FM97.5 / LIVE

ახალციხის მუნიციპალიტეტის ბიუჯეტი 358 ათასი ლარით გაიზარდა

მთავარიეკონომიკა 18.04.2013
ახალციხის მუნიციპალიტეტის 2013 წლის ადგილობრივ ბიუჯეტს, 358.000 ლარი დაემატა. ადგილობრივი ბიუჯეტი ახლა 6.617.000 ლარს შეადგენს. ბიუჯეტს თანხა 2012 წელს დარჩენილი ნაშთიდან დაემატა.

ახალციხის მუნიციპალიტეტის ბიუჯეტი 358 ათასი ლარით გაიზარდა
ადგილობრივ ბიუჯეტში შესული ცვლილებები ახალციხის მუნიციპალიტეტის საკრებულოს დღევანდელ სხდომაზე განიხილეს.

ცვლილებების თანახმად, 100 ათასი ლარი ქალაქში არსებული ოთხი სასაფლაოს ტერიტორიის რეაბილიტაციას მოხმარდება. კულტურული ღონისძიებებისთვის დამატებით 50 ათასი ლარი იქნება გათვალისწინებული.

”დაგეგმილი გვაქვს ”თამარობისა” და ”ახალციხელობის” დღესასწაულზე უფრო მასშტაბური ღონისძიების ჩატარება. ასევე, ცნობილი ადამიანებისთვის მათი სახელობის ვარსკვლავის გახსნა”, - განმარტავს ახალციხის მუნიციპალიტეტის საკრებულოს თავმჯდომარე ოლეგ სანდროშვილი.

დამატებითი თანხები გამოიყოფა ახალგაზრდული ღონისძიებებისთვისაც. კერძოდ, 16 200 ლარია გამოყოფილი საფეხბურთო ტურნირისთვის. გარდა ამისა, 45 ათასი ლარით გაიზარდა ააიპ ახალციხის სასპორტო სკოლის დაფინანსება.

”შეიქმნა ახალი წრეები, აქამდე არ არსებობდა რაგბის წრე, რომელიც ახლა ჩამოყალიბდა, ასევე დაემატა ბავშვთა ფეხბურთის წრე. ხოლო უკვე არსებული წრეებისთვის გათვალისწინებულია ინვენტარის შეძენა”, - განმარტავს ახალციხის მუნიციპალიტეტის საფინანსო საბიუჯეტო სამსახურის უფროსი გაგა ივანიძე.

ცვლილებები აისახა კულტურის დაწესებულებათა გაერთიანებაზეც. კერძოდ, სოფელ მუსხში შეიქმნა ქართული რეწვის მუზეუმი, რომელიც 5.900 ლარით დაფინანსდება. დამატებით 52 000 ლარია გათვალისწინებული სკოლამდელი აღზრდის დაწესებულებებისთვის.

”აქედან 2.500 ლარი ორი ახლად გახსნილ, აწყურისა და სხვილისის საბავშვო ბაღების საყოფაცხოვრებო ტექნიკით უზრუნველყოფისთვის იქნება გამოყენებული. 50 000 ლარი კი სოფელ მუსხში ახალი ბაღის აშენებას, სოფელ აწყურში კი არსებული საბავშვო ბაღის რეაბილიტაციას მოხმარდება”, - განმარტავს გაგა ივანიძე.

”საბავშვო ბაღებთან დაკავშირებით ტენდერი გამოცხადდება და დაიწყება სამუშაოები. მთავარია, რომ ბიუჯეტში ეს თანხა უკვე აისახა”, - ამბობს ოლეგ სანდროშვილი.

[თამარ თოთაძე, ახალციხე]


12.07.2019 კომპეტენციის დადასტურების გამოცდაზე 74 პედაგოგი არ გამოცხადდა

11.07.2019 აბიტურიენტები ბიოლოგიის გამოცდას აბარებენ

11.07.2019 კიკიბოს სკოლას მომავალ წელსაც ერთი მოსწავლე ეყოლება

11.07.2019 პროფესიული უნარების გამოცდაზე ახალციხეში 156 პედაგოგი არ გამოცხადდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.07.2019 'კორხის ეკლესიას ფიზიკური დაცვა სჭირდება' – იურისტი უნებართვო მშენებლობაზე

12.07.2019 ახალქალაქში გაფიცულმა მუშებმა ოთხის ნაცვლად ერთი თვის ხელფასი მიიღეს

12.07.2019 ნეოლითიდან შუა საუკუნეებამდე - არქეოლოგიური ექსპედიცია და სტუდენტების მოგზაურობა დროში

12.07.2019 როგორი ამინდი იქნება 12-15 ივლისს სამცხე–ჯავახეთში

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.07.2019 ძველი მანქანების ერთგული მეპატრონეები [ფოტო/ვიდეო]

09.07.2019 ლეგენდების სოფელი

04.07.2019 ‘ფანდურის გაკეთებისას ბოროტების ნასახი არ უნდა გქონდეს გულში’– მესხი მეფანდურეები [ფოტო/ვიდეო]

08.03.2019 ქალები მძიმე ჩანთებით [Photo/Video]

მსგავს თემაზე

ბორჯომის ბიუჯეტი 10 მილიონ ლარამდე გაიზარდა
საკრებულომ 2013 წლის ბიუჯეტი დაამტკიცა
ახალციხის ბიუჯეტი 668,476 ლარით გაიზარდა
ახალციხის 2015 წლის ბიუჯეტში მე–9 ცვლილება შეიტანეს
ახალციხის მუნიციპალიტეტის გამგეობის 2015 წლის ბიუჯეტი 3.900.000 ლარით განისაზღვრა
ადიგენის ბიუჯეტი ტრანსფერზეა დამოკიდებული
ცვლილებები ახალციხის ბიუჯეტში