FM97.5 / LIVE

ორწლიანი ლოდინი სრულდება – პირველ სკოლაში სწავლის გასაგრძელებლად ემზადებიან

მთავარისიახლე, საზოგადოება, განათლება 29.11.2017
ახალციხის პირველ სკოლაში ინვენტარის დალაგება დასასრულს უახლოვდება; ორწლიანი წყვეტის შემდეგ, სავარაუდოდ, მომავალი კვირიდან, პირველი სკოლის მოსწვლეები და მასწავლებლები მშობლიურ სკოლას დაუბრუნდებიან.

ორწლიანი ლოდინი სრულდება – პირველ სკოლაში სწავლის გასაგრძელებლად ემზადებიან

სკოლის დირექტორის ჟუჟუნა გოგოლაურის განმარტებით, სკოლაში, ინვენტარი შეტანილია და ნახევარზე მეტი ფართი უკვე დალაგებულია: „იქით კვირაში კიდევ რამდენიმე დღე დაგვჭირდება და გადავალთ“.

მისივე თქმით, დალაგების პარალელურად, კომპანია „ჯორჯიან ინჯინიერი“ მუშაობას აგრძელებს, ამ ეტაპზე გათბობის სისტემას ამოწმებენ: „კომპანია სავარაუდოდ შაბათისთვის დაასრულებს სამუშაოს. ამოწმებენ გათბობის სისტემას, როგორ მუშაობს. ლაბორატორიები უკვე ჩავიბარეთ“.

რაც შეეხება ეზოს, დირექტორის თქმით, ამ ეტაპზე, შენობის კედლების ძირში, დაახლოებით ორი მეტრის სიგანეზე ბეტონის ბილიკია დაგებული, ეზოს ტერიტორიაზე კი „შებენი“ დაყარეს: „ეზო მოწესრიგებულია. გაზაფხულზე უკვე გამოცხადდება ტენდერი და შემოიღობება, ასევე გაკეთდება სპორტული მოედანი“.

შეგახსენებთ, რომ ახალციხის პირველ საჯარო სკოლაში სარემონტო სამუშაოები 2016 წლის იანვარში დაიწყო. მშენებლობა იმავე წლის აგვისტოში უნდა დასრულებულიყო. მშენებლობის დასრულებამდე პირველი სკოლის 1000–მდე მოსწავლე ახალციხის მესამე და მეექვსე სკოლებში გადაანაწილეს, სწავლა მეორე ცვლაში მიმდინარეობს.

ახალციხის პირველი საჯარო სკოლის შენობის რეაბილიტაციას აშშ-ის ათასწლეულის გამოწვევის კორპორაცია (“Millennium Challenge Corporation- MCC”) აფინანსებს. ტენდერში გამარჯვებულ კომპანიასთან ხელშეკრულებას 2015 წლის 19 ნოემბერს მოეწერა ხელი. კომპანია „ინტერ პლუსმა“ მშენებლობის ვადები რამდენჯერმე დაარღვია და ამიტომ, დამკვეთმა მას ხელშეკრულება შეუწყვიტა და ჯარიმა დააკისრა. ამის გამო, მცირე პერიოდით, იქამდე, ვიდრე ახალი ტენდერი გამოცხადდა და გამარჯვებული გამოვლინდა, პირველი სკოლის რემონტი შეწყდა. ახლა სკოლაში კომპანია „ჯორჯიან ინჯინიერი“ მუშაობს.

[თინათინ ზაზაძე, ახალციხე]


13.02.2020 ჟვანიას სკოლამ ახალციხეში 'სახელმწიფო ენის სწავლების პროგრამის' კურსდამთავრებულებს სერტიფიკატები გადასცა

10.02.2020 ესეების კონკურსში ახალციხელმა სტუდენტებმა გაიმარჯვეს

10.02.2020 ახალქალაქში, ბურნაშეთისა და ბარალეთის სკოლებში ბიბლიოთეკები მოეწყო

07.02.2020 ახალციხელი თამთა კაპანაძე Google-მა მოხალისედ შეარჩია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.02.2020 როგორი ამინდი იქნება სამცხე–ჯავახეთში ერთი კვირის განმავლობაში

17.02.2020 ფარავნის უღელტეხილზე მსუბუქი ტრანსპორტის მოძრაობა აღდგა

16.02.2020 სოლიდარობა აჭარის ტელევიზიის თანამშრომლებს – ხვალ ახალციხეში აქცია გაიმართება

16.02.2020 ახალციხელი მუსიკის პედაგოგი სოფელ ყანობის საბავშვო ბაგა – ბაღის დირიჟორი [ვიდეო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

15.02.2020 თისელის ამბებს გიყვებით [ფოტო]

14.02.2020 გორგული – გორებს შორის მოქცეული სოფლის ისტორია [ფოტო/ვიდეო]

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

მსგავს თემაზე

ახალციხის პირველი სკოლა ხვალ საზეიმოდ გაიხსნება
ხუთთვიანი ლოდინის შემდეგ ახალციხის პირველი სკოლის რეაბილიტაცია იწყება
ახალციხის პირველ სკოლაში დემონტაჟი დასრულდა
პირველ სკოლაში რემონტი შეწყდა
ახალციხის პირველ სკოლაში რემონტის დასრულებას სწავლის დაწყებამდე გეგმავენ
პირველ სკოლაში ინვენტარის შეტანა დაიწყეს
განახლდება თუ არა პირველს საჯარო სკოლაში სასწავლო პროცესი 15 სექტემბერს