სამხრეთის კარიბჭე. FM97.5 / LIVE

‘ქალები საკრებულოში დიდი ძალაა’ – ქალი კანდიდატებისა და ამომრჩევლების დისკუსია

მთავარისაზოგადოება 10.10.2017
10 ოქტომბერს, ახალციხეში, ორგანიზაციის ‘ჟურნალისტთა ქსელი გენდერული თანასწორობისათვის’ ორგანიზებით, ქალი ამომრჩევლებისა და ქალი პოლიტიკოსების შეხვედრა გაიმართა. დისკუსიაზე ქალი ამომრჩევლების საჭიროებებსა და ქალთა პოლიტიკაში ჩართულობაზე იმსჯელეს.

‘ქალები საკრებულოში დიდი ძალაა’  – ქალი კანდიდატებისა და ამომრჩევლების დისკუსია

შეხვედრას ადგილობრივი არასამთავრობო ორგანიზაციების წევრები, ქალი ამომრჩევლები და ადგილობრივი თვითმმართველობის არჩევნებში მონაწილე ქალი კანდიდატები ესწრებოდნენ, როგორც მაჟორიტარები, ასევე პარტიული სიის წევრები.

კანდიდატებს შორის იყვნენ ახალი სახეებიც და ისინიც, ვინც წლებია პოლიტიკაშია. ქალი პოლიტიკოსები პოლიტიკაში ქალთა ჩართულობის მნიშვნელობასა და სირთულეებზე საუბრობდნენ.

‘ქალები საკრებულოში დიდი ძალაა’  – ქალი კანდიდატებისა და ამომრჩევლების დისკუსია “ბოლო მოწვევის დეპუტატი რომ ვიყავი, რამდენიმე ამომრჩეველი მოვიდა, რომელსაც ქორწინების გარეშე ჰყავდა შვილი გაჩენილი, მარტოხელები იყვნენ და ძალიან უჭირდათ. მინდოდა მათ ადგილობრივი ბიუჯეტიდან დახმარება დანიშვნოდათ და საკრებულოში ამ საკითხის ლობირება დავიწყე, მაგრამ, მხარი არავინ დამიჭირა, ათასი მიზეზი მოიგონეს – რეგისტრირებული არ არიან, სტატისტიკა არ არსებობს…

მეორე იყო ჯანდაცვას თან დაკავშირებული საკითხი. სოციალურად დაუცველი ოჯახებისთვის მედიკამენტებით დაფინანსება და ხელოვნური საკვები ჩვილების ოჯახებისთვის. მე მაშინ პატარები მყავდა და ვიცი რა ძვირი უჯდება ოჯახს საკვების შეძენა. მხოლოდ სოციალურად დაუცველი ოჯახებისთვის მინდოდა. ვერც ეს საკითხი გავიტანე.

მესამე საკითხი იყო ბაღებში გეგმიური ანალიზების ჩატარება. შეიძლება ბავშვი ავად არ გახდა და ვიღაცას არ აქვს საშუალება, რომ წაიყვანოს და გეგმიური ანალიზი ჩაუტაროს, მაგრამ, სამწუხაროდ, ერთი წლის შემდეგ შეიძლება ისეთი დაავადება აღმოჩნდეს, რისი განკურნებაც ერთი წლის წინ შეიძლებოდა. არც ისეთი რთულია, 6 ლარი ჯდება ერთი ბავშვი. გადასარევი ჯანდაცვის სისტემა გვაქვსო და რად გვინდაო.

ვფიქრობ, რომ თუ აქტიური ქალები იქნებიან საკრებულოში, ასეთი საკითხების გატანა აღარ გაჭირდება. ქალები ისე უნდა გაძლიერდნენ, რომ ეხვეწებოდნენ მათ დათანხმდნენ სიებში ჩასმას და კანდიდატობას. მეტი ქალი გვჭირდება საკრებულოში”, – განაცხადა ახალციხის მუნიციპალიტეტის საკრებულოს დეპუტატმა, ასევე, ადგილობრივი თვითმმართველობის არჩევნებში, “ევროპული საქართველოს” პარტიული სიის წევრმა მარინე სუდაძემ.

“საქართველოში საზოგადოება მოწყალეა მამაკაცების მიმართ, მაგრამ არა ქალების მიმართ”, – განაცხადა ქალაქ ახალციხის საკრებულოს თავმჯდომარის მოადგილემ, “ქართული ოცნების” პარტიული სიის მესამე ნომერმა თამარ გოგოლაძემ.

‘ქალები საკრებულოში დიდი ძალაა’  – ქალი კანდიდატებისა და ამომრჩევლების დისკუსია მან იმის შესახებაც ისაუბრა, რატომაა აუცილებელი საკრებულოში მეტი ქალი მუშაობდეს: “ქალი სხვაგვარად ხედავს, დეტალებს ამჩნევს, მეტ ტკივილს ხედავს, მეტ საჭიროებებს ხედავს. სხვაგვარი ხედვა აქვს, მაგრამ, როცა ერთი და ორი ხარ, შენი ხედვა არ გადის. თუკი საკრებულოებში, თვითმმართველობებში შევლენ აქტიური ქალები, რასაც გინდა იმას შეცვლიან, ქალები დიდი ძალაა. როცა ერთი და ორი ქალი შედის, ის ამას ვერ ახერხებს, ბევრი ქალი ნებისმიერ საკითხს გაიტანს”.

დისკუსია არასამთავრობო ორგანიზაციამ, „ჟურნალისტთა ქსელი გენდერული თანასწორობისათვის“, აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფარგლებში გამართა. პროექტი: „დაუჭირე მხარი ქალთა პოლიტიკაში ჩართულობას”, რომლის სლოგანია, – “ქალის ხმა არჩევნებში!“, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით ხორციელდება.

[ნინო ნარიმანიშვილი, ახალციხე]


17.10.2017 ფიზიკური და ფსიქოლოგიური ძალადობა სკოლებში – ომბუდსმენის ანგარიში

17.10.2017 საქართველოს სკოლებში ბულინგი და უცხო პირების შეღწევა კვლავ პრობლემაა – ომბუსდმენი

11.10.2017 არჩევნები შედგა, მაგრამ სამცხე–ჯავახეთის უნივერსიტეტში რექტორის საკითხი ისევ დავის საგანია

11.10.2017 სამცხე–ჯავახეთის უნივერსიტეტში რექტორის მოვალეობას მერაბ ბერიძე შეასრულებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

19.10.2017 ‘თანასწორობა იგებს’ – აქცია ახალციხეში

19.10.2017 ცოლის ქამრით ცემაში ბრალდებული სასამართლო დარბაზიდან გაათავისუფლეს

18.10.2017 ასპინძის გამგეობას თანამშრომლები ტოვებენ – წყარო სუს–ის ზეწოლაზე საუბრობს

18.10.2017 ახალციხის მერობის კანდიდატების ხედვები პარკინგის პრობლემის მოგვარებაზე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

მსგავს თემაზე

დისკუსია ახალციხეში ქალი ამომრჩევლების საჭიროებების შესახებ
გენდერული დისკუსია აგარის თემში
ქალის ხმა არჩევნებში!“ — საინფორმაციო შეხვედრები  ახალციხეში

დისკუსია – ამომრჩეველ ქალთა საჭიროებები [ანონსი]
თბილისის შემდეგ არჩევნებში ქალები ყველაზე აქტიურები ახალქალაქში იყვნენ
‘მეტი ქალი პარლამენტში’ – აქცია ახალციხეში
ქალები თვითმმართველობაში