ახალციხეში 40 წლის ქალი დაჭრეს

შემთხვევა გუშინ, 16 ნოემბერს დაახლოებით 21:00 საათზე მოხდა. როგორც ადგილობრივები ყვებიან ქალს ამავე ქუჩაზე ბინა ჰქონდა ნაქირავები. მეგობარმა კაცმა კი იგი ამავე ბინაში დაჭრა. დაჭრილი ქალი დახმარების თხოვნით ახლოს მდებარე სურსათის მაღაზიაში შევარდა.

„შემოვარდა, ხელიდან და ფეხიდან სისხლი სდიოდა, ვერ გეტყვით უკან მოყვებოდა ვინმე თუ არა. მერე სასწრაფოც მოვიდა და წაიყვანეს“, – გვიყვებიან სურსათის მაღაზიის თანამშრომლები.

სასწრაფო სამედიცინო დახმარების სამსახურმა დაჭრილი კლინიკა „იმედში“ გადაიყვანა.

„ღია ჭრილობები ჰქონდა ბარძაყსა და ხელის მიდამოებში, გავუკერეთ და ბინაზე გაეწერა, მის სიცოცხლეს საფრთხე არ ემუქრება“, – აცხადებენ კლიკაში „იმედში“.

შსს–ში ამბობენ, რომ 30 წლამდე კაცი, პოლიციის თანამშრომლებმა ცხელ კვალზე დააკავეს. უწყება მომხდარს სსკ–ის 117–ე მუხლით იძებს, რაც ჯანმრთელობის განზრახ დაზიანებას გულისხმობს.

[თინათინ ზაზაძე, ახალციხე]