FM97.5 / LIVE

ვალეში ირქას ეკლესიას კულტურული მემკვიდრეობის ძეგლის სტატუსი მიენიჭა

მთავარისიახლე, საზოგადოება 18.07.2017
ახალციხეში, სოფელ ვალეში მდებარე ირქას წმ. გიორგის სახელობის ეკლესიას კულტურული მემკვიდრეობის უძრავი ძეგლის სტატუსი მიენიჭა.

ვალეში ირქას ეკლესიას კულტურული მემკვიდრეობის ძეგლის სტატუსი მიენიჭა
კულტურული მემკვიდრეობის დაცვის ეროვნული სააგენტოს დირექტორის ნიკოლოზ ანთიძის 30 ივნისს გამოცემული შესაბამისი ბრძანებით ირქას წმ. გიორგის სახელობის ეკლესიას კულტურული მემკვიდრეობის უძრავი ძეგლის სტატუსი მიენიჭა.

ეკლესია აგებულია სპეციალურად გაკეთებულ ბაქანზე, რომლის კიდეს ქვის მშრალი წყობით ნაგები გალავანი შემოუყება. ტაძარი დარბაზულია (8.3×5.67 მ) ჩაწერილი ნახევარწრიული აბსიდით. დგას ერთსაფეხურიან ცოკოლზე. ნაგებია რუხი ფერის კარგად დამუშავებული ქვით. შესასვლელი დასავლეთის კედელშია. სამხრეთის, აღმოსავლეთისა და დასავლეთის კედლებში თითო ვიწრო, თაღოვანი სარკმელია.

ნახევარწრიული აბსიდის ღერძზე სარკმელია გაჭრილი. მის მარჯვნივ ფართო და ღრმა თაღოვანი ნიშაა, მარცხნივ კი შედარებით მომცრო და ოთხკუთხა. ამ ნიშის თავზე კიდევ უფრო მცირე ზომის ოთხკუთხა ნიშაა. დარბაზისგან გამოყოფილია ფართო პილასტრებით და მასზე გადაყვანილი კამარის საბჯენი თაღით. ასეთივე თითო პილასტრია გრძივი კედლების შუაშიც, რომლებიდანაც კამარის საბჯენი თაღი გადადიოდა. თითო პილასტრი თავისი თაღით დასავლეთის კედლის კიდეებშიცაა გაკეთებული. პილასტრებს შორის თითო დეკორატიული თაღია გაკეთებული.

ტაძარს საპერანგე წყობა თითქმის არ შემორჩა. გამონაკლისია ჩრდილოეთის კედელი, რომლის ზედა რიგის პერანგია შემორჩენილი და აღმოსავლეთის კედელი. მის შუაში სარკმელს ზემოდან გამოსახული ყოფილა რელიეფური და ორნამენტით შემკული ჯვარი. ამჟამად მისი მკლავია შემორჩენილი. ტაძრის კედლები რელიეფური ქვის თაროსებრი ლავგარდნით სრულდება.

ტაძარი საქართველოს ისტორიის ერთ-ერთი მნიშვნელოვანი ძეგლია. ესაა XIII ს. დამახასიათებელი დარბაზული ტიპის ეკლესია მაღალი კონსტრუქციებით, რომელშიც კარგადაა შერწყმული ამ ეპოქის საქართველოს არქიტექტურულ სტილში გაბატონებული ცალკეული ელემენტები და ორნამენტები, რომლებიც შემდეგ სამცხის საათაბაგოს არქიტექტურაში აგრძელებს არსებობას. აღნიშნულიდან გამომდინარე, ტაძარი იმსახურებს კულტურული მემკვიდრეობის უძრავი ძეგლის სტატუსის განსაზღვრას.

[sknews.ge]


11.12.2018 სამლოცველო ოთახი ახალციხის N5 სკოლაში – 'ეს მოსწავლეების მოტივირებულობას უწყობს ხელს’ [Video]

10.12.2018 ახალციხის რომელ სკოლაში ასწავლიან სამხედროები

07.12.2018 აწყურის სკოლის მოსწავლე საუკეთესო ესსესთვის დააჯილდოვეს [Video]

06.12.2018 შშმ მშობელი ექსკურსიას ჩამორჩა, ამის შემდეგ სკოლაში მის შვილს დაუპირისპირდნენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.12.2018 ფარავნის უღელტეხილზე მისაბმელიანი ავტოტრანსპორტის გადაადგილება აკრძალულია

11.12.2018 სამლოცველო ოთახი ახალციხის N5 სკოლაში – 'ეს მოსწავლეების მოტივირებულობას უწყობს ხელს’ [Video]

11.12.2018 მოქალაქეების თვითმმართველობაში ჩართულობის შესახებ ახალციხელებს კვლევის შედეგებს გააცნობენ

11.12.2018 UNICEF: მოზარდები ვერ გრძნობენ მშობლის სათანადო მხარდაჭერას

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

ბალანთის ეკლესიას კულტურული ძეგლის სტატუსი მიენიჭა
ასპინძაში, სოფელ ქუნცის ეკლესიას, კულტურული მემკვიდრეობის უძრავი ძეგლის სტატუსი მიენიჭა
მერენიას ტაძარს კულტურული მემკვიდრეობის ძეგლის სტატუსი მიენიჭა
სოფელ კორხის წმინდა სტეფანეს ეკლესიას ძეგლის სტატუსი მიენიჭა
კულტურული მემკვიდრეობის ძეგლის სტატუსი საროში კიდევ ერთ დარბაზს მიენიჭა
საროში, მაღრაძის დარბაზული ტიპის მესხურ სახლს ძეგლის სტატუსი მიენიჭა
ქართულ სუფრას არამატერიალური კულტურული მემკვიდრეობის ძეგლის სტატუსი მიენიჭა