FM97.5 / LIVE

პროფსასწავლებელმა 100 სტუდენტი მიიღო

მთავარისაზოგადოება » განათლება 21.05.2012
საქართველოს მასშტაბით არსებულ ყველა პროფესიულ კოლეჯში სოციალურად დაუცველმა სტუდენტებმა სწავლა დაიწყეს. რომელ სპეციალობებზე იყო მოთხოვნა ახალციხს პროფესიულ სასწავლებელში

პროფსასწავლებელმა 100 სტუდენტი მიიღო

ახალციხის პროფესიულ გადამზადების ცენტრში სოციალურად დაუცველი სტუდენტებისთვის სწავლა გასულ კვირას დაიწყო. პროფესიული განათლების ვაუჩერული დაფინანსების პროექტისთვის, რეგიონის მასშტაბით, რეგისტრაცია ასზე მეტმა მსურველმა გაიარა, თუმცა კოლეჯს მხოლოდ ასი ბავშვის მიღების უფლება ჰქონდა.

- “იმ ბავშვებს, რომლებიც ამ ეტაპზე სასურველ პროფესიაზე ვერ მოხვდნენ, სექტემბერში მივიღებთ”,-ამბობს ახალციხის პროფესიული გადამზადების ცენტრის დირქეტორი ბელა ავალიშვილი.

პირველ ეტაპზე სასწავლებელმა მიღება მხოლოდ ექვს სპეციალობაზე გამოაცხადა. 100 სოციალურად დაუცველი სტუდენტი დურგლის, კალატოზის, მეფილე-მომპირკეთებლის, მცენარეების დამამზადებელი სამკურნალო ნატულის, მზარეულის და კონდიტერის პროფესიებზე გადანაწილდა.

აღნიშნული პროფესიების შესწავლის სურვილი სხვადასხვა ასაკის ადამიანებმა გამოთქვეს. მათ შორის ერთ-ერთი 45 წლის ზაზა ნებაძეა, რომელიც წლების წინ სამხედრო ნაწილში მზარეულის დამხმარედ მუშაობდა. შესაბამისად მან ახლაც მზარეულის პროფესია აირჩია.

- “გამოცდილება მაქვს, მაგრამ მინდა პროფესია უფრო კარგად შევისწავლო, რომ კონკურენტუნარიანი გავხდე. მომავალში დასაქმების მეტი შანსი მექნება, პრესტიჟულ სასტუმროებში და რესტორნებში მუშაობას შევძლებ”, - ამბობს იგი.

ახალციხის პროფესიული გადამზადების ცენტრში რეგისტრაცია მიმდინარე წლის აპრილში 41 წლის თინა დიასამიძემაც გაიარა. ამბობს, რომ კერძების მომზადება კარგად გამოსდის, ამიტომ ამ სფეროში გადამზადების შანსს ხელიდან ვერ გაუშვებდა: “ქალაქში სასტუმროების, რესტორნების და კვების ობიექტების გაკეთება იგეგმება, ამიტომ გადავწყვიტე პროფესიის დახვეწა. როცა კადრები დასჭირდებათ, მზად ვიქნები. გვყავს გამოცდილი მზარეული, რომელიც ყოველდღე გვიტარებს, როგორც პრაქტიკულ ასევე თეორიულ გაკვეთილებს”.

სოციალურად დაუცველი ოჯახიდანაა ახალციხის მუნიციპალიტეტის სოფელ აწყურის მკვიდრი ლიზი კურტანიძეც, რომელმაც ფინანსური პრობლემების გამო სწავლა ორჯერ შეწყვიტა: “ბორჯომში სამედიცინო კოლეჯში ვსწავლობდი, ფინანსური მდგომარეობის გამო სწავლა ვეღარ გავაგრძელე. ერთი წლის შემდეგ გადავწყვიტე ახალციხეში სამედიცინო კოლეჯში გამეგრძელებინა სწავლა, მაგრამ იგივე მიზეზით ვერც ეს სასწავლებელი დავამთავრე”.

ლიზი მცენარეების დამამაზადებელი სამკურნალო ნატულის ხელობას ეუფლება. ათასლარიანი ვაუჩერით რვათვიან კურსს გაივლის, სურვილის შემთხვევაში სწავლას ისევ გააგრძელებს.

საქართველოს პრეზიდენტის ინიციატივით პროფესიული განათლების ვაუჩერული დაფინანსების პროექტი წელს პირველად ამოქმედდა. სახელმწიფო, ყველა მსურველს, ვინც პროფესიულ კოლეჯში სწავლას გადაწყვეტს, ათასლარიანი ვაუჩერით აფინანსებს. წლის განმავლობაში, ვაუჩერული დაფინანსებით, 7'000 ადამიანი ისწავლის. ვაუჩერით სრულად დაფინანსდებიან სოციალურად დაუცველი სტუდენტები, ასევე, მიმდინარე წლის ცხრაკლასდამთავრებულები და მეთორმეტეკლასელები.

- “ათასლარიან ვაუჩერებს ის სოციალურად დაუცველი ოჯახები მიიღებენ, რომელთაც მინიჭებული აქვთ 100 ათას ქულაზე ნაკლები. დანარჩენები მხოლოდ 70 პროცენტით დაფინანსდებიან და უფლება ექნებათ გამოცდის წარმატებით ჩაბარების შემთხვევაში დარჩენილი 30 პროცენტიც მოიპოვონ”, - ამბობს ბელა ავალიშვილი.

საქართველოს მასშტაბით ათასლარიანი ვაუჩერი პირველ ეტაპზე 2'500-მა სოციალურად დაუცველმა სტუდენტმა მიიღო.

განათლებისა და მეცნიერების სამინისტროს ინფორმაციით, “პროფესიული განათლების ვაუჩერული დაფინანსების პროგრამა მომავალშიც გაგრძელდება და ყველა მსურველს, ასაკის მიუხედავად, შესაძლებლობა ექნება ისწავლოს, იშრომოს, გახდეს პროფესიონალი და დასაქმდეს”.

[მანანა სარაშვილი, ახალციხე]


18.10.2019 ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

18.10.2019 ზარზმაში საჯარო სკოლა გაიხსნა

17.10.2019 განათლების სამინისტრო ესეების კონკურსს აცხადებს

16.10.2019 სამცხე-ჯავახეთში კომპიუტერი 200–მდე წარჩინებულ მოსწავლეს გადაეცემა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2019 ევროპა მაგარია! სოციალური რეკლამა [ვიდეო]

21.10.2019 ახალციხის ცენტრალურ სტადიონზე მძლეოსნობაში შეჯიბრი მიმდინარეობს

20.10.2019 ზაკის სკოლის მასწავლებელი: სამინისტრო საქვაბის მშენებლობაზე ნებართვის გაცემას აჭიანურებს

20.10.2019 ბორჯომში ანსამბლ 'ადილეის' კონცერტი გაიმართება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

მსგავს თემაზე

რატომ დაიწყო ფინანსური კრიზისი ახალციხის პროფსასწავლებელში?
პროფესიულ სასწავლებელში სასწავლო პროგრამები იცვლება
415 განცხადება 175 ადგილზე – პროფესიულ პროგრამებზე რეგისტრაცია დასრულდა
სამი გოგოს პროფესიული არჩევანი - ხელობა ფინანსური თავისუფლებისთვის
პროფესიული განათლების მიღების მსურველთა რეგისტრაცია დაიწყო
პროფესიული განათლების მიღების მსურველთა რეგისტრაცია სრულდება
რას სთავაზობს ‘ოპიზარი’ სტუდენტებს