FM97.5 / LIVE

ჯავახეთის პოლიტიკაში საზოგადოებრივი ორგანიზაციების საბჭო ერთვება

მთავარიპოლიტიკა 19.03.2013
სამცხე–ჯავახეთისა და ქვემო ქართლის სომხური საზოგადოებრივი ორგანიზაციების საბჭო ადგილობრივი, რეგიონული და ცენტრალური ხელისუფლების წარმომადგენლებს შეხვდა.

ჯავახეთის პოლიტიკაში საზოგადოებრივი ორგანიზაციების საბჭო ერთვება
ჯერ კიდევ 19 თებერვალს, ახალქალაქში ორი დაპირისპირებული ბანაკის მიერ მიტინგების გამართვის შემდეგ, სამცხე–ჯავახეთისა და ქვემო ქართლის სომხური საზოგადოებრივი ორგანიზაციების საბჭომ ადგილობრივი ხელისუფლების წარმომადგენლებს „ერთიანი ნაციონალური მოძრაობიდან“ და „ქართული ოცნების“ აქტივისტებს მიმართა წერილით, რომელშიც ორივე მხარეს სიმშვიდისა და სტაბილური სიტუაციის შენარჩუნებისკენ მოუწოდა, რათა არ დაწყებულიყო პოლიტიკური დაპირისპირება.

„ჩვენ შეხვედრების ჩატარება ორივე მხარესთან გვსურს. რადგანაც ხელისუფლება შეიცვალა, გვინდოდა რეალურ პრობლემებთან დაკავშირებით მათ სტრატეგიას გავცნობოდით“, – ამბობს საბჭოს კოორდინატორი არტაკ გაბრიელიანი.

ადგილობრივ ხელისუფლებასთან შეხვედრისას საბჭომ წარმოადგინა მემორანდუმი სათაურით „ინტეგრაცია, მაგრამ არა ასიმილაცია“.

მემორანდუმში ვკითხულობთ: „საბჭო რეგიონში მოქმედ პოლიტიკურ წრეებს მხარის პრობლემების გადასაჭრელად ძალების ცენტრალიზებისკენ მოუწოდებს; ასევე მათ არ უნდა დაუშვან, რომ ქვეყანაში მიმდინარე პოლიტიკურმა პროცესებმა მხარეში დაძაბულობა შექმნას და მოსახლეობა საყოფაცხოვრებო პრობლემებზე ზრუნვას მოაცდინოს“.

ხელისუფლებასთან საბჭოს შეხვედრისას ადგილობრივი მოსახლეობის სხვადასხვა პრობლემები განიხილეს, თუმცა, ყურადღების ცენტრში სომხური ენისთვის რეგიონული ენის სტატუსის მინიჭების საკითხი აღმოჩნდა.

არტაკ გაბრიელიანი ამ შეხვედრას შედეგიანად მიიჩნევს.

„ხელისუფლება ყველა საკითხს ყურადღებით მოეკიდა და დადებითი რეაქციები ქონდათ. შედეგიანი იყო იმ თვალსაზრისით, რომ ბევრ საკითხებში ჩვენი პოზიციები ერთმანეთს დაემთხვა. მაგალითად, ვთანხმდებით, რომ ენის საკითხის მოგვარება აუცილებელია; ასევე სოციალურ–ეკონომიკური პრობლემების მოსაგვრებლად საჭიროა ინვესტიციები“, – ამბობს იგი.

ადგილობრივი ხელისუფლების წარმომადგენლებიც ფიქრობენ, რომ ეს შეხვედრა შედეგიანი იყო. ახალქალაქის მუნიციპალიტეტის გამგებელი ნაირი ირიციანი შეხვედრის ერთ–ერთ შედეგად მიიჩნევს ფაქტს, რომ 14 მარტს ჩატარებულ საკრებულოს სხდომაზე პარლამენტისთვის ევროპული ქარტიის რატიფიკაციის თხოვნით მიმართვის გადაწყვეტილება მიიღეს.

საბჭოს იმედი აქვს, რომ „ქართული ოცნების“ წარმომადგენლებთანაც მოახერხებს შეხვედრის გამართვას, რათა ნახონ რა რეაგირებას მოახდენს მათ დასმულ საკითხებზე მეორე მხარე.

„ეს საკითხები მათი, ივანიშვილის მთავრობის წინასაარჩევნო დაპირებები იყო. ჩვენ პრაქტიკულ ნაბიჯებზე უნდა გადავიდეთ. დღეს ჩვენთვის მნიშვნელობა არ აქვს, ხელისუფლებაში ვინ იქნება, მთავარია საქმე წინ მიდიოდეს“, – ამბობს გაბრიელიანი.

აღვნიშნავთ, რომ „ქართული ოცნების“ ოფისმა დაუყოვნებლივ, წერილობითი სახით უპასუხა საბჭოს მიმართვას, რომელშიც საუბარი იყო მსგავსი შეხვედრების მნიშვნელობაზე; მათ ასევე მზადყოფნა გამოთქვეს საბჭოს წარმომადგენლებთან 23 თებერვალს, დღის 12:00 საათზე მათ ოფისში შეხვედრისთვის, თუმცა, აღნიშნული შეხვედრა გაურკვეველი დროით გადაიდო.

[აღუნიკ აივაზიანი, ახალქალაქი]


30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.06.2020 ნიკოლ ფაშინიანს კორონავირუსი აქვს

01.06.2020 პირველი ივნისიდან ყველა სახის სავაჭრო ობიექტი გაიხსნა

01.06.2020 წაღვერში მილიონ ლარად რეაბილიტირებულ კულტურის სახლში წყალი ჩავიდა

31.05.2020 ‘ყოველი მეოთხე ადამიანი გვეღუპება თამბაქოს მოხმარებით, აქედან 300 ბავშვია’ - სტურუა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

'სომხური საზოგადოებრივი ორგანიზაციების საბჭო' ხელისუფლებას მოთხოვნებს უყენებს
რის საფუძველზე ითხოვენ ”რესპუბლიკელები” სომხური ენისთვის სტატუსის მინიჭებას
”სასამართლო პროცესად” ქცეული სამთავრობო და არასამთავრობო სექტორის შეხვედრა ახალაქალაქში
ახალქალაქში რეგიონული ენის სტატუსის საკითხი წამოწიეს
სამველ პეტროსიანი: 'ენების ევროპულ ქარტიაზე პარლამენტში არ უმსჯელიათ'
აგიტ მირზოევი: ”სომხური ენის სტატუსის საკითხზე მსჯელობა უნდა დაიწყოს”
ახალქალაქის საკრებულოს დეპუტატების თქმით, ენის სტატუსის საკითხი პირველად არ დასმულა