FM97.5 / LIVE

დრო რომ უკან დაბრუნდებოდეს...

მთავარისაზოგადოება 18.03.2015
მომღერლობაზე ოცნებით გატარებული წლები, სიყვარულს შეწირული კარიერა და ცხოვრების თავიდან დაწყების სურვილი. 67 წლის ვენერა მაისურაძე ახალ საქმიანობასა და განვლილ წლებზე გვესაუბრება.

დრო რომ უკან დაბრუნდებოდეს...
ვენერა მაისურაძე 1945 წლის 21 ივნისს ახალქალაქის სოფელ ოკამში დაიბადა. მრავალშვილიან ოჯახში დაბადებული გოგონა აღსაზრდელად დეიდამ წაიყვანა.

- ”დეიდას შვილი არ ჰყავდა, ჩვენ კი ხუთი დედმამიშვილი ვიყავით, ამიტომ მან თავისთან წამიყვანა, - ბავშვობას სიამოვნებით იხსენებს ვენერა მაისურაძე: მე და ჩემი და იუმორით აღსავსე ცელქი ბავშვები ვიყავით. ხან რას მოვიფიქრებდით, ხან რას. ძალიან კარგი ბავშვობა მქონდა”.

ბავშვობიდან თოჯინების კეთებით იყო დაინტერესებული: ”თოჯინების გაკეთება ძალიან მიყვარდა და სულ ვკერავდი, თუმცა მოგვიანებით ეს საქმე მივივიწყე”.

გარდა ამისა, ვენერა მაისურაძე ბავშვობიდანვე სცენისა და სიმღერის სიყვარულით სულდგმულობს: ”არაჩვეულებრივად ვმღეროდი და ახლაც ვმღერი. ბავშვობაში სკოლაში კონცერტები რომ ეწყობოდა, ჩემს გარეშე არ ჩაივლიდა. ბევრჯერ თავადაც ვყოფილვარ ორგანიზატორი”.

სცენის სიყვარული არც მოგვიანებით განალებია, თუმცა ამისთვის უკვე დრო აღარ ჰქონდა. მის ცხოვრებაში პირველი სიყვარული გამოჩნდა: ”16 წლის ვიყავი, ცოლიანი მამაკაცი რომ შემიყვარდა. მას ჩუმად ვხვდებოდი”.

მოგვიანებით ამ ადამიანთან დაშორება მოუწია და 25 წლის ასაკში სხვა მამაკაცზე უსიყვარულოდ გათხოვდა: ”სოფელ ურაველში გავთხოვდი. არ შემხვდა კარგი მეუღლე. მთელ დღეებს სმაში ატარებდა. ყველაფრის გაკეთება მე მიწევდა”.

მისგან ორი შვილი შეეძინა და მთელ დროს საოჯახო საქმეებსა და ბავშვების აღზრდას უთმობდა: ”წარმოიდგინეთ, ფეხმძიმე ქალი ტომრებს ზურგით ვეზიდებოდი, ტყიდან შეშა მომქონდა. ჯანმრთელობა მნიშვნელოვნად შემერყა. როდესაც ასეთ პირობებში ხარ, ვეღარ ფიქრობ შენს საყვარელ საქმიანობაზე, თუმცა, სცენის სიყვარულს მაინც არ დავუტოვებივარ”.

ოჯახის შექმნიდან 11 წლის შემდეგ მეუღლეს გაშორდა და ურაველიდან ახალციხეში წამოვიდა საცხოვრებლად: ”ახალციხეში ჩემს პირველ სიყვარულს ისევ შევხვდი და მას დავუკავშირე ბედი. ოჯახი მეორედ შევქმენი”.

მეორე მეუღლისგან ერთი შვილი შეეძინა. ”ჩემი პირველი სიყვარული და მეორე მეუღლე მოგვიანებით გარდაიცვალა. მას ძალიან მოსწონდა, როცა ვმღეროდი, ან ვცეკვავდი და სულ მთხოვდა, როცა სტუმრები მოვლენ გამოიპრანჭე და იმღერეო. ასეც ვიქცეოდი”.

ვენერა მაისურაძე სიმღერას მხოლოდ საკუთარ ოჯახში ახერხებდა: ”ჩემს მეუღლეს არ უნდოდა, სცენაზე მემღერა. ეჭვიანი იყო”.
ამბობს, რომ საკუთარი თავისთვის 5 წლის წინ მოიცალა, როცა თოჯინების შექმნა დაიწყო.

თოჯინების კეთება თბილისში ყოფნის დროს გაიხსენა: ”თბილისში ჩემს შვილიშვილს უნდოდა გამოფენისთვის რაიმე ნამუშევარი. გავუკეთე თოჯინა და თბილისის მასშტაბით პირველი ადგილი დაიკავა. ამის შემდეგ ინტენსიურად დავიწყე თოჯინების კეთება”.

სიამოვნებით დაგვათვალიერებინა თავისი თოჯინები და მათი შექმნის ისტორიებიც გვიამბო.

თოჯინების შექმნის პარალელურად ახლაც მღერის: ”განსაკუთრებით ინდური სიმღერები მიყვარს. თუმცა, ყველა ტიპის სიმღერა მომწონს. თბილისში რომ ჩავდივარ, ქსოვრელებთან ერთადაც ვმღერი. მათთან ერთად დისკი უნდა გამომეშვა, მაგრამ გარკვეული პრობლემების გამო ვერ მოვახერხე”.

ვენერა მაისურაძემ რამდენიმე წლის წინ ”რუსთავი 2-ის” პროექტ ”ნიჭიერშიც” მიიღო მონაწილეობა. ეს პერიოდი ძალიან ცუდად ახსენდება: ”ამ პროექტში ინდური სიმღერა ვიმღერე, სამწუხაროდ მინუს ფონოგრამა ვერ მოვძებნე. ხელი ამის გამო შემეშალა და პირველივე ტურიდან გამოვვარდი. მერე ბევრს ეგონა, რომ მე ცუდად ვმღერი. ამან გული დამწყვიტა”.

ოცნებობს, რომ რომელიმე მუსიკალურ პროექტში მოხვდეს: ”მინდა ვიმღერო და ხალხმა დაინახოს, რომ მე ცუდად არ ვმღერი. გული მწყდება რომ ასეთ პროექტებს ჩემი ასაკის ხალხისთვის არ აკეთებენ”.

ჟურნალისტები განსაკუთრებით უყვარს: ”მსიამოვნებს ჟურნალისტებთან ურთიერთობა. კამერით და მიკროფონით აღჭურვილ ჟურნალისტს, რომ დავინახავ, მინდა მივიდე და ჩავეხუტო. მინდა ვუთხრა, რომ მეც მკითხონ რამე”.

ჟურნალისტობაზე არასდროს უოცნებია. თუმცა, შვილიშვილს სთხოვა, რომ ეს პროფესია აირჩიოს. თავად ახლა არაფერზე ოცნებობს: ”მხოლოდ ის მინდა ჩემი შვილები და შვილიშვილები მყავდეს ჯანმრთელად. ერთი კითხვა მაწვალებს ამ ბოლოს, ნეტა თუ დამრჩა იმდენი დრო, რომ რაიმე დავგეგმო?!”

კითხვაზე, რას შეცვლიდა, დრო რომ უკან დაბრუნდებოდეს, ბევრს არ ფიქრობს.

- "ნეტა დაბრუნდებოდეს, აუცილებლად კარიერას ავირჩევდი, მქონდა შანსი, მაგრამ მას ხელი ვკარი და სიყვარული ვარჩიე. ადრე ერთ-ერთმა პროდიუსერმა მკითხა, ასეთი ხმის პატრონმა, ასე რატომ დაიგვიანეო. ვუთხარი, სუფრაზე რომ მოვხვდებით, ჩემს პატარა ისტორიას მოგიყვები და მიხვდები, რატომაც დავიგვიანე მეთქი. მე მას იმ ისტორიას მოვუყვები, რაც ახლა თქვენ მოგიყევით”.

დრო რომ უკან დაბრუნდებოდეს...

[ნინო ზედგინიძე, ახალციხე]


13.08.2019 რას მოუტანს Erasmus + სამცხე-ჯავახეთის უნივერსიტეტს

13.08.2019 ახალციხელმა თამთა პეტაშვილმა ლიეტუვის სახელმწიფო დაფინანსება მოიპოვა

12.08.2019 ჯილდოს მსურველი პენსიონერი პედაგოგები სკოლაში ახალი კადრის შერჩევამდე დარჩებიან

10.08.2019 ახალციხელი მასწავლებელი დაჯილდოვდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.08.2019 ვინ იმღერებს 'ბორჯომობის' დღესასწაულზე

14.08.2019 დიდ პამაჯში ხანძარი ლიკვიდირებულია [ფოტო/ვიდეო]

14.08.2019 სამცხე-ჯავახეთში რაგბის განვითარების პერსპექტივებზე იმსჯელეს ®

14.08.2019 ბაკურიანში სამი ახალი საბაგირო აშენდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

05.08.2019 ბუნების დაცვა და ‘რობოტიზაცია’ - ახალციხელი გამომგონებლების მიზნები

05.08.2019 ‘წუნდა’ – ანსამბლი, რომელიც მესხურ ფოლკლორს ინახავს [ფოტო/ვიდეო]

მსგავს თემაზე

მეეზოვის ცოცხი მკერავის მაკრატლის ნაცვლად
რთული, მაგრამ ბედნიერი 34 წელიწადი  – ცხოვრება დაუნის სინდრომით
‘ყველა კონცერტის წინ ვნერვიულობ’ – 15 წლის მომღერალი ახალციხიდან [Video]
‘ვერ წარმომიდგენია დღე თეატრის გარეშე’ – ცირა ტაბატაძის 35 წელი სცენაზე
მარტო, მავთულხლართების პირისპირ
არის ერთი ქალი . . .
50 წელი მესხეთის თეატრის სცენაზე