სამხრეთის კარიბჭე. FM97.5 / LIVE

ახალციხის არასამთავრობოების მიმართვა ქალაქისა და თემის საკრებულოებს

მთავარისიახლე, პოლიტიკა 19.05.2017
'იმედს ვიტოვებთ, რომ თქვენი გადაწყვეტილება დაეფუძნება მოქალაქეთა ინტერესებს"– ახალციხეში მოქმედი არასამთავრობოები ქალაქისა და თემის საკრებულოებს მიმართავენ, მხარი არ დაუჭირონ თემისა და ქალაქის გაერთიანებას მოსახლეობასთან კონსულტაციებისა და საკითხის სახალხო განხილვის გარეშე.

ახალციხის არასამთავრობოების მიმართვა ქალაქისა და თემის საკრებულოებს

დღეს დილით, ორგანიზაციებმა, განცხადება გაავრცელეს, რომელსაც "სამხრეთის კარიბჭე" უცვლელად გთავაზობთ:

"დღეს, 19 მაისს, 15:00 საათზე, ახალციხისა თემისა და ქალაქის საკრებულოებში ჩანიშნულია სხდომა, რომელზეც თვითმმართველი ქალაქისა და თემის კვლავ გაერთიანების საკითხი განიხილება.

7 თვითმმართველი ქალაქისა და 7 სათემო მუნიციპალიტეტის კვლავ გაერთიანების შესახებ წინადადება საქართველოს რეგიონული განვითარებისა და ინფრასტრუქტურის სამინისტრომ მოამზადა და საკრებულოებში განსახილველად გააგზავნა, მიუხედავად იმისა, რომ თვითმმართევლი ერთეულების გაერთიანებას ეწინააღმდეგებიან ყველა ამ ქალაქში და მათ შორის, ცხადია, ახალციხეშიც.

ადგილობრივმა მოსახლეობამ არაერთხელ დააფიქსირა თავისი უარყოფითი და დასაბუთებული პოზიცია, გაერთიანებასთან დაკავშირებით. თვითმმართველი ქალაქებისა და სათემო მუნიციპალიტეტების გაერთიანებას, არ ვიზიარებთ არც არასამთავრობო სექტორი და ჩვენი პოზიციაც უკვე დაფიქსირებული გვაქვს საჯარო განცხადებით. ([1] საუბარია მიმართვაზე, რომელიც მიმდინარე წლის მარტში გავრცელდა და რომელსაც ხელს 120 არასამთავრობო ორგანიზაცია აწერს.)

მიუხედავად ამისა, საკითხი მაინც დგას დღის წესრიგში და მეტიც, საკითხზე უკვე საკრებულებში უნდა იმსჯელოთ.
ადგილობრივი ხელისუფლების წარმომადგენლებმა ყველაზე უკეთ იცით, რა შედეგი მოუტანა ქალაქ ახალციხესა და ახალციხის თემს 2014 წელს, თვითმმართველობის რეფორმის შედეგად სათემო მუნიციპალიტეტისა და თვითმმართველი ქალაქის გაყოფამ. და თქვენ ეს ყველაფერი ციფრებით შეგიძლიათ დაასაბუთოთ.

ამ პროცესმა შესაძლებლობა მოგცათ, გქონოდათ საკუთარი ბიუჯეტი; ბევრად უფრო სწორად დაგეგეგმათ და განგეხორციელებინათ ის პროექტები, რომლებიც აქტუალური იყო როგორც ქალაქის, ისე სოფლის მაცხოვრებლებისათვის; გაგეზარდათ საქალაქო და სათემო მუნიციპალიტეტების შემოსავლები; გაგეზარდათ მოქალაქეთა თანამონაწილეობა ადგილობრივ თვითმმართველობაში. ამ ყველაფერს მეტყველებს ციფრები.

სწორედ ამიტომ, ვფიქრობთ, რომ თქვენ ყველაზე უკეთ შეგიძლიათ დაასაბუთოთ, რატომ არის აუცილებელი საქალაქო და სათემო მუნიციპალიტეტების ცალ-ცალკე განვითარება, რომელიც 2014 წლის რეფორმით დაიწყო.

ამასთან, პირდაპირი წესით, ხალხის მიერ არჩეული ადგილობრივი ხელისუფლება, უპირველესად, სწორედ საკუთარი ხალხის წინაშეა ანგარიშვალდებული და არა ცენტრალური ხელისუფლების წინაშე, რომლის რამდენიმე წევრის პერსონალურ ინიციატივასაც წარმოადგენს აღნიშნული ცვლილებების პროექტი.

აქედან გამომდინარე, მოგმართავთ როგორც სათემო მუნიციპალიტეტს, ისე თვითმმართველ ქალაქს, გამართეთ საჯარო შეხვედრები მოსახლეობასთან და მათი მოსაზრებების გათვალისწინების გარეშე, მხოლოდ პარტიული დირექტივის შესაბამისად, არ მიიღოთ გადაწყვეტილება.

იმედს ვიტოვებთ, რომ თქვენი გადაწყვეტილება დაეფუძნება მოქალაქეთა ინტერესებს, რომლებმაც თქვენი ქალაქისა თუ თემის ხელისუფლებად, სწორედ მათი ინტერესების გასატარებლად აგირჩიეს", – ნათქვამია განცხადებაში.

შეგახსენებთ, დღეს ახალციხის თემისა და ქალაქ ახალციხის საკრებულოები თვითმმართველი ქალაქის სტატუსის გაუქმების საკითხზე იმსჯელებენ. ორივე სხდომა, თემშიც და ქალაქშიც, 15:00 საათზე გაიმართება და ორივე საკრებულოს განსახილველი მხოლოდ ერთი – თვითმმართველი ქალაქისა და თემის შეერთების საკითხი ექნება.


[ნინო ნარიმანიშვილი, ახალციხე]


11.10.2017 არჩევნები შედგა, მაგრამ სამცხე–ჯავახეთის უნივერსიტეტში რექტორის საკითხი ისევ დავის საგანია

11.10.2017 სამცხე–ჯავახეთის უნივერსიტეტში რექტორის მოვალეობას მერაბ ბერიძე შეასრულებს

11.10.2017 ახალციხეში ინკლუზიური განათლების შესახებ რეგიონული კონფერენცია მიმდინარეობს

09.10.2017 რა აჩვენა ახალციხის ბაღების შემოწმებამ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.10.2017 ასპინძაში ავტოსაგზაო შემთხვევას 55 წლის მამაკაცი ემსხვერპლა

16.10.2017 სამთო კურორტებზე სამაშველო ჯიხურები და საპირფარეშოები განთავსდება

16.10.2017 სასამართლომ ახალციხის სასაკლაო 1000 ლარით დააჯარიმა

16.10.2017 ძლიერი წვიმა, ქარი და შტორმი – საქართველოში ამინდი გაუარესდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

მსგავს თემაზე

ახალციხის თემის საკრებულო თემისა და ქალაქის შეერთების საკითხს განიხილავს
დღეს საკრებულოები  თვითმმართველი ქალაქის სტატუსის გაუქმებაზე იმსჯელებენ
ახალციხის საკრებულომ თემთან შეერთების გადაწყვეტილება მიიღო
ახალციხის თემის დეპუტატების უმრავლესობამ ქალაქთან შეერთებას მხარი დაუჭირა
თამარ კორძაია: თვითმმართველ ერთეულებს სთხოვენ „საკუთარი ინიციატივით“ გაერთიანდნენ
დღეს, პარლამენტში, თვითმმართველი ქალაქებიის გაუქმების საკითხზე არასამთავრობოებთან შეხვედრა გაიმართება
59%-ისთვის მიუღებელია ქალაქისა და თემის მუნიციპალიტეტების გაერთიანება – NDI