სამხრეთის კარიბჭე. FM97.5 / LIVE

სოფელ მოხეში მართლმადიდებლური ტაძარი და დედათა მონასტერი გაიხსნა

მთავარისიახლე, საზოგადოება 12.11.2017
ადიგენში, სოფელ მოხეში, ანდრია პირველწოდებულის სახელობის ტაძარი და დედათა მონასტერი გაიხსნა. ტაძრის გახსნას ხუთი მიტროპოლიტი ესწრებოდა. გახსნის შემდეგ კი მოხეში „ერისიონის“ კონცერტი გაიმართა.

სოფელ მოხეში მართლმადიდებლური ტაძარი და დედათა მონასტერი გაიხსნა

სოფელ მოხეში, ანდრია პირველწოდებულის სახელობის ტაძრის გახსნაზე დასასწრებად სამცხე–ჯავახეთის სხვადასხვა დასახლებებიდან ადგილობრივები, დღეს, 12 ნოემბერს, დილის 10:00 საათისათვის შეიკრიბნენ. ისინი ახალციხიდან, ასპინძიდან და ადიგენის სხვადსხვა სოფლებიდან ჩავიდნენ.

ტაძრის გახსნის პერიოდში, მოხის ცენტრსა და ეკლესიის მიმდებარე ტერიტორიაზე, სამართალდამცველები იყვნენ მობილიზებული.

ტაძარი ახალციხისა და ტაო–კლარჯეთის მიტროპოლიტმა თეოდორემ აკურთხა. მან ღვთისმსახურება ზუგდიდისა და ცაიშის მიტროპოლიტ მეუფე გერასიმესთან, გორისა და ატენის მიტროპოლიტ მეუფე ანდრიასთან, ცაგერისა და ლენტეხის მიტროპოლიტ მეუფე სტეფანესა და ხორნაბუჯელ მიტროპოლიტთან მეუფე დიმიტრისთან ერთად შეასრულა.

სოფელ მოხეში მართლმადიდებლური ტაძარი და დედათა მონასტერი გაიხსნა

„ამ ხეობაში ეს ერთადერთი მოქმედი ტაძარი იქნება, სადაც დღეიდან რეგულარულად ჩატარდება წირვა–ლოცვა. ტაძარი ანდრია პირველწოდებულის სახელობისაა, რადგან იგი აჭარიდან სწორედ ამ მხრიდან შემოვიდა სამცხე–ჯავახეთში და ქრისტიანობა გაავრცელა“, – განაცხადა ქადაგებისას მეუფე თეოდორემ.

მოხის ანდრია პირველწოდებულის სახელობის ტაძრის წინამძღვარი არქიმანდრიტი მამა ნიკოლოზ გეწაძე იქნება, რომელიც ასევე ზარზმის მონასტრის წინამძღვარია. მოხეში, დღეს, ტაძრის მიმდებარე ტერიტორიაზე, დედათა მონასტერიც გაიხსნა, სადაც დედაოები დღეიდან დაიწყებენ ცხოვრებას.

ტაძრის გახსნის შემდეგ მოხეში კონცერტი გაიმართა. შეკრებილების წინაშე ადგილობრივი ქორეოგრაფიული ანსამბლები და შემსრულებლები, ასევე, ანსამბლი „ერისიონი“ წარსდგნენ.

მოხის ტაძრის მშენებლობა სამი წლის განმავლობაში გრძელდებოდა. სამშენებლო სამუშაოებს ზარზმის მონასტრის წინამძღვარი მამა ნიკოლოზი უძღვებოდა, როგორც ქადაგებისას მეუფე თეოდორემ განაცხადა, მოხის ტაძარი შემოწირულობებით აშენდა.

„მშენებლობის პროცესში ტაძარმა არაერთი განსაცდელი გამოიარა და ყველაფერს გაუძლო. ახლა აქ ვდგავართ და პირველი წირვა–ლოცვა ჩავატარეთ. მშენებლობაში თითქმის მთელი რეგიონი იყო ჩართული, არაერთი ადამიანის შემოწირულობებით აშენდა ეს ტაძარი და იმედი მაქვს, ისინი დახმარების ხელს არც შემდგომში მოაკლებენ“,–აღნიშნა მეუფე თეოდორემ.

სოფელ მოხეში მართლმადიდებლური ტაძარი და დედათა მონასტერი გაიხსნა

სოფელ მოხეში მართლმადიდებლური ტაძარი და დედათა მონასტერი გაიხსნა

სოფელ მოხეში მართლმადიდებლური ტაძარი და დედათა მონასტერი გაიხსნა

სოფელ მოხეში მართლმადიდებლური ტაძარი და დედათა მონასტერი გაიხსნა

[ლუბა გიორგაძე, ადიგენი]


18.11.2017 ახალციხეში ჰუმანური პედაგოგიკის ცენტრის წარმომადგენლები პედაგოგებს ხვდებიან

06.11.2017 გარემონტებულ პირველ სკოლაში შესაძლოა ანსამბლი "მესხეთი" ვეღარ დაბრუნდეს

06.11.2017 პირველ სკოლაში ინვენტარის შეტანა დაიწყეს

06.11.2017 ეროვნული გამოცდების ტესტებში ცვლილებები შევიდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.11.2017 ჰაკატონი “ინოვაცია ონლაინ მედიაში”

17.11.2017 შშმ მოსწავლეებმა სპექტაკლი „კონკია“ დადგეს

16.11.2017 „სამხრეთის კარიბჭემ“ სახალხო დამცველის ჯილდო მიიღო

15.11.2017 ახალციხეში რეპატრირებული მესხების შესახებ ფილმი აჩვენეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

მსგავს თემაზე

სოფელ წინუბანში ტაძარი გაიხსნა
სოფელ სვირში მართლმადიდებლური ტაძარი გაიხსნა [Photo]
ახალციხეში მიქაელ მთავარანგელოზის სახელობის ეკლესია აშენდა
საქართველოს პატრიარქი მესხეთს სტუმრობს
მეუფე თეოდორემ სტიქიის ზონაში პარაკლისი გადაიხადა
სახალხო დამცველი  მეუფე თეოდორეს და გუბერნატორს შეხვდა
მოხეს მართლმადიდებელი მოსახლეობა: ‘ამ მოვლენებში “ნაციონალები” შეინიშნებიან’