FM97.5 / LIVE

გაუქმებულ მუნიციპალიტეტებში ქონების აღწერის მიზნით კომისიები შეიქმნა

მთავარისიახლე, ეკონომიკა 14.09.2017
ახალციხის მერიასა და გამგეობაში კომისიები შეიქმნა, მათ მუნიციპალიტეტებში არსებული უძრავ–მოძრავი ქონება უნდა აღწერონ;

გაუქმებულ მუნიციპალიტეტებში ქონების აღწერის მიზნით კომისიები შეიქმნა

ახალციხის მერიასა და გამგეობაში შექმნილ კომისიებში თითქმის ყველა სამსახურის წარმომადგენლები არიან. მერიაში კომისიის თავმჯდომარე მერის მოადგილე ილია ზარდიაშვილია, გამგეობაში კი გამგებლის მოადგილე გურამ მელიქიძე.

როგორც ზარდიაშვილი ამბობს, კომისია 6 სექტემბერს შეიქმნა, თუმცა ამ დრომდე მუშობა არ დაუწყია. მისი თქმით, კომისია მომავალ კვირაში შეიკრიბება.

„არ იქნება რთული, რადგან პირველადი დოკუმენტები, ფაქტობრივად, ყველაფერია. ეს უნდა გადამოწმდეს და მის სისტემატიზება მოვახდინოთ“, – ამბობს ილია ზარდიაშვილი.

მერიისგან განსხვავებით, გამგეობაში აცხადებენ, რომ შესასრულებელი საქმე საკმაოდ შრომატევადია და შესაბამისად, აქ მუშაობაც დაიწყეს.

„კომისიის წევრები აღწერენ როგორც მუნიციპალიტეტის გამგეობის შენობაში არსებულ უძრავ–მოძრავ ქონებას, ასევე გადიან სოფლებში, ადმინისტრაციულ ერთეულებში“, – ამბობს ახალციხის მუნიციპალიტეტის გამგეობის იურისტი ბაია იველაშვილი.
მისი თქმით, ეს მარტივი პროცესი არ არის: „ჯერ მხოლოდ მთლიანი არქივია აღსაწერი“.

კომისიებმა ქონების ნუსხა პირველ ოქტომბრამდე უნდა წარადგინონ და არჩევნების დასრულების შემდეგ შექმნილ ახალ მუნიციპალიტეტს გადააბარონ.

შეგახსენებთ, რომ 2017 წელს გაუქმებული მუნიციპალიტეტების საკუთრებაში/სარგებლობაში არსებული უძრავი/მოძრავი ქონებისა და ვალდებულებების ინვენტარიზაციისა და 2017 წელს შექმნილი შესაბამისი მუნიციპალიტეტებისათვის გადაცემის დროებითი წესის დამტკიცების შესახებ დადგენილბა ( №416) მთავრობამ 31 აგვისტოს გამოსცა.

[თამუნა უჩიძე, ახალციხე]


30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

16.03.2020 განათლების სამინისტროს რეკომენდაციები სასწავლო დაწესებულებებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

05.04.2020 '4 დღეში დაახლოებით 45 დაჯარიმების შემთხვევა გვაქვს' – ამირანაშვილი საგანგებო მდგომარეობის რეჟიმის დარღვევაზე

05.04.2020 გაიხსნება თუ არა ორშაბათს ახალციხის ბაზარი – ბესიკ ამირანაშვილის განმარტება

04.04.2020 5 აპრილს ახალქალაქის ბაზარი არ იმუშავებს

04.04.2020 ‘თვალყურს ვადევნებ სახლიდან, ტელევიზორით’ – გახარია სააღდგომო ლიტურგიაზე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ახალციხის მერიასა და გამგეობაში ქონების აღწერა დასრულდა
გაუქმებული მუნიციპალიტეტების უძრავ-მოძრავი ქონება ახლად შექმნილ მუნიციპალიტეტებს გადაეცემა
ახალციხის გამგეობაში გასაუბრების პირველ ეტაპს 20 კონკურსანტი გაივლის
მერიასა და გამგეობაში  გასაუბრებები დასრულდა
ახალციხის გამგეობაში გასაუბრება დაიწყო
ახალციხის მუნიციპალიტეტში ქონების გაყოფისთვის ემზადებიან
ახალციხის გამგეობაში საჯარო მოხელეთა შესარჩევი კონკურსი დასრულდა