FM97.5 / LIVE

ახალციხეში რეპატრირებული მესხების შესახებ ფილმი აჩვენეს

მთავარისიახლე, საზოგადოება 15.11.2017
დღეს, 15 ნოემბერს მუსლიმი მესხების საქართველოდან გასახლებიდან 73 წელი გავიდა. ამ თარიღთან დაკავშირებით დემოკრატიული ჩართულობის ცენტრში მუსლიმი მესხების შესახებ ფილმი „სამშობლო. რომელიც, შორია“ აჩვენეს.

ახალციხეში რეპატრირებული მესხების შესახებ ფილმი აჩვენეს
ფილმის ჩვენება ასოციაცია „ტოლერანტის“ ორგანიზებით მოეწყო. მას რეპატრირებული მესხების შთამომავლები, ადგილობრივი არასამთავრობო ორგანიზაციებისა და მედიის წარმომადგენლები ესწრებოდნენ.

ფილმში მუსლიმი მესხების ცხოვრება დეპორტაციიდან დღემდეა ასახული. ერთ ღამეში დაცლილი სამცხე–ჯავახეთის 220 სოფელი და შორეულ მხარეში ცხოვრება, ასევე დაბრუნება ისტორიულ სამშობლოში, სადაც არაერთი პრობლემა ხვდებათ.

ფილმის დამდგმელი რეჟისორი სანდრო ვახტანგოვია. ფილმის სცენები გადაღებულია თბილისში, ოკუპაციის მუზეუმში, ოზურგეთში, ნასაკირალში, სამცხე–ჯავახეთში და აზერბაიჯანში.

სარვარ საფაროვი საქართველოდან გადასახლებული მუსლიმი მესხების შთამომავალია. მისი ისტორიული გვარი ლაზიშვილია. აზერბაიჯანიდან ისტორიულ სამშობლოში რეპატრიაციის კანონის მიღების შემდეგ, 2008 წლის მაისში დაბრუნდა და ახლა ექიმია: „დედაჩემი ტელევიზორს რომ უყურებდა, თუ გამოჩნდებოდა ჩვენი მთები ან ტყე, სასწრაფოდ მეტყოდა ნახე ჩვენს სამშობლოს აჩვენებენ. ზოგჯერ რაღაც ადგილებს მიამსგავსებდა ხოლმე ჩვენი სამშობლოს ხედებს, გვენატრებოდა საქართველო“,– იხსენებს საფაროვი.

მიხაილ შაჰიევიც რეპატრირებული მესხების შთამომავალია. იგი აზერბაიჯანიდან საქართველოში განათლების მისაღებად ჩამოვიდა. შაჰიევი სამცხე–ჯავახეთის სახელმწიფო უნივერსიტეტში ბიზნესადმინისტრირების ფაკულტეტის მესამე კურსის სტუდენტია და ამბობს, რომ დღევანდელი დღე მისთვისაც ისეთივე მნიშვნელოვანია, როგორც სხვა მუსლიმი მესხებისათვის: „ერთ ღამეში უამრავი სოფელი დაცარიელდა და ამდენი ხალხი გადაასახლე. სიცივეში ქალები და ბავშვები ტიროდნენ, შეყარეს ვაგონებში და სამშობლოს მოაცილეს“.

1944 წელს ნოემრის ღამეს, სტალინის განკარგულებით მესხეთიდან ციმბირისა და ცენტრალური აზიაში 120 ათასამდე მესხი გადაასახლეს. საქართველოდან მათი არის მიზეზი სტალინის ეჭვი იყო, რომ მტტის შემოსევის შემთხვევაში, მუსლიმი მესხები საბჭოთა არმიის საწინააღმდეგო პოზიციას დაიკავებდნენ.

1999 წელს, ევროსაბჭოში გაწევრიანებისას, საქართველომ მუსლიმი მესხების რეპატრიაციის ვალდებულება აიღო. 2007 წელს საქართველომ მიიღო კანონი რეპატრიაციის შესახებ, რომელიც მესხებისათვის რეპატრიანტის სტატუსისა და მოქალაქეობის მინიჭების პროცედურებს არეგულირებს.

[მარიამ ბარძიმაძე, ახალციხე]


03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.12.2019 5 დეკემბერს ახალციხეში დენი აღარ გაითიშება – 'ენერგო–პრო ჯორჯია'

04.12.2019 ახალციხის ცხრა სოფელს ახალი ამბულატორია ექნება

04.12.2019 მართლმადიდებლები ღვთისმშობლის ტაძრად მიყვანებას აღნიშნავენ

04.12.2019 5 დეკემბერს ახალციხეში დენი გაითიშება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

მსგავს თემაზე

‘სამშობლო, რომელიც შორია’ – 72 წელი გადასახლებიდან
”სამშობლო, რომელიც შორია”
რეპატრირებული მესხების პრობლემები გადასახლებიდან 75 წლის თავზე
სახელმწიფო მინისტრის აპარატის თანამშრომლები ახალციხეში შეხვედრას გამართავენ
მარხვა სოლიდარობის ნიშნად

ახალციხეში 1944 წლის ნოემბერი გაიხსენეს