FM97.5 / LIVE

იური ჯიმშერაძე სადავო მიწაზე სასამართლოში მეორედ ჩივის

მთავარისიახლე, სამართალი 14.09.2017
ადიგენში, სოფელ ჭელაში მცხოვრებმა იური ჯიმშერაძემ ადიგენის გამგეობას სადავო მიწის ნაკვთის გადაცემისთვის მეორედ უჩივლა. მას პრეტენზიები ქონების მართვის სააგენტოსთანაც აქვს.

იური ჯიმშერაძე სადავო მიწაზე სასამართლოში მეორედ ჩივის

ახალციხის რაიონულ სასამართლოში, იური ჯიმშერაძის საქმეზე სხდომა 12 სექტემბერს გაიმართა. სხდომაზე მხარეებმა სასამართლოს საქმეში არსებული ყველა დოკუმენტაცია წარუდგინეს.

როგორც ადვოკატი იოსებ ხითარიშვილი გვიხსნის, იური ჯიმშერაძემ ამჯერად სასამართლოს იმ ადმინისტრაციული აქტების გაუქმების მოთხოვნით მიმართა, რომლის მიხედვითაც, ქონების ეროვნულმა სააგენტომ სოფელ ჭელაში არსებული მიწის ნაკვეთი ჯერ სახელმწიფოს დაურეგისტრირა, შემდეგ კი, ბრძანების საფუძველზე, ადიგენის გამგეობის ბალანსზე გადააფორმა.

საქმე ეხება, ჭელაში იმ მიწის ნაკვეთს, რომელიც ჯიმშერაძის სახლის მომიჯნავედ არის ჯიმშერაძე 1980–იანი წლებიდან სამეურნეო დანიშნულებისთვის იყენებს. აღნიშნული ფართის დასარეგისტრირებლად იური ჯიმშერაძემ ადიგენის გამგეობას ჯერ კიდევ ერთი წლის წინ მიმართა, თუმცა, იმ მოტივით, რომ გამგეობას ტერიტორიაზე სტადიონის მშენებლობა უნდოდა, ნაკვეთის გადაცემაზე უარი უთხრა, ამასთან ერთად კი იმ ადგილობრივების ხელმოწერები შეაგროვა, ვინც ტერიტორიაზე სტადიონის მშენებლობას ეთანხმებოდა.

მაშინ გამგეობაში ამის საპირისპიროდ ადგილობრივების ხელმოწერები, ფართის გადაცემაზე, თავად ჯიმშერაძემაც შეიტანა. მიუხედავად ამისა ადიგენის გამგეობამ ნაკვეთის გადაცემაზე უარი უთხრა, რაც სასამართლოში დავის საგანი გახდა.

საქმეზე, 2016 წლის 27 ოქტომბერს, ახალციხის რაიონული სასამართლოს გადაწყვეტილებით, ადიგენის გამგეობას, საკითხის კიდევ ერთხელ გადახედვა და ამის მიხედვით ჯიმშერაძისათვის ფართის დაკანონება დაევალა, თუმცა მუნიციპალიტეტს ეს აღარ გაუკეთებია. რადგან ჯიმშერაძის ადვოკატის იოსებ ხითარიშვილის განცხადებით, ვიდრე გასულ წელს სასამართლო განხილვები მიმდინარეობდა, გამგეობამ ქონების მართვას მიმართა, რომელმაც ფართი ჯერ სახელმწიფოს, შემდეგ კი გამგეობის ბალანსზე გადააფორმა. ეს ყველაფერი კი ჯიმშერაძის ადვოკატის თქმით, სასამართლოსგან მალულად მოხდა.

„ეს ყველაფერი რომ ეთქვათ, სასამართლო დავას შეწყვეტდა. თუმცა ეს მიუთითებს იმაზე, რომ ფარული გზებით ეცადნენ ფართის დაუფლებას. ეს კი ადმინისტრაციული ორგანოს არაკეთილსინდისიერებაზე მიუთითებს, კანონი ავალდებულებს, რომ ადმინისტრაციული ორგანო უნდა მოქმედებდეს კანონიერების პრინციპით,“–ამბობს იოსებ ხითარიშვილი.

გადაიფორმა თუ არა ჩუმად ადიგენის გამგეობამ მიწის ნაკვეთი და რას აპირებს სასამართლო სხდოიმებზე, – აღმასრულებელი ორგანოსგან კითხვაზე პასუხი ვერ მივიღეთ. იურიდიული სამსახურის უფროსმა იმ იურისტთან გადაგვამისამართა, რომელიც საქმეზე სასამართლო სხდომებს მოპასუხის სტატუსით ესწრება, თუმცა, ვერც მასთან მოვახერხეთ დაკავშირება.

საქმეზე შემდეგი სასამართლო სხდომა 19 სექტემბერს ჩაინიშნა, სადაც მოპასუხე მხარეების შეკითხვების ეტაპი იწყება. ახალციხის რაიონულ სასამართლოში, მხარეებად ადიგენის გამგეობა, სარეგისტრაციო სამსახური და ქონების მართვის ეროვნული სააგენტო არიან ჩართულნი.

[ლუბა გიორგაძე, ადიგენი]


20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

16.03.2020 განათლების სამინისტროს რეკომენდაციები სასწავლო დაწესებულებებს

13.03.2020 ამერიკელი დიპლომატები ქართველ ბავშვებს წიგნებს ონლაინ წაუკითხავენ

11.03.2020 სასწავლო დაწესებულებებში არდადეგები 1-ელ აპრილამდე გახანგრძლივდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

27.03.2020 ‘მორწმუნე საზოგადოებას დიდი გამოცდის ჩაბარება უწევს’- დეკანოზი ნიკოლოზ აბრამაშვილი

27.03.2020 ‘ამბობდნენ, მოკალით პეტროსიანიო’ – რას ჰყვება ყოფილი დეპუტატი ახალქალაქში მომხდარ სროლაზე

27.03.2020 ბავშვთა ვაქცინაცია უწყვეტად უნდა გაგრძელდეს - დაავადებათა კონტროლის ცენტრი

27.03.2020 დღეს არსად არ არის შეკრების დრო, არც სამეგობროში და არც ეკლესიებში - პაატა იმნაძე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

იური ჯიმშერაძემ სასამართლოდან სარჩელი უკან გამოიხმო
იური ჯიმშერაძის სარჩელი საკრებულოს წინააღმდეგ ნაწილობრივ დაკმაყოფილდა
დავა მიწის ნაკვეთზე მუსლიმ მოქალაქესა და საკრებულოს შორის
მუსლიმ მოქალაქეს ადიგენის საკრებულომ მიწა არ დაურეგისტრირა
ელგუჯა მაზმიშვილის საქმეზე სასამართლო სხდომა კიდევ გადაიდო
ელგუჯა მაზმიშვილს დაპირებულ  მიწის ნაკვეთს არ აძლევენ
ელგუჯა მაზმიშვილი ალტერნატიულ ფართს ახლა მერიისგან ელოდება