სამხრეთის კარიბჭე. FM97.5 / LIVE

ორი დღეა დაბა ასპინძაში სასმელი წყალი არ აქვთ

მთავარისიახლე, ეკონომიკა 12.05.2017
ორი დღეა დაბა ასპინძას სასმელი წყალი არ მიეწოდება და როგორც წყალმომარგების კომპანიაში ამბობენ, რომ სამი დღე კიდევ არ ექნებათ. ასპინძაში ამბობენ, რომ წყლის პრობლემები ტრადიციად იქცა – ყოველ წვიმას უწყლობა, ან ჭუჭყიანი წყალი მოსდევს.

ორი დღეა დაბა ასპინძაში სასმელი წყალი არ აქვთ

ორი დღეა დაბა ასპინძაში სასმელ წყალს ყიდულობენ. ადგილობრივები ამბობენ, რომ რატომ არ აქვთ წყალი, არ იციან.

„ხომ შეიძლება სოციალური ქსელით, ან ტელეფონზე შეტყობინებით გაგვაგებინონ, რომ ჩვენც წინასწარ ვიცოდეთ და მოვიმარაგოთ. კიდევ სამი დღე რომ არ გვექნება, ეგეც მეზობლისგან, შემთხვევით გავიგეთ“, – გვეუბნება ასპინძის მკვიდრი ლეილა ხმალაძე.

ასპინძაში ამბობენ, რომ ეს წყლის მიწოდების შეწყვეტის პირველი შემთხვევა არ არის.

„რომ გაწვიმდება, ჩვენთან სულ ასეთი პრობლემებია. მაღაზიაში ვყიდულობთ, აბა უწყლოდ ხომ არ მოვკვდებით“, – ამბობს თინათინ კალაიჯიშვილი.

საქართველოს გაერთიანებული წყალმომარაგების კომპანიაში განმარტავენ, რომ მთებში თოვლის დნობის გამო, ოთის წყლების სათავე ნაგებობა, საიდანაც მოსახლეობას წყალი მიეწოდება დაბინძურდა და ფილტრების გაწმენდის პროცესი მიმდინარეობს.

კომპანიის სამცხე–ჯავახეთის რეგიონული ფილიალის მენეჯერის ბორის სპანდერაშვილის თქმით, დაბის მოსახლეობას წყალი წყალმზიდებით მიეწოდება: „გუშინ დუშეთიდან ორი წყალმზიდი ჩამოვიყვანეთ და ადგილობრივებს სასმელ წყალს ასე ვაწვდით. ვფიქრობ, სამ დღეში გაიწმინდება სათავე ნაგებობა და წყალს ისე გამოვუშვებთ. მაგრამ, წყლის ხარისხი როდემდე იქნება ცუდი, ამას ვერ გეტყვით, კლიმატზეა დამოკიდებული“.

რაც შეეხება მოსახლეობის ინფორმირებას, სპანდერაშვილი ამბობს, რომ იმ ელექტრონული ბაზიდან, რომელიც კომპანიას გააჩნია, ადგილობროივებს მოკლეტექსტური შეტყობინებები დაუგზავნეს.

ორი დღეა დაბა ასპინძაში სასმელი წყალი არ აქვთ

ასპინძელებისთვის პრობლემა მხოლოდ სამელი წყლის შეფერხებით მიწოდება არ არის. ადგილობრივების თქმით, ყოველი წვიმის დროს წყალი იმღვრევა და არათუ სასმელად, საყოფაცხოვრებოდაც ვერ იყენებენ.

„დღეში თითქმის 10 ლარის წყალს ვყიდულობთ. თუ მოვახერხეთ, სხვადასხვა სოფლებიდან ვზიდავთ“, – გვეუბნება ერთ–ერთი ადგილობრივი.

ასპინძაში სასმელი წყლის პრობლემებზე „სამხრეთის კარიბჭეს“ არაერთი მასალა აქვს მომზადებული.

„ასპინძაში წყლის პრობლემა, ყოველ წელს, ტრადიციად არის ქცეული. აქ რომ მაღაზიებში წყალი იყიდება, საქართველოში ისე არსად. აქ რომ კაკაოს მსგავსი, მატლებიანი წყალი დის, ისეთს ვერსად ნახავთ“, – გვეუბნება ლეილა ხმალაძე.

ადგილობრივების თქმით, ყოველ წელს მთავარი პრობლემა ოთის წყლების სათავე ნაგებობაა. ღია სათავე ნაგებობა რომ შესაკეთებელია, ამაზე ასპინძის გამგეობაშიც საუბრობენ. გამგებლის მოადგილის ალექსანდრე პაპაშვილის თქმით, თვითმმართველობამ წყალმომარაგების კომპანიას უკვე მიმართა: „2013 წლიდან ჩვენ უკვე აღარ გვქონდა უფლება წყლის მომარაგებაზე და მასთან დაკავშირებულ პრობლემებზე გვეზრუნა, რადგან წყალმომარაგების კომოანიის ბალანზე გადავიდა ყველაფერი. უწყებას გამგეობამ მიმართა ოთის წყლების სათავე ნაგებობების მოწესრიგებაზე. რა რეაგირებას მოახდენენ, მათზეა დამოკიდებული“.

ოთის წყლების ღია სათავე ნაგებობის რეაბილიტაციასთან დაკავშირებით, წყალმომარაგების კომპანიაში განმარტავენ, რომ მისი გადაკეთება იგეგმება. თუმცა, კონკრეტულად რა სამუშოები განხორცილდება და რა თანხებში, ამაზე ჯერ ვერ საუბრობენ.

დაბა ასპინძას წლებია წყალი განრიგით, დილით 8:00 საათიდან 12:00 საათამდე, საღამოს კი 16:00 საათიდან 20:00 საათამდე მიეწოდება.

ორი დღეა დაბა ასპინძაში სასმელი წყალი არ აქვთ

[ლუბა გიორგაძე, ასპინძა]


18.11.2017 ახალციხეში ჰუმანური პედაგოგიკის ცენტრის წარმომადგენლები პედაგოგებს ხვდებიან

06.11.2017 გარემონტებულ პირველ სკოლაში შესაძლოა ანსამბლი "მესხეთი" ვეღარ დაბრუნდეს

06.11.2017 პირველ სკოლაში ინვენტარის შეტანა დაიწყეს

06.11.2017 ეროვნული გამოცდების ტესტებში ცვლილებები შევიდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.11.2017 ჰაკატონი “ინოვაცია ონლაინ მედიაში”

17.11.2017 შშმ მოსწავლეებმა სპექტაკლი „კონკია“ დადგეს

16.11.2017 „სამხრეთის კარიბჭემ“ სახალხო დამცველის ჯილდო მიიღო

15.11.2017 ახალციხეში რეპატრირებული მესხების შესახებ ფილმი აჩვენეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

მსგავს თემაზე

დაბა ასპინძას  წყალს  ისევ წყალმზიდებით აწვდიან
ასპინძაში  სასმელი წყლის მიწოდება აღდგა
ერთი კვირაა დაბა ასპინძას სასმელ წყალს სახანძრო-სამაშველო სამსახური აწვდის
ვალეს სამი დღეა სასმელი წყალი არ მიეწოდება
მერვე დღეა ვალეში  სასმელი  წყალი არ აქვთ
„ხუთსართულიანების“ დასახლებას  წყალი შეფერხებით მიეწოდება
ხუთი დღეა  ახალციხეში დაბინძურებული წყალი მოდის