FM97.5 / LIVE

რეგიონული განვითარების სამინისტროს ბორჯომი 5 მლნ ლარს სთხოვს

მთავარიეკონომიკა 19.03.2013
ბორჯომის მუნიციპალიტეტმა რეგიონული განვითარებისა და ინფრასტრუქტურის სამინისტროს ხუთი პროექტი წარუდგინა. პროექტების ღირებულება დაახლოებით 5,500,000 ლარამდეა

რეგიონული განვითარების სამინისტროს ბორჯომი 5 მლნ ლარს სთხოვს
ბორჯომის მუნიციპალიტეტის მთავარ პრიორიტეტს გზებისა და ინფრასტრუქტურის მოწესრიგება წარმოადგენს. მუნიციპალიტეტის საკრებულოში ამბობენ, რომ პრიორიტეტები მოსახლეობასთან შეხვედრებისა და კონსულტაციების შემდეგ გამოიკვეთა.
მოსახლეობასთან შეხვედრებში, ადგილობრივ ხელისუფლების წარმომადგენლებთან ერთად, აქტიურ მონაწილეობას იღებდა მაჟორიტარი დეპუტატი გედევან ფოფხაძეც.

პროექტის დამტკიცების შემთხვევაში იგეგმება დაბა ახალდაბაში, რუსთაველისა და ყაზბეგის ქუჩების რეაბილიტაცია, რომლის სავარაუდო ღირებულება 750,000 ლარს შედგენს.

ასევე, დაგეგმილია ბორჯომში ახალშენის, გოგიასციხის, სააკაძისა და გამარჯვების ქუჩების რეაბილიტაცია. ამ ქუჩებზე სანიაღვრე არხები და ბორდიულებიც მოწესრიგდება.

დაახლოებით 2 მილიონი ლარის ღირებულების პროექტია მომზადებული რობაქიძის ქუჩისთვის, სადაც ჩამონგრეულია ბეტონის კედელი და შექმნილია მეწყერსაშიში ზონა. მუნიციპალიტეტის საკრებულოში განმარტავენ, რომ აღნიშნული გზა სტრატეგიული მნიშვნელობისაა.

„აქ გადის ხაშური-ახალციხის დამაკავშირებლი რკინიგზა. გზის ქვეშ კი გადის წყლისა და საკანალიზაციო კომუნიკაციები, ამ გზით სარგებლობს მოსახლეობის უმრავლესობა და გზის მოწყვტამ შეიძლება გამოიწვიოს დიდი ზარალი“,- განმარტავს მუნიციპალიტეტის საკრებულოს თავმჯდომარის მოადგილე ნათელა გოგოლაძე.

2 მილიონი ლარის ღირებულების პროექტია გაკეთებული ბორჯომის ცენტრალური პარკის მისასვლელ გზაზეც. პროექტის ფარგლებში დაგეგმილია გზის, საყრდენი კედლების და ფეხით სავალი ხიდის რეაბილიტაცია, პროექტშია ჩადებული 9 აპრილის სკვერის რეაბილიტაციაც.

სოფელ ლიკანში იგეგმება საკანალიზაცი სისტემის გაკეთება და ორი ქუჩის, გოგებაშვილისა და რაზმაძის ქუჩების მოასფალტება.
ბორჯომის მუნიციპალიტეტში განმარტავენ, რომ იმ პროექტების განხორციელებას, რომელსაც რეგიონული განვითარებისა და ინფრასტრუქტურის სამინისტრო არ დააფინანსებს, ადგილობრივი ძალებით შეეცდებიან.

„ვპირდებით მოსახლობას ადგილობრივი ძალებით მოვიზიდოთ თანხები. მაქსიმლურად ვიმუშავებთ ქონების გადასახადისა და იმ ადგილობრივი გადასახადების ამოღებაზე, რაც თვითმმართველობის პრეროგატივას განეკუთვნება და ჩვენი ძალებით შევეცდებით დარჩენილი პროექტების განხორციელებას“, - განმარტავს ნათელა გოგოლაძე.

შეგახსენებთ, რომ ბორჯომის მუნიციპალიტეტმა რეგიონული განვითარებისა და ინფრასტრუქტურის სამინისტროს 5 პროექტი გაუგზავნა, რომლის საერთო ღირებულება დაახლოებით 5 500 000 ლარს შეადგენს. რამდენ პროექტს დაუჭერს მხარს სამინისტრო, პროექტების წარდგენიდან 15 დღეში გახდება ცნობილი. პროექტების გადაგზავნის ბოლო ვადა 11 მარტს ამოიწურა.

[თინათინ ზაზაძე, ბორჯომი]


30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

31.05.2020 წაღვერში მილიონ ლარად რეაბილიტირებულ კულტურის სახლში წყალი ჩავიდა

31.05.2020 ‘ყოველი მეოთხე ადამიანი გვეღუპება თამბაქოს მოხმარებით, აქედან 300 ბავშვია’ - სტურუა

31.05.2020 კორონავირუსი და ქრონიკური დაავადებები - ინფოგრაფიკა

31.05.2020 ‘სომხეთიც და საქართველოც უნდა ვიყოთ მზად, დავეხმაროთ ერთმანეთს’ - ფაშინიანo

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

რაში დახარჯავს ბორჯომის  მუნიციპალიტეტი 2 392 108 ლარს
მუნიციპალიტეტები ინფრასტრუქტურული პროექტების განხორციელებას იწყებენ
ახალციხე რეგიონებში განსახორციელებელი პროექტების ფონდიდან 3,234,685 ლარს მიიღებს
რა ინფრასტრუქტურული პროექტები დაიგეგმა ახალციხეში
ბორჯომი რეგფონდიდან 2 495 667 ლარს მიიღებს
ბორჯომში 2013 წელს დაგეგმილი 17 პროექტიდან, 13 დასრულდა
რეგიონული განვითარების სამინისტროში 24 პროექტი გაიგზავნება