FM97.5 / LIVE

როგორი უნდა იყოს უსაფრთხო სკოლა

მთავარისაზოგადოება 08.05.2012
რა შეიცვალა სკოლებში მანდატურების შესვლის შემდეგ; როგორია ქართული ’’უსაფრთხო სკოლა’’ და რა მდგომარეობაა სკოლებში ძალადობის მხრივ, - ამ საკითხებზე იმსჯელეს სამოქალაქო განვითარების ინსტიტუტის მიერ ’’ბავშვზე ორიენტირებული სკოლის ადვოკატირება’’ პროექტის ფარგლებში მომზადებული უსაფრთხო სკოლის პოლიტიკის დოკუმენტის განიხილვისას.

შეხვედრა დღეს, ახალციხის "დემოკრატიული ჩართულობის ცენტრში" შედგა და მას ახალციხის საჯარო სკოლების პედაგოგები, მოსწავლეები და მშობლები, ასევე ახალციხის სახელმწიფო უნივერსიტეტის სტუდენტები და პედაგოგები ესწრებოდნენ.
უსაფრთხო სკოლის დოკუმენტი განათლების სპეციალისტების სიმონ ჯანაშიასა და სოფო გორგოძის მიერაა მომზადებული. მასში ასახულია სკოლაში ძალადობის მხრივ არსებული მდგომარეობა, დასავლური და საქართველოს წარმატებული გამოცდილება და არსებული პოლიტიკის ალტერნატივები.

ახალციხელი პედაგოგები საუბრობდნენ მანდატურის სამსახურის დადებით და უარყოფით მხარეებზე. მათი თქმით, მანდატურების შესვლის შემდეგ სკოლებში შემცირდა გაკვეთილებზე დაგვიანების შემთხვევები; აიკრძალა საჩუქრების პრაქტიკა; პედაგოგები უფრო მობილიზებულები გახდნენ. თუმცა, აქვე ისაუბრეს იმის შესახებაც, რომ არის შემთხვევბი, როდესაც მანდატურები თავინთ უფლებამოსილებას ამეტებენ. მაგალითად, სკოლაში არ უშვებენ დაწყებითი კლასების მოსწავლეების მშობლებს; არ ითვალისწინებენ ზოგიერთ საპატიო გარემოებას, მაგალითად ტრანსპორტის პრობლემას სკოლიდან შორს მცხოვრები მოსწავლისათვის, რომელსაც ხანდახან გაკვეთილზე აგვიანდება და ა.შ. მათივე თქმით, მანდატურების უფლებები დირექტორების უფლებებს უტოლდება. ასევე, მათ შეუძლიათ საყვედურით და მკაცრად მიმართონ მოსწავლეს, მაშინ როცა მათ შენიშვნის მიცემის უფლებაც არ აქვთ.

პროექტის - ,,ბავშვზე ორიენტირებული სკოლის ადვოკატირება“ - განხორციელება, სამოქალაქო განვითარების ინსტიტუტმა 2011 წლის სექტემბერში დაიწყო. პროექტი მხარდაჭერილია აღმოსავლეთ-დასავლეთის მართვის ინსტიტუტისა და ამერიკის შეერთებული შტატების საერთაშორისო განვითარების სააგენტოს მიერ. სწორედ ამ პროექტის ფარგლებში მომზადდა უსაფრთხო სკოლის პოლიტიკის დოკუმენტი, რომლის განხილვა საქართველოს შვიდ ქალაქშია დაგეგმილი. ახალციხემდე დოკუმენტი ბათუმში, ოზურგეთსა და ქუთაისში განიხილეს.

[ნინო ნარიმანიშვილი, ახალციხე]


23.07.2019 ‘ტექსტი ბავშვის ინტერესთან ახლოს უნდა იყოს’ - შეფასებები 'დედაენის' სკოლაში დაბრუნებაზე

22.07.2019 ეროვნულები ლიტერატურის გამოცდით გრძელდება

21.07.2019 ახალციხის მეხუთე სკოლის ჩამონგრეულ გალავანზე პასუხისმგებლობას მერია იღებს

19.07.2019 პედაგოგები უცხო ენებისა და ბიოლოგიის გამოცდას აბარებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.07.2019 ვიზიტორები 101 ქვეყნიდან – როგორია სამცხე-ჯავახეთის ტურისტული პოტენციალი

22.07.2019 ‘საიდან იცის გამოძიების დეტალები?’– ბაღების დირექტორი ენზელ მკოიანს უჩივლებს

22.07.2019 ტემპერატურა იკლებს – როგორი ამინდია მოსალოდნელი სამცხე–ჯავახეთში

22.07.2019 აგარების მონასტრამდე მისასვლელ გზაზე გადაადგილება შეზღუდულია

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.07.2019 ძველი მანქანების ერთგული მეპატრონეები [ფოტო/ვიდეო]

09.07.2019 ლეგენდების სოფელი

04.07.2019 ‘ფანდურის გაკეთებისას ბოროტების ნასახი არ უნდა გქონდეს გულში’– მესხი მეფანდურეები [ფოტო/ვიდეო]

08.03.2019 ქალები მძიმე ჩანთებით [Photo/Video]

მსგავს თემაზე

განათლების რეფორმის ფარგლებში,'უსაფრთხო სკოლის' პროექტი დაინერგება
ახალციხის მეხუთე სკოლის პედაგოგები განათლების სამინისტროს სახელზე ხელმოწერებს აგროვებენ
საქართველოს დაწყებითი განათლების პროექტის პრეზენტაცია
სამოქალაქო განათლების პედაგოგთა ფორუმზე სამცხე–ჯავახეთის პედაგოგები და დირექტორი დააჯილდოვეს
მეხუთე სკოლის პედაგოგები განათლების მინისტრთან შეხვედრას ითხოვენ
აღმოსავლეთ–დასავლეთის მართვის ინსტიტუტი სამოქალაქო გაძლიერების ახალ პროექტს იწყებს
ახალციხის სკოლების ინკლუზიური განათლების მონიტორინგის შედეგები