FM97.5 / LIVE

ბრიტანეთის ელჩის ვიზიტი ახალციხის უნივერსიტეტში

მთავარისაზოგადოება » განათლება 16.04.2013
ბრიტანეთის ელჩი საქართველოში სამცხე-ჯავახეთის სახელმწიფო სასწავლო უნივერსიტეტში სტუდენტებსა და პროფესორ-მასწავლებლებს შეხვდა. ელჩმა მასპინძლებთან ქართულ-ბრიტანული ურთიერთობებისა და გაცვლითი პროგრამების შესახებ ისაუბრა

ბრიტანეთის ელჩის ვიზიტი ახალციხის უნივერსიტეტში

შეხვედრის მთავარი თემა ნიუკასლის უნივერსიტეტისა და ახალციხის უნივერსიტეტს შორის ურთიერთობის განვითარება იყო. დიდი ბრიტანეთის ელჩის დევიდ მორანის თქმით, ნიუკასლში არაჩვეულებრივი უნივერსიტეტია და სამცხე-ჯავახეთის სახელმწიფო სასწავლო უნივერსიტეტშიც რთულია ნაკლი მოიძებნოს.

- ”ვფიქრობთ, როგორ შეიძლება ამ ორ უნივერსიტეტს შორის ურთიერთობის ჩამოყალიბება და განვითარება. თუმცა, უნივერსიტეტებმა თავად უნდა იზრუნონ, იმაზე თუ როგორი ფორმით იურთიერთონ”, - ამბობს მორანი.

შეხვედრა კითხვა-პასუხის რეჟიმში წარიმართა. სტუდენტების შეკითხვები ძირითადად გაცვლით პროგრამებსა და კულტურულ ურთიერთობებს შეეხო.

- ”ბრიტანეთის საელჩოს ხელოვნების დარგში რამდენიმე პროექტი აქვს. სწორედ ამ პროექტის ფარგლებში ლონდონში მოცეკვავეთა დასი იყო. ჩვენთვის ძალიან მნიშვნელოვანია სავაჭრო და კომერციული ურთიერთობების განვითარებაც. რაც შეეხება გაცვლით პროგრამებს, საელჩოს ვებ გვერდიდან მათ შესახებ სრულყოფილი ინფორმაციის მიღება შეგიძლიათ”, - აცხადებს მორანი.

დევიდ მორანმა ჟურნალისტებს სამცხე-ჯავახეთში სტუმრების შემდეგ მიღებული შთაბეჭდილებებიც გაუზიარა: ”ძალიან სასიამოვნო ვიზიტი მაქვს თქვენს რეგიონში. აქ კარგი ბუნება და არაჩვეულებრივი ღვინოა”.

მისივე თქმით, საქართველო ასეთი სტუდენტების წყალობით ოპტიმისტურად უნდა იყოს განწყობილი:. ”გაოცებული ვარ სტუდენტებით, ისინი ძალიან ნიჭიერები არიან და არაჩვეულებრივად მსჯელობენ”.

მორანმა სამომავლო გეგმებზეც ისაუბრა: ”სამწუხაროდ ძალიან ცოტა ხანს მიწევს საქართველოში დარჩენა. ბოლო 3 თვის განმავლობაში მინდა, საქართველოს სხვა რეგიონებსაც ვესტუმრო”.

შეხვედრის დასრულების შემდეგ მორანმა უნივერსიტეტის შენობა დაათვალიერა.

შეგახსენებთ რომ დევიდ მორანი ახალციხეს დღეს დილით ესტუმრა, მან გაცნობითი სახის შეხვედრები არასამთავრობო სექტორისა და ადგილობრივი თვითმმართველობის წარმომდგენლებთან გამართა, შემდეგ კი ახალციხის ციხე დაათვალიერა.

[ნინო ზედგინიძე]


26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

29.05.2020 საპატრიარქომ ადიგენში სასულიერო პირს 25 წლიანი იჯარით მიწის ნაკვეთი გადასცა

28.05.2020 ახალციხის მერის მრჩეველმა იმ კომპანიის წილი დათმო, რომლითაც ტენდერებს იგებდა

28.05.2020 საქართველოს მთავრობამ ტურიზმის გახსნისთვის რეგულაციები შეიმუშავა

28.05.2020 ახალციხის მერის წარმომადგენელების ნაწილი მათთვის გამოყოფილი საწვავით ვერ სარგებლობს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

დევიდ მორანი: ”ახალციხე და ნიუკასლი მეგობარი ქალაქები არიან”
ბრიტანეთის ელჩი არასამთავრობო ორგანიზაციების მუშაობით დაინტერესდა
დიდი ბრიტანეთის ელჩის ვიზიტი ახალციხეში დასრულდა
სამცხე–ჯავახეთს ამერიკის ელჩის მოვალეობის შემსრულებელი სტუმრობდა
ახალციხეს დიდი ბრიტანეთის ელჩი ჯასტინ მაკკენზი სმიტი ეწვევა
‘მსურს კავშირები გავაღრმაოთ’ - დიდი ბრიტანეთის ელჩი ახალციხეში
სომხეთის ელჩის ვიზიტი ახალციხეში