სამხრეთის კარიბჭე. FM97.5 / LIVE

„ნაციონალების“ ყოფილი კოორდინატორი საჯარო მოხელეებს ცემაში ადანაშაულებს

მთავარისიახლე, პოლიტიკა, სამართალი 17.07.2017
ახალციხეში, სოფელ ურავლის ტყეში „ნაციონალური მოძრაობის“ ყოფილი კოორდინატორი, მამასთან და შვილთან ერთად სცემეს. სამივე დაშავებული საავადმყოფოში გადაიყვანეს;

„ნაციონალების“ ყოფილი კოორდინატორი საჯარო მოხელეებს ცემაში ადანაშაულებს
შემთხვევა, ურავლის მთიდან მომავალ გზაზე დღეს, 16 ივლისს, დაახლოებით, 17:00 საათზე მოხდა. ურაველში „ნაციონალური მოძრაობის“ ყოფილი კოორდინატორი და 2012 წლამდე გამგებლის წარმომადგენელი ბეგლარ კაპანაძე ამ დროს მამასთან და შვილებთან ერთად მთიდან სოფელში ბრუნდებოდა. ისინი კი ვისაც კაპანაძეები თავდასხმაში ადანაშაულებენ, ბუნებაში ერთ–ერთი მღვდლის დაბადების დღის აღსანიშნავად იყვნენ შეკრებილები. ბეგლარ კაპანაძის თქმით, აქ საქეიფოდ მისულები ახალციხის თვითმმართველობის წარმომადგენლები იყვნენ.

„მთიდან მოვდიოდი მანქანით, გვერდზე 82 წლის მამა მეჯდა. უკან ბავშვები მოგვყვებოდნენ მარშუტკით. გამგეობისა და მერიის ხალხი გზაზე ქეიფობდა. ჩემი გაჩერება სცადეს, მაგრამ არ გავჩერდი. ზაზა იყო გელაძე იქ, მერის ყოფილი მოადგილე, მაგასთან არჩევნების დროს ჩხუბი ბევრჯერ მომივიდა, შეურაცხყოფა მომაყენა. ვიცოდი რაც მოხდებოდა, ამიტომ გზა გავაგრძელე“, – გვიყვება ბეგლარ კაპანაძე.

მისი თქმით, მას თვითმმართველობის ყოფილმა და მოქმედმა თანამშრომლებმა გზა სამი მანქანით გადაუკეტეს: „არჩევნების ამბებს მიხსენებდნენ, „ნაციონალებთან“ ერთად როგორ იყავიო. უცენზურო სიტყვებს ყვიროდნენ. ზაზას კარგად ვიცნობ, რადგან დაპირისპირება ადრეც მოგვსვლია. სხვები სახეზე ვიცი, სახელებით და გვარებით ვერ ვცნობ ყველას. მომვარდნენ და მანქანიდან გადმომიღეს. რაც მახსოვს სამჯერ დამარტყეს, მერე გონება დავკარგე“.

როგროც კაპანაძეების ნათესავი, ნინო კაპანაძე გვიყვება მას შემდეგ რაც ბეგლარ კაპანაძე მიწაზე უგონოდ დავარდა, მის უკან მომავალმა შვილმა ზურაბ კაპანაძემ ქვა აიღო, რომ მამაზე თავდამსხმელებს გასწორებოდა: „ეგონა რომ მამამისი მოკლეს, მაგრამ ქვის დარტყმა ვერ მოასწრიო, თვითონ მოხვედრია კისერში ამ დროს ქვა. ცხვირიც გატეხილი აქვს, სასტიკადაა ნაცემი“.

სამივე დაშავებული, ნოდარ, ბეგლარ და ზურაბ კაპანაძეები სასწრაფო დახმარების ჯგუფმა საავადმყოფოში გადაიყვანა.

„გონება რომ დამიკარგავს, მამაოს ჩავუსვივარ მარშუტკაში, აზრზე რომ მოვედი მამაჩემი სისხლში გახვეული მეწვა გვერდით. ტყეში ტელეფონი არ იჭერდა, სოფლიდან დარეკეს სასწრაფოში. მერე მოვიდა პოლიციაც. ჩვენება უკვე მივეცი, მას ვუთხარი, რომ ერთ–ერთი ვინც მცემა გელაძე იყო“, – გვიყვება კაპანაძე.

ზაზა გელაძე მომხდარს კატეგორიულად უარყოფს. იგი „სამხრეთის კარიბჭესთან“ ადასტურებს, რომ ტყეში ნადვილად იყო, თუმცა ამბობს, რომ იქ არაფერი მომხდარა: „ალბათ მე მიცნო და ჩემ სახელს იმიტომ ახსენებს. საერთოდ არაფერი ყოფილა. არ ვიცი ეს ადამიანი რაზე ლაპარაკობს. თუ რაიმე ბოღმა აქვს ჩემ მიმართ იმის გამო რომ ის „ნაციონალია“ და მე „ოცნებაში“ ვარ, არ ვიცი“.

შემთხვევის ადგილზე მყოფი, აგარის მონასტერში მოღვაწე, ერთ–ერთი ბერი, მამა დავითი ამბობს, რომ მომხდარს შემთხვევით შეესწრო: "მონასტრიდან მოვდიოდით, ჩხუბი იყო და გავაშველეთ. ერთი დაშავებული მისივე მარშუტკაში ჩავსვით. არ ვიცი ვინ იყვნენ, ან რაზე ჩხუბობდნენ, ვერავინ ვიცანი", – გვითხრა მან.

ამ დროისთვის სამივე დაშავებული ახალციხის რეფერალურ ჰოსპიტალში რჩება. საავადმყოფოში აცხადებენ, რომ სამივე მათგანს მრავლობითი დაჟეჟილობები და ტრამვები აღენიშნებათ: „ზოგადი მდგომარეობა სამივეს სტაბილური აქვს“.

მომხდარს შინაგან საქმეთა სამინისტრო სისხლის სამართლის კოდექსის 126–ე მუხლით იძიებს, რაც ძალადობას გულისხმობს;

„ნაციონალების“ ყოფილი კოორდინატორი საჯარო მოხელეებს ცემაში ადანაშაულებს

[თამუნა უჩიძე, ახალციხე]


18.11.2017 ახალციხეში ჰუმანური პედაგოგიკის ცენტრის წარმომადგენლები პედაგოგებს ხვდებიან

06.11.2017 გარემონტებულ პირველ სკოლაში შესაძლოა ანსამბლი "მესხეთი" ვეღარ დაბრუნდეს

06.11.2017 პირველ სკოლაში ინვენტარის შეტანა დაიწყეს

06.11.2017 ეროვნული გამოცდების ტესტებში ცვლილებები შევიდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.11.2017 ჰაკატონი “ინოვაცია ონლაინ მედიაში”

17.11.2017 შშმ მოსწავლეებმა სპექტაკლი „კონკია“ დადგეს

16.11.2017 „სამხრეთის კარიბჭემ“ სახალხო დამცველის ჯილდო მიიღო

15.11.2017 ახალციხეში რეპატრირებული მესხების შესახებ ფილმი აჩვენეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

მსგავს თემაზე

‘ნაციონალების’ აქტივისტის ცემის საქმეს სახალხო დამცველის აპარატი სწავლობს
‘ნაციონალების’ აქტივისტის ცემაზე პასუხისგებაში ხუთი პირი მისცეს
"ნაციონალები" თავდასხმაში "ოცნების" წარმომადგენლებს ადანაშაულებენ
ურაველში მომხდარ დაპირისპირებას „ქართული ოცნება“ ეხმაურება
საია „ნაციონალების“ ყოფილ  კოორდინატორზე თავდასხმის ფაქტს სწავლობს
ზაზა გელაძე, რომელსაც ენმ ცემაში ადანაშაულებს,  დეპუტატის ბიუროს წევრია
ყოფილი პოლიტპატიმარი  შპს „კეთილმოწყობის“  უფროსს ცემაში ადანაშაულებს