FM97.5 / LIVE

ასპინძის საავადმყოფოს პრობლემებს სამთავრობო კომისია სწავლობს

მთავარი 19.03.2013
ჯანდაცვის მინისტრის განცხადებით, ასპინძის საავადმყოფოს პრობლემები, რომელიც კომპანია ”ადითის” მფლობელობაშია, სამთავრობო კომისიამ შეისწავლა და ამ საკითხზე მოლაპარაკებები დღესაც გრძელდება.

ასპინძის საავადმყოფოს პრობლემებს სამთავრობო კომისია სწავლობს
ასპინძის საავადმყოფო

ასპინძის რაიონული საავადმყოფოს საკითხი საქართველოს პარლამენტის ჯანმრთელობის დაცვისა და სოციალურ საკითხთა კომიტეტის დღევანდელ სხდომაზე განიხილეს.

ასპინძის მაჟორიტარი დეპუტატის, ტარიელ ლონდარიძის თქმით, საავადმყოფოს პრობლემებით დაინტერესების თხოვნით, ჯანდაცვის სამინისტროს წერილი გასული წლის დეკემბერში გაუგზავნეს, თუმცა პასუხი დღემდე არ მიუღიათ.

”კომპანია ”ადითს”, რომელიც აღნიშნულ დაწესებულებას ფლობდა, მარტში გასდიოდა ვადა, ამიტომ ჩვენ დავაჩქარეთ წერილები, რომ პრობლემა დროულად მოგვარებულიყო. ჩემი ინფორმაციით, სახელმწიფომ ვალდებულებები ისევ ”ადითს” გაუგრძელა. აქედან გამომდინარე, პერსონალს ისევ აქვს პრობლემები. ჩემი თხოვნა იქნება სამინიტროსგან თუ გამოიყოფა სამუშაო ჯგუფი და ადგილზე შეისწავლის ამ კონკრეტულ შემთხვევას”, - აღნიშნა ტარიელ ლონდარიძემ.

საქართველოს ჯანდაცვის მინისტრმა განაცხადა, რომ საქართველოს 1555 სამედიცინო დაწესებულებიდან მსგავსი პრობლემა აქვს თითქმის ყველა საავადმყოფოს.

”ამ და სხვა ანალოგიური წერილების და სიტუაციის რეალური შესწავლის საპასუხოდ, გასული წლის 25 დეკემბერს ჩემს მიერ მთავრობის სხდომაზე ინიცირებულ იქნა საკითხი, რომელიც დადებითად გადაწყდა, რომ შეიქმნას სამთავრობო კომისია, რადგან ჯანდაცვის სამინისტროს რესურსი არ ეყო იმაზე, რომ შეესწავლა ის ჯერ-ჯერობით ამოუხსნელი შემთხვევები, რომლებიც ”ადითის” და არამარტო ”ადითის” შემთხვევაში იყო”, - განაცხადა დავით სერგეენკომ და აღნიშნა, რომ ”ადითის” მმართველობაში მყოფი რვა სამედიცინო დაწესებულებიდან მონიტორინგის ჯგუფმა ყველა დაწესებულების მდგომარეობა შეისწავლა. თუმცა, რადგან აღნიშნულ საკითხზე მოლაპარაკებები ისევ მიმდინარეობს, ღია ეთერით ყველა საკითხზე საუბარი არ შეუძლია.

მინისტრმა აღნიშნა, რომ ეს ადამიანები უყურადღებოდ არ არიან მიტოვებული და მათ პრობლემას სამთავრობო კომისია სწავლობს: ”ამ კომისიაში შედის ჯანდაცვის, ეკონომიკის, ფინანსთა და იუსტიციის სამინისტროები, მინისტრებისა და მოადგილეების დონეზე”.

ასპინძის საავადმყოფოს პრობლემებზე ”სამხრეთის კარიბჭეც” წერდა. მიმდინარე წლის იანვარში საავადმყოფოს მედ-პერსონალი სახელფასო დავალიანების გაცემას, ხელფასების მომატებას და გაუქმებული განყოფილებების აღდგენას ითხოვდა.

შეგახსენებთ, რომ დღეს პარლამენტის ჯანმრთელობის დაცვისა და სოციალურ საკითხთა კომიტეტის სხდომაზე კომიტეტის წევრების კითხვებს ჯანდაცვის მინისტრი დავით სერგენკო პასუხობს.

ასპინძის საავადმყოფოს პრობლემებს სამთავრობო კომისია სწავლობს
ასპინძის საავადმყოფო

[თამარ თოთაძე, ახალციხე]


11.09.2019 ახალქალაქის ერთ სკოლაში 16 სექტემბერს სწავლა არ დაიწყება

10.09.2019 ახალციხეში წარჩინებულ სტუდენტებს წიგნები გადასცეს [ფოტო]

10.09.2019 ახალ სასწავლო წელს ანდის სკოლას მოსწავლეები არ ეყოლება

10.09.2019 ახალციხის მეორე სკოლაში სარემონტო სამუშაოები სწავლის დაწყებამდე ვერ დასრულდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.09.2019 ახალციხის ციხეზე, მუზეუმთან შენობის ჭერი დაზიანებულია

12.09.2019 თისელის სამონასტრო კომპლექსს რესტავრაციისთვის ამზადებენ

11.09.2019 დაავადებათა კონტროლის ცენტრი მშობლებს მოუწოდებს ბავშვები წითელაზე აცრან

11.09.2019 მორწმუნეები თავკვეთულას ტაძარში [ფოტო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

09.09.2019 ივლიტა 'ახალციხეს მიკრული' სოფელი

06.09.2019 სქესობრივი განათლება: საფრთხე თუ გამოსავალი?

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

მსგავს თემაზე

ასპინძის საავადმყოფო სახელმწიფო მმართველობაში გადავიდა
დავით სერგეენკო აბასთუმნის საავადმყოფოს საკითხის შესწავლას გეგმავს
ასპინძის საავადმყოფოს ექიმებმა შპს „ადითს“ სასამართლო მოუგეს
ახალციხისა და ასპინძის საავადმყოფოების საკითხი ისევ გაურკვეველია
სამთავრობო კომისიის მონიტორინგში ახალციხის საავადმყოფოც მოხვდა
აბასთუმნის ტუბსაწინააღმდეგო საავადმყოფოს ახალი რენდგენის აპარატი აქვს
ასპინძის საკრებულოში ორი კომისია იმუშავებს