღუმელებით თბებიან, ერთ სკოლაში ბუნებრივი აირით ცენტრალური გათბობის სისტემაა დამონჟებული. ხოლო დაბა ასპინძის სკოლა ცენტრალურ გათბობას ქვანახშირით და შეშით ამუშავებს.

საგანმანათლებლო რესურცენტრის ხელმძღვანელის ტრისტან მურადაშვილის განმარტებით, დამალის საჯარო სკოლა უახლოეს მომავალში ბუნებრივი აირით გათბება და ცენტრალური გათბობა დამონტაჟდება.

ნინოწმინდის 38 სკოლიდან უმეტესობა შეშის ღუმელებით თბება. ცენტრალური გათბობა 8 სკოლაშია დამონტაჟებული, 3 სკოლაში გასათბობად ელექტროღუმელებს იყენებენ.

საგანმანათლებლო რესურცენტრის ხელმღვანელის დავით ზედგინიძის განმარტებით, ყოველწლიურად იზრდება იმ სკოლების რაოდენობა, სადაც გათბობისთვის ბუნებრივ აირს იყენებენ. ამ ეტაპზე ყველა სკოლა შეშით უზრუნველყოფილია.

საწვავით და საშეშე მერქნით მომარაგებულია ახალქალაქის სკოლებიც. საგანმანათლებლო რესურცენტრის ინფორმაციით, 65 საჯარო სკოლიდან გაზიფიცირებულია და ბუნებრივ აირზე მომუშავე ცენტრალური გათბობის სისტემის მეშვეობით თბება 16 სკოლა, გარდა ამისა, ნახშირზე მომუშავე ცენტრალური გათბობის სისტემით თბება 4 სკოლა, ხოლო დიზელის საწვავზე მომუშავე ცენტრალური გათბობის სისტემით 1 , დანარჩენი 44 სკოლა თბება შეშის ღუმელებით: „ამ ეტაპისათვის ყველა მომარაგებულია ზამთრის სეზონისათვის საჭირო საწვავით“.

[თინათინ ზაზაძე, სამცხე–ჯავახეთი]


24.05.2018 სკოლის საატესტატო გამოცდები დასრულდა

24.05.2018 რამდენი მოსწავლე ჩაიჭრა მათემატიკასა და ფიზიკაში ახალციხის სკოლებში

22.05.2018 დღეს სკოლის გამოსაშვები გამოცდები მოსწავლეებმა ისტორიასა და ფიზიკაში ჩააბარეს

21.05.2018 უცხო ენა და ბიოლოგია – რამდენი მოსწავლე ჩაიჭრა ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.05.2018 26 მაისისადმი მიძღვნილი ღონისძიებები სამცხე–ჯავახეთში

25.05.2018 მოსწავლეების წერილები ახალციხელ ჯარისკაცს ავღანეთში

25.05.2018 ‘Off Road’ – ექსტრემალური სპორტის მოყვარულები ახალციხიდან [Photo/Video]

25.05.2018 მოსწავლეებმა პოლიციის ფორმებით სამმართველოს ეზოში ღონისძიება გამართეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

მსგავს თემაზე

ახალციხის პირველი სკოლა წელს ისევ შეშით თბება
ახალქალაქის სკოლებში ისევ შეშის ღუმელით გათბებიან
ახალციხის ოთხ ბაღში ისევ ღუმელებით თბებიან
სკოლები ზამთრისთვის ემზადებიან
ახალციხის სკოლები ზამთარს მომზადებული შეხვდნენ
ახალციხის 8 ბაღიდან 4 ჯერ ისევ შეშით თბება
ახალციხეში იკვლევენ ვინ თბება შეშის ღუმელით