FM97.5 / LIVE

ვინ შეარჩევს ახალციხის საპატიო მოქალაქეებს

მთავარისიახლე, საზოგადოება 13.06.2017
ახალციხის საპატიო მოქალაქეს 20 კაცისგან შემდგარი კომისია ათქულიანი სისტემით შეარჩევს.

ვინ შეარჩევს ახალციხის საპატიო მოქალაქეებს
20 კაციან კომისიაში, რომელიც ახალციხის მერიაში ჩამოყალიბდა, საჯარო მოხელეები, არასამთავრობო სექტორის წარმომადგენლები და უკვე გამოვლენილი საპატიო მოქალაქეები არიან.

კომისიის წევრები არიან:

1. ვლადიმერ ზედგინიძე, ქალაქ ახალციხის მერი;

2. დავით ლომიძე, ქალაქ ახალციხის მუნიციპალიტეტის საკრებულოს თავმჯდომარე;

3.ილია ზარდიაშვილი, ახალციხის ვიცე–მერი;

4.დავით ტაბატაძე, ახალციხის მერის მოადგილე;

5. მერაბ ბერიძე, სამცხე–ჯავახეთის სახელმწიფო უნივერსიტეტის რექტორი;

6. ქეთევან მიშველიძე, სახელმწიფო რწმუნებულის–გუბერნატორის ადმინისტრაციის ადგილობრივი თვითმმართველობის ორგანოებთან ურთიერთობის სამსახურის უფროსი;

7. ამბარცუმ ბაბოიანი, ახალციხის საკრებულოს ჯანდაცვისა და სოციალურ საკითხთა კომისიის თავმჯდომარე;

8. გელა პეტაშვილი, ახალციხის საკრებულოს კულტურის, განათლების, სპორტის და ახალგაზრდულ საქმეთა კომისიის თავმჯდომარე;

9. მამუკა მიქელაძე, ფრაქცია „ქართული ოცნების“ თავმჯდომარე;

10. მარინე გოგოლაძე, კულტურის, განათლების, სპორტის, ძეგლთა დაცვის, ახალგაზრდულ საქმეთა და ტურიზმის განვითარების სამსახურის უფროსი;

11. ნუგზარ თამარაშვილი, ქალაქ ახალციხის მუნიციპალიტეტის მერის წარმომადგენელი;

12. ზაზა თამარაშვილი, ააიპ „ ახალციხის ციხის“ დირექტორი;

13. ნათელა იაძე, ახალციხის საპატიო მოქალაქე;

14. ომარ ჯაყელი, ახალციხის საპატიო მოქალაქე;

15. მარინა ყურმაშვილი, ახალციხის N5 საჯარო სკოლის პედაგოგი;

16.ლევან აფციაური, სამცხე– ჯავახეთის სახელმწიფო უნივერსიტეტის სტუდენტური თვითმმართველობის პრეზიდენტი;
17.ჯაბა ნათენაძე, დემოკრატ მესხთა კავშირის გამგეობის თავმჯდომარე;

18 .ცირა მესხიშვილი, სამცხე–ჯავახეთის სახემწიფო უნივერსიტეტის ასოცირებული პროფესორი. არასამთავრობო ორგანიზაცია „ტოლერანტის“ თავმდჯდომარე;

19. მაია იველაშვილი, ტელეკომპანია მე–9 არხის დირექტორი;

20. თინათინ ბარძიმაძე, ქალაქ ახალციხის მუნიციპალიტეტის მერიის მთავარი სპეციალისტი იურიდიულ საკითხებში.

„კომისიის ყველა წევრი ერთად საპატიო მოქალაქეობის კანდიდატებიდან მხოლოდ სამს შევარჩევთ. კომისიის წევრებს დაურიგდებათ ფურცლები, სადაც კანდიდატთა გვარები ეწერება, მათ ყველა ჩვენგანი ათბალიანი სისტემით მივუწერთ ქულებს. საბოლოოდ ეს ქულები დაჯამდება და სამი საუკეთესო გამოვლინდება“,– ამბობს ახალციხის მერი ვლადიმერ ზედგინიძე.

ახალციხის საპატიო მოქალაქის წოდების მისანიჭებლად კანდიდატურის წამოყენების უფლება, ახალციხის საკრებულოს შესაბამისი დადგენილების (N13) მიხედვით აქვთ:

ა) საზოგადოებრივ, პროფესიულ შემოქმედებით კავშირებსა და ორგანიზაციებს;

ბ) მუნიციპალიტეტის მერს;

გ)საკრებულოს თავმჯდომარეს;

დ)საკრებულოს შემადგენლობის სიით შემადგენლობის 1/3–ს;

ე) მოქალაქეთა საინიცატივო ჯგუფს, მუნიციპალიტეტის ამომრჩეველთა არანაკლებ 1%–ის ხელმოწერით;

ვ)ქალაქ ახალციხის მუნიციპალიტეტის საკრებულოს საზოგადოებრივ დარბაზს;

„თუ მოქალაქეს ექნება სურვილი, რომ წარმოადგინოს კანდიდატი, მაშინ მან უნდა შეიქმნას საინიციატივო ჯგუფი, არანაკლებ 40–60 კაცისა.
ამის შემდეგ მათ უნდა დაასახელონ მხოლოდ ერთი კანდიდატი. ამაზე დაწერონ განცხადება, რომელსაც თან დაურთავენ საინიციატივო ჯგუფის წევრების ხელმოწერებს და პირადი ნომრებს. ამით ჩვენ დავინახავთ, რომ ამ ჯგუფმა იმსჯელა შესაბამისი კანდიდატის თაობაზე და შემდგეგ აღნიშნულ კანდიდატს კომისია განიხილავს“, – აცხადებს ვლადიმერ ზედგინიძე.

კანდიდატებთან დაკავშირებით, საკუთარი მოსაზრებების მერიაში დაფიქსირება მოქალაქეებს 20 ივნისამდე შეუძლიათ. შემდეგ კი კომისია სამ საპატიო მოქალაქეს ფარული კენჭისყრით 25 ივნისამდე გამოავლენს.

საპატიო მოქალაქეების დაჯილდოვება, შალვა ახალციხელი ხსენების დღეს, 30 ივნისს გაიმართება.

[მარიამ ბარძიმაძე,ახალციხე]


26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.05.2020 სომხეთში კოვიდინფიცირების 289 ახალი შემთხვევა დაფიქსირდა

26.05.2020 არალი-წარბასთუმნის გზის რეაბილიტაციისთვის მილიონ-ნახევარი დაიხარჯება

26.05.2020 Google საქართველოს დამოუკიდებლობის დღეს ულოცავს

25.05.2020 26 მაისი საქართველოს დამოუკიდებლობის დღეა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ახალციხის საპატიო მოქალაქეს 11–კაციანი კომისია შეარჩევს
საპატიო ახალციხელების კანდიდატების დასახელება დაიწყო
მერიაში  საპატიო მოქალაქეობის კანდიდატების წარსადგენად  განაცხადების შეტანა დაიწყო
ახალციხეში საუკეთესოდ მოვლილი ეზოები გამოავლინეს
ახალციხის მერია ‘ახალციხელობისთვის’  ემზადება
ახალციხის მერია საპატიო მოქალაქეებს არჩევს
საპატიო მოქალაქეები: სტატუსი მოულოდნელი იყო