FM97.5 / LIVE

მესხეთის თეატრში ეროვნული დრამატურგიის ფესტივალი ჩატარდება

მთავარისიახლე, საზოგადოება 09.10.2017
ხვალიდან, 10 ოქტომბრიდან, მესხეთის სახელმწიფო დრამატული თეატრი, ეროვნული დრამატურგიის ფესტივალს უმასპინძლებს. ფესტივალის ფარგლებში მაყურებელი 20 წარმოდგენას იხილავს.

მესხეთის თეატრში ეროვნული დრამატურგიის ფესტივალი ჩატარდება

ეროვნული დრამატურგიის ფესტივალი წელს მეოთხედ ტარდება.

„ქართულ დრამატრუგიაში ძალიან მძიმედ მიდის საქმე, ხელი რომ შევუწყოთ ამ დარგის განვითარებას და მცირე წვლილი შევიტანოთ ამ საქმეში, ეს ფესტივალი სწორედ ამას ემსახურება. გარდა ამისა, მესხეთში ჩვენი მაყურებელი იმსახურებს, რომ ორ წელიწადში ერთხელ მაინც საქართველოს თეატრების სპექტაკლები ნახოს“, – ამბობს მესხეთის დრამატული თეატრის სამხატვრო ხელმძღვანელი ლია სულუაშვილი.

ფესტივალი, 10 ოქტომბერს გაიხსნება. ფესტივალის გახსნის დღეს, 18:00 საათზე, თეატრის ეზოში საზეიმო კოსტიუმირებული სანახაობა მოეწყობა, 19:00 საათზე კი პირველ წარმოდგენას გამართავს თბილისის თავისუფალი თეატრი. ნაჩვენები იქნება ავთანდილ ვარსიმაშვილის სპექტაკლი „ხალხის იმედი“.

ფესტივალს მესხეთის თეატრის სპექტაკლი დახურავს.

„50 წელი გავიდა მას შემდეგ, რაც თეატრმა სახელმწიფო თეატრის სტატუსი მიიღო, ამიტომ, ვფიქრობთ, რომ ფესტივალს ჩვენ დავხურავთ. იქნება საზეიმო განწყობა, მოვიწვევთ ჩვენს ძველი მსახიობებს, რომლებმაც სახელმწიფო თეატრს ჩაუყარეს საფუძველი, გვეყოლება ძალიან ბევრი სტუმარი“, – ამბობს ლია სულუაშვილი.

ერთი სპექტაკლის ფასი 5 ლარია, აბონემენტის შეძენის შემთხვევაში კი მაყურებელს სპექტაკლის ნახვა 2.50 ლარად შეეძლება. თეატრის ადმინისტრაციის განმარტებით, იქნება ორი აბონემენტი, თითოეულში 10 სპექტაკლი გაერთიანდება და ერთი აბონემენტის ფასი 25 ლარი იქნება.

გთავაზობთ ფესტივალის პროგრამას:
10 ოქტომბერი – თავისუფალი თეატრი „სხვების ცხოვრება“( რეჟ. ავთ. ვარსიმაშვილი)
11 ოქტომბერი – გორის თეატრი, „კამანის გულწითელა თეთრი მტრედი“ (რეჟ: ს ნემსაძე);
12 ოქტომბერი – ქუთაისის თეატრი, „ბულბულის ნისკარტი“ ( რეჟ: გ. სიხარულიძე);
13 ოქტომბერი – სენაკის თეატრი, „ბაკულას ღორები“ ( რეჟ. კ გოგიძე);
14 ოქტომბერი – თუმანიშვილის კინომსახიობთა თეატრი, „ნანილი“ (რეჟ: ნ. ბაგრატიონ–გრუნზინსკი);
15 ოქტომბერი – ზესტაფონის თეატრი, „მაცეკვე ტანგო“ (რეჟ: მ.ტყემალაძე);
16 ოქტომბერი – ჭიათურის თეატრი, „მეთევზე ერთი–ორი“ (რეჟ: გ.შალუტაშვილი);
17 ოქტომბერი – თელავის თეატრი, „სახურავი“ (რეჟ: ნ. ხუსკივაძე);
18 ოქტომბერი – ილიაუნის თეატრი, „ძუნწი და უჩინმაჩინის ქუდი“ (რეჟ: მ. ჩართოლიანი);
19 ოქტომბერი – ახმეტელის თეატრი, „სტუმარ–მასპინძელი“ (რეჟ: ი. გოგია);
20 ოქტომბერი – ცხინვალის თეატრი, „კვაჭი კვაჭანტირაძე“, _რეჟ: გ.კაპანაძე);
22 ოქტომბერი – ბათუმის თეტრი, „სამშობლო მცირეთა და მრავალთა“ (რეჟ: ზ. სიხარულიძე);
23 ოქტომბერი – რუსთაველის თეატრი, „სტუმარი“ (რეჟ: გ. გორგოშიძე);
24 ოქტომბერი – მოზარდმაყურებელთა თეატრი, „არ დამივიწყო“ (რეჟ: დ. ღვთისიაშვილი);
25 ოქტობერი – მარჯანიშვილის თეატრი „პეიზაჟს აკლია სითბო“ (რეჟ: დ. ღვთისიაშვილი);
26 ოქტომბერი – ოზურგეთის თეატრი „დარაბებეს მიღმა გაზაფხულია“ (რეჟ: ვ. ჩიგოგიძე);
27 ოქტომბერი – ფოთის თეატრი, „დიქტატურა“ (რეჟ: დ. მღებრიშვილი);
28 ოქტომბერი – ზუგდიდის თეატრი „მარად და ყველგან“ (რეჟ: ბ. წერედიანი);
29 ოქტომბერი – პანტომიმის თეატრი, „ვეფხვისტყაოსანი“ (რეჟ: ა. შალიკაშვილი);
30 ოქტომბერი – მესხეთის თეატრი, „ჯერ დაიხოცნენ, მერე იქორწინეს“ (რეჟ: კ. გოგიძე);

[თინათინ ზაზაძე, ახალციხე]


20.08.2019 ჯილდოს მიღების მსურველი პედაგოგებისთვის განცხადების შეტანის ვადა იწურება

19.08.2019 მასწავლებელთა გამოცდის შედეგები და გასაჩივრების ვადები ცნობილია

16.08.2019 სამაგისტრო გამოცდის შედეგები ცნობილია

16.08.2019 ახალციხელი სოფიო ტაბატაძე ლიეტუვაში სრული დაფინანსებით ისწავლის

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

20.08.2019 სოციალური მუშაკი: ‘ტყემლანაში მცხოვრები ოჯახიდან ბავშვების წამოყვანას არ ვგეგმავთ’

20.08.2019 ბორჯომ–ხარაგაულის პარკში საფეხმავლო ხიდებს მოაწყობენ

20.08.2019 სამოქალაქო ინიციატივებისთვის ხმის მიცემის პროცესი დაიწყო

20.08.2019 ‘თორი-დინამო’ - ბორჯომში რეგიონული ლიგა განახლდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

05.08.2019 ბუნების დაცვა და ‘რობოტიზაცია’ - ახალციხელი გამომგონებლების მიზნები

05.08.2019 ‘წუნდა’ – ანსამბლი, რომელიც მესხურ ფოლკლორს ინახავს [ფოტო/ვიდეო]

მსგავს თემაზე

რას ნახავს მაყურებელი ეროვნული დრამატურგიის ფესტივალზე
რა სპექტაკლებით გრძელდება დრამატურგიის ფესტივალი
მესხეთის თეატრი დღეს გორის თეატრს უმასპინძლებს
რას ნახავთ ეროვნული დრამატურგიის ფესტივალზე
მესხეთის თეატრი ეროვნული დრამატურგიის მესამე ფესტივალს იწყებს
ახალციხეში დრამატურგიის საერთაშორისო თეატრალური ფესტივალი გაიმართება
დღეს მესხეთის თეატრში ეროვნული დრამატურგიის ფესტივალი საზეიმოდ დაიხურება