FM97.5 / LIVE

ახალციხის საავადმყოფოში 40–მდე ბავშვი შეიყვანეს – ბაღებში ეპიდკვლევა დაიწყო

მთავარისიახლე, საზოგადოება, განათლება 18.09.2017
შეუძლოდ ყოფნის გამო, დღეს, ახალციხეში 70–მდე ბავშვი, საბავშვო ბაღში ვერ გამოცხადდა. მათ გულისრევა, მუცლის ტკივილი და მაღალი სიცხე აღენიშნებათ. საავადმყოფოში მიმართვიანობა არ წყდება, ბაღებში კი საკვებსა და სანიტარულ მდგომარეობას ამოწმებენ.

ახალციხის საავადმყოფოში 40–მდე ბავშვი შეიყვანეს – ბაღებში ეპიდკვლევა დაიწყო

მესამე დღეა, ახალციხის რეფერალურ ჰოსპიტალში, ღებინებით, მუცლის ტკივილითა და მაღალი სიცხით, მცირეწლოვანი ბავშვები შეჰყავთ. საავადმყოფოს ინფორმაციით, ამ სიმპტომებით, სამედიცინო დაწესებულებას, ბოლო ორი დღის განმავლობაში, 35–მა პაციენტმა მიმართა.

„აქედან, მხოლოდ გუშინ 12 ბავშვი იყო. მათ კუჭის აშლილობა, ღებინება და სიცხე აქვთ. არ ვიცით ეს ვირუსია თუ რაიმე სხვა. ამას სპეციალური კვლევა სჭირდება, ასეთ კვლევას კი ჩვენ არ ვატარებთ“, – აცხადებს ახალციხის რეფერალური ჰოსპიტალის მენეჯერი ელდარ ალიევი.
კვლევის ჩასატარებლად ახალციხის რეფერალური ჰოსპიტალის ადმინისტრაციამ საზოგადოებრივი ჯანდაცვის ცენტრს უკვე მიმართა: „გამოვიძახეთ ჯანდაცვიდან ეპიდსამსახური, ისინი დაადგენენ რასთან გვაქვს საქმე“.

ახალციხის საზოგადოებრივი ჯანდაცვის ცენტრმა ბაღებში არსებული ვითარების შესწავლა უკვე დაიწყო.

„რა ჭამეს ბავშვებმა, რა დალიეს და რას შეიძლება გამოეწვია ეს ყველაფერი, ამას დაავადებათა კონტროლის ცენტრი აღებული სინჯების საშუალებით დაადგენს, ამ სინჯებს შესაბამის ლაბორატორიას გავუგზავნით და იქ გამოიკვლევენ”, - ამბობს ახალციხის საზოგადოებრივი ჯანდაცვის ცენტრის ხელძღვანელი ფატი ხაბულიანი.

საზოგადოებრივი ჯანდაცივს ცენტრიდან შესული შეტყობინების საფუძველზე არსებული ვითარების შესწავლა დაიწყო სურსათის უვნებლობის სამსახურმაც.

„ამ წუთებში ჩვენი სპეციალისტები არაგეგმიურ ინსპექტირებას ახორციელებენ. არსებული ვითარებიდან გამომდინარე გაირვევა საჭირო გახდება თუ არა დოკუმენტური შემოწმებაც. ან აიღებენ თუ არა საკვებისა და წყლის სინჯებს“, – ამბობს სოფლის მეურნეობის სამინისტროს სურსათის ეროვნული სააგენტოს სამცხე–ჯავახეთის რეგიონული სამმართველოს უფროსი ლია ბექაური.

ამ წუთებში მუშაობენ, როგორც საავადმყოფოებში, ასევე საბავშვო ბაღებში საზოგადოებრივი ჯანდაცვის სამსახურის წარმომადგენლებიც: „ამოწმებენ როგორც ბაღებს, ასევე ვითარებას ეცნობიან საავადმყოფოებშიც“, – აცხადებს ფატი ხაბულიანი.

ახალციხეში ისეთი სამედიცინო დაწესებულება, სადაც პაციენტის მოთავსება სტაციონარშია შესაძლებელი, ორია. ახალციხის რეფერალური ჰოსპიტალისგან განსხვავებით, კლინიკა „იმედში“ აცხადებენ, რომ მათთან ბავშვების მიმართვიანობის განსაკუთრებული მაჩვენებელი არ ყოფილა.

„ინფექციური დაავადებებით პაციენტებს ჩვენ მხოლოდ ამბულატორიულად ვღებულობთ, სტაციონარში ასეთები არ გვყავს, რადგან ინფექციური კოდებით არ ვმუშაობთ. ამიტომ ბავშვების დიდი ნაწილი ჩვენ საავადმყოფოში არ ყოფილა“, – აცხადებენ კლინიკა „იმედში“.

ახალციხის ბაღების გაერთიანების ხელმძღვანელის ნანა ბერიძის თქმით, ქალაქში მოქმედ რვა საბავშვო ბაღში, იმ ბავშვებს შორის, რომლებიც დღეს ბაღში არ გამოცხადდნენ, კლინიკური ნიშნები 68–ას აღენიშნება. მათ შორის, მაგალითისთვის პირველ ბაგა–ბაღში, ასევე, მეხუთე და მეექვსე ბაღებში, 18–18 ბავშვია ცუდად.

„მეტ–ნაკლებად თითქმის ყველა ბაღს შეეხო და ეს სიმპტომები ჯერ კიდევ ვლინდება ბავშვებში“, – ამბობს ბერიძე.

ახალციხის პირველი ბაგა–ბაღის მენეჯერის ციცო საანიშვილის თქმით, იმ 18 ბავშვს შორის, რომლებიც თავს ცუდად გრძნობენ, საავადმყოფოს მხოლოდ ხუთმა მიმართა.

„ვფიქრობ, რომ ეს ვირუსია და სხვა არაფერი“, – ამბობს ციცო საანიშვილი.

საანიშვილის პოზიციას იზიარებენ საბავშვო ბაღების სხვა თანამშრომლებიც. რაიმე საკვების ან სასმელის გამო ბავშვების მოწამვლას გამორიცხავს ნანა ბერიძეც.

„ვფიქრობ, რომ ვირუსია. თუმცა, ეს იმას არ ნიშნავს, რომ რადგან მე ვფიქრობ, ასე იქნება. უბრალოდ საკვების ვადებსა და შენახვის პირობებს ძალიან მკაცრად ვაკონტროლებთ. თან სწავლა ახალი დაწყებულია და ყველაფერი ახალი შემოტანილია“, – ამბობს ნანა ბერიძე.

მშობლების დიდი ნაწილიც მიიჩნევს, რომ მიზეზი სავარაუდოდ ვირუსია, თუმცა მიაჩნიათ რომ საკვები, წყალი და ჰიგიენის პირობები საბავშვო ბაღებში აუცილებლად უნდა გადამოწმდეს.

არსებული ვითარების გადამოწმება რომ საფრთხეების თავიდან აცილებაში დაეხმარებათ ამაზე ნანა ბერიძეც საუბრობს, თუმცა ამბობს, რომ საბავშვო ბაღებში ყველა ჯგუფი სპეციალური სადეზინფექციო საშუალებებით ყოველ პარასკევს იწმინდება.

რაც შეეხება სხვა ღონისძიებებს, ის თუ რა ზომებია სკოლამდელი აღზრდის დაწესებულებებში გასატარებელი, ეპიდემიოლოგიური კვლევის დასრულების შემდეგ გაირკვევა.

[თამუნა უჩიძე, ახალციხე]


20.09.2018 განათლების სამინისტრომ მეექვსე სკოლის ორი მოსწავლე მედალზე წარადგინა

18.09.2018 უნივერსიტეტში სტუდენტებს ‘მუდლის’ განახლებული პროგრამა გააცნეს

17.09.2018 სამცხე–ჯავახეთის უნივერსიტეტში სასწავლო პროცესი განახლდა

17.09.2018 ახალციხის პირველ სკოლაში სწავლა ისე განახლდა, რომ ეზოს მშენებლობა არ დასრულებულა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

24.09.2018 პენიტენციური სამსახური მერაბიშვილის დიაგნოზს ასაჯაროებს

24.09.2018 ახალციხეში, მთაწმინდელის ქუჩაზე ინფრასტრუქტურის მოწესრიგებას ითხოვენ

22.09.2018 ‘გვინდა საზოგადოებამ დაინახოს რა ნიჭიერი ადამიანები არიან’, – შშმ პირთა მხარდამჭერი ფესტივალი ახალციხეში [photos]

22.09.2018 24 სექტემბრამდე წვიმიანი ამინდია მოსალოდენლი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

ახალციხის საავადმყოფოდან ყველა ბავშვი გაწერეს
რამ გამოიწვია მცირეწლოვნების მასობრივი მიმართვიანობა საავადმყოფოში, ჯერ ისევ უცნობია
ერთი და იგივე ჩივილით 4 დღეში საავადმყოფოებში 41 ბავშვი შეიყვანეს – ბაღებში კონტროლი გაძლიერდა
ახალციხის ბაღებში საკვებს ამოწმებენ
რა აჩვენა ახალციხის ბაღების შემოწმებამ
რატომ არ ჰყავთ  ლოგოპედი  საბავშვო ბაღებში
ორთვიანი შეწყვეტის შემდეგ, საბავშვო ბაღებში სწავლა განახლდა