FM97.5 / LIVE

ახალციხე არჩევნებამდე 19 დღით ადრე

მთავარისიახლე, არჩევნები 02.10.2017
2017 წლის თვითმმართველობის არჩევნებამდე 19 დღე რჩება. ახალციხიდან არჩევნებში 9 პოლიტიკური პარტია ჩაერთო. მათმა ნაწილმა კანდიდატები დაასახელა, ნაწილი კი ადგილობრივ საკრებულოში შესვლას პროპორციული სიით ცდილობს.

ახალციხე არჩევნებამდე 19 დღით ადრე

თვითმმართველობის არჩევნებისათვის, ახალციხის საოლქო–საარჩევნო კომისიაში, საარჩევნო კანონმდებლობით გაწერილ ვადაში, 9 პოლიტიკური პარტია დარეგისტრირდა: „ერთიანი ნაციონალური მოძრაობა“, „ქართული ოცნება–დემოკრატიული საქართველო“, „ბაქრაძე უგულავა– ევროპული საქართველო“, „გიორგი ვაშაძე–ერთობა ახალი საქართველო“, „თავისუფლება– ზვიად გამსახურდიას გზა“, „გაერთიანებული დემოკრატიული მოძრაობა“, „შალვა ნათელაშვილი–საქართველოს ლეიბორისტული პარტია“, „დიმიტრი ლორთქიფანიძე, კახა კუკავა–დემოკრატიული მოძრაობა– თავისუფალი საქართველო “ და „დავით თარხან მოურავი, ირმა ინაშვილი – საქართველოს პატრიოტთა ალიანსი“.

ამ ცხრა პარტიიდან საარჩევნო შტაბი მხოლოდ ოთხს აქვს: „ერთიან ნაციონალურ მოძრაობას“, „ევროპულ საქართველოს“, „ქართულ ოცნებასა“ და „პატრიოტთა ალიანსს“. დანარჩენი ხუთი პარტიის წარმომადგენლები კი შტაბის გარეშე მუშაობენ.

თითქმის ერთი თვეა წინა საარჩევნო კამპანიაში ჩაება და მოსახლეობასთან შეხვედრები დაიწყო „ქართული ოცნების“ მერობის კანდიდატმა ზაზა მელიქიძემ. მმართველ პარტიას, ახალციხის ყველა მაჟორიტარულ ოლქში წარდგენილი ჰყავს მაჟორიტარობის კანდიდატებიც.

ასევე, ყველა მაჟორიტარულ ოლქში ჰყავს დასახელებული კანდიდატები „ნაციონალურ მოძრაობას“. ახალციხის მერობის კანდიდატმა ირაკლი ბარძიმაძემ კი, უკვე თვეზე მეტია კარდაკარის პრინციპით, როგორც ქალაქის, ისე სოფლის მოსახლეობასთან შეხვედრები დაიწყო.

ახალციხის ყველა მაჟორიტარულ ოლქში, მერობის კანდიდატთან ერთად, მოსახლეობას ხვდებიან „ევროპული საქართველოს“ მაჟორიტარობის კანიდატებიც.

„დიდიხანი არ არის, ახლახან დავიწყეთ, მოსახლეობასთან შეხვედრები, ყველა მაჟორიტარულ ოლქში, მაჟორიტარობის კანდიდატებთან ერთად დავდივართ და ჩვენს პროგრამას ვაცნობთ“, – გვეუბნება „ევროპული საქართველოს“ მერობის კანდიდატი ვაჟა ჩიტაშვილი.

ახალციხეში, 18–იდან მხოლოდ შვიდ მაჟორიტარულ ოლქში ჰყავს მაჟორიტარობის კანდიდატები „პატრიოტთა ალიანსს“. „პატრიოტთა ალიანსის“ მერობის კანდიდატი ჯუმბერ ინასარიძე ამბობს, რომ წინასაარჩევნო კამპანიას და მოსახლეობასთან შეხვედრებს აქტიურად აწარმოებს.
ჩამოთვლილი მერობის კანდიდატებისაგან განსხვავებით, ახალციხეში შტაბი არ აქვთ „თავისუფლება – ზვიად გამსახურდიას გზა“ და „გიორგი ვაშაძე – ერთობა ახალი საქართველოს“ კანდიდატებს.

„მე ჩავთვალე, რომ არ იყო აუცილებელი შტაბის ქონა. ისეც კარგად ვხვდები ამომრჩეველს და ვმუშაობ“,–აცხადებს „თავისუფლება – ზვიად გამსახურდიას გზის“ მერობის კანდიდატი ჯიმშერ გოგოლაური. პარტიას მაჟორიტარობის კანდიდატები, მხოლოდ ქალაქის სამ მაჟორიტარულ ოლქში ჰყავს.

მისგან განსხვავებით, მხოლოდ მერობის კანდიდატით არის წარმოდგენილი პარტია „გიორგი ვაშაძე –ერთობა ახალი საქართველო “. თუმცა ამ პარტიის კანდიდატი არც მედიას ეკონტაქტება და არც მისი აქტივობის ისმის რამე.

ჩამოთვლილი პოლიტიკური პარტიების გარდა, ახალციხეში კიდევ სამი სუბიექტია, რომლებსაც არც კანდიდატები ჰყავთ და არც შტაბები აქვთ, თუმცა საოლქო საარჩევნო კომისიაში უკვე დაარეგისტრირეს პარტიული სიის წევრები. ეს პარტიებია: „დიმიტრი ლორთქიფანიძე, კახა კუკავა–დემოკრატიული მოძრაობა– თავისუფალი საქართველო ,“ „შალვა ნათელაშვილი–საქართველოს ლეიბორისტული პარტია“ და “გაერთიანებული დემოკრატიული მოძრაობა“, რომელმაც გასული არჩვენებისაგან განსხვავებით, წელს გადაწყვიტა ახალციხეში, არც მერობის და არ მაჟორიტარობის კანდიდატი ჰყოლოდა.

2017 წლის თვითმმართველობის არჩვენებამდე 19 დღე რჩება, ადგილობრივი თვითმმართველობის არჩევნები 21 ოქტომბერს უნდა გაიმართოს.

[ლუბა გიორგაძე, ახალციხე]


03.07.2020 რა უნდა გაითვალისწინონ აბიტურიენტებმა – გამოცდების ჩატარების წესები დაზუსტდა

02.07.2020 აბიტურიენტები PCR-ტესტირების ჩატარებას სამცხე–ჯავახეთის 3 კლინიკაში შეძლებენ

02.07.2020 როგორ უნდა აიმაღლოს პრაქტიკოსმა მასწავლებელმა სტატუსი

02.07.2020 გამოცდის მსვლელობისას აბიტურიენტს პირბადის გაკეთება არ მოუწევს - გიორგი გახარია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.07.2020 შაბათ–კვირას სამცხე–ჯავახეთში იწვიმებს

03.07.2020 ეროვნულ გამოცდებზე ბორჯომიდან ახალციხემდე აბიტურიენტები უფასოდ იმგზავრებენ

03.07.2020 ბაკურიანში ზაფხულის სეზონი 10 ივლისს გაიხსნება

03.07.2020 სამცხე-ჯავახეთის მუზეუმმა 11 დღეში 230 ვიზიტორი მიიღო

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

სამცხე–ჯავახეთში მერობის 31 და მაჟორიტარობის 321 კანდიდატია
31 კაცი და 1 ქალი – მერობის კანდიდატები სამცხე–ჯავახეთში
სამცხე–ჯავახეთში კანდიდატურები 26–მა საარჩევნო სუბიექტმა მოხსნა
1 ქალი და 34 მამაკაცი – მერობის კანდიდატები სამცხე–ჯავახეთში
არჩევნების შედეგები – ახალციხე [სრული]
ახალციხის მერობისთვის ექვსი კანდიდატი იბრძოლებს
თვითმმართველობის არჩევნებში მონაწილე სუბიექტების საარჩევნო ნომრები ცნობილია