"სამხრეთის კარიბჭე"–FM97.5 / LIVE

‘ნებისმიერი სისტემა, რომელიც იმუქრება, ეფექტური არ არის’ – ჯეჯელავა

მთავარისიახლე, საზოგადოება, განათლება 19.04.2017
‘ვინც ვერ მოირგო მასწავლებლობა, უნდა წავიდეს. ასაკს რაც შეეხება, თქვენც გინახავთ და მეც 25 წლის მკვდარი და 65 წლის ნორჩი. ყველა მკვდარი, ვინც გაკვეთილს ვერ ატარებს, უნდა წავიდეს, ყველა ცოცხალი უნდა დარჩეს’,–განაცხადა განათლების მინისტრმა ახალციხეში შეხვედრაზე, რომელსაც 300–მდე მასწავლებელი ესწრებოდა.

‘ნებისმიერი სისტემა, რომელიც იმუქრება, ეფექტური არ არის’ – ჯეჯელავა
ალექსანდრე ჯეჯელავა ახალციხეში, მასწავლებლებთან შეხვედრაზე. ფოტო: © განათლების სამინისტრო

მასწავლებლებთან შეხვედრა ალექსანდრე ჯეჯელავამ პედაგოგების მიმართ გაჩენილ ნეგატიურ დამოკიდებულებებზე საუბრით დაიწყო. ამ თემას დაუკავშირა მასწავლებელთა შეფასების სქემაც: „კერძო და საჯარო სკოლაში ერთად 66 000 პედაგოგია. რაც შეეხება მოსწავლეების რაოდენობას, განსაკუთრებით რეგიონებში, საგრძნობლად შემცირდა. ყველა ქალაქებში წავიდა, ნაწილი ქვეყნიდანაც, შობადობაც შემცირდა 90–იანი წლების შემდეგ. 1987 წელს საქართველოში 100 000 ბავშვი დაიბადა, 2005 წელს, როცა იყო ყველაზე მცირე შობადობა, – 47 000. ამ პერიოდის განმავლობაში პედაგოგების რაოდენობა არ შემცირებულა, ამან გამოიწვია ბრძოლა საათებისთვის და ეს ძალიან მტკივნეული და ცუდი აღმოჩნდა“.

მისი განცხადებით, ბოლო პერიოდში საქართველოში ბევრი უცხოელი კონსულტანტი ჩამოდიოდა, ვინც ფიქრობდა, რომ ამდენი მასწავლებელი საჭირო არ იყო: „ძალიან ცუდია, მაგრამ საქართველოში პედაგოგების მიმართ დაიწყო ნეგატიური ტენდენცია. პირველი – აგდებულად საუბარი პედაგოგებზე, რაც თქვენ მტკივნეულად გაქვთ გადატანილი, და მეორე, ორგანიზაციური“.

განათლების მინისტრმა თქვა, რომ მიუღებელი იყო შეფასების სქემაში მითითებული ტექსტი, რომელშიც ეწერა, რომ თუ პედაგოგი გამოცდას ვერ ჩააბარებდა, უნდა წასულიყო სახლში: „ნებისმიერი სისტემა, რომელიც იმუქრება, ეფექტური არ არის. ვემუქრებით ადამიანებს, რომლებსაც 30 წელზე მეტი აქვთ ნამუშევარი, როცა არ იყო შუქი, ხელფასი, როცა ქუჩებში ავტომატებს ისროდნენ, ამ დროს სკოლა ერთი დღით არ დაკეტილა. ამ ხალხს ვემუქრებით და დავდევთ. ეს ძალიან სამარცხვინო და სამწუხაროა“.

მინისტრმა პედაგოგებს განუმარტა, რომ პირველი, რაც სქემიდან ამოიღო, იყო მუქარა: „ბოლო წინადადება შევცვალე და დავწერე, „თუ არა და იყავი მასე“. ჩვენ ვცდილობთ, დირექტორების დახმარებით, სკოლაში უფროსი მასწავლებელების პროცენტული მაჩვენებელი გავზარდოთ, მიზნები დავუსახოთ“.

თუმცა, მისი არასწორად გაიგეს: „არ გაშინებთ, არ გემუქრებით, პრაქტიკოსობა არის სავსებით შინაარსიანი არჩევანი. არავინ შეგეხება, სამსახური გექნება. ეს როგორც კი შევცვალეთ სქემაში, მივიღეთ კრიტიკის ქარ–ცეცხლი. ე.ი არავინ უნდა წავიდეს სკოლიდან – ასე გაიგეს ჩემი მოსაზრება. მე არ ვეთანხმები ამ მოსაზრებას, სკოლიდან უნდა წავიდეს ის ხალხი, ვინც წასასველია. ვინც ვერ მოირგო მასწავლებლობა, უნდა წავიდეს. ასაკს რაც შეეხება, თქვენც გინახავთ და მეც 25 წლის მკვდარი და 65 წლის ნორჩი. ყველა მკვდარი, ვინც გაკვეთილს ვერ ატარებს, უნდა წავიდეს, ყველა ცოცხალი უნდა დარჩეს. მაგრამ ისიც არასწორია, ასაკოვანი დარჩეს და ახალგაზრდა წავიდეს, კარგი უნდა დარჩეს, ვინც ვერ ატარებს, უნდა წავიდეს“.

მინისტრმა ისაუბრა, როგორ უნდა წაიწიოს მასწავლებელმა სქემის მიხედვით: „პირველ რიგში, იქნება ტრენინგის და სწავლების ალტერნატივების რაოდენობა. თუ ადრე მასწავლებლის სახლი იყო ერთადერთი წყარო, ახლა სიტუაციები იცვლება. გვინდა პედაგოგს ასარჩევად ჰქონდეს, სად გაივლის ტრენინგს“.

განათლების სამინისტროს ინფორმაციით, 2016 წელს, უფროსი მასწავლებლის სტატუსი 800–მა პედაგოგმა მიიღო. ჯამში უფროსი მასწავლებლის რაოდენობა 17 000– მდეა: „2016 წელს ცოტა პედაგოგი დაწინაურდა, წლევანდელი გეგმით, სავარაუდოდ 4–5 ათასამდე დაწინაურდება“.

უფროს მასწავლებლად დაწინაურებულ პედაგოგს სტატუსის შესანარჩუნებლად ყოველწიურად გარკვეული კრეტიდ–ქულების დაგროვება მოუწევს. წინააღმდეგ შემთხვევაში, ჩამოქვეითდება: „ვაპირებთ გადაგიტყუოთ იმ ნაპირამდე და თუ თქვენ გინდათ, იმ ნაპირზე დარჩეთ, სხვა გზა არ გექნებათ, უნდა იმუშაოთ“.

ჯეჯელავას განმარტებით, ეტაპობრივად მიდიან იმ სისტემამდე, რომ ვისაც რეალურად უყვარს მასწავლებლობა, ის იმუშავებს.
„ძალიან სასიხარულო ამბავი თქვენთვის არ იქნება, რადგან გეუბნებით, თქვენი ხელფასები იქნება შედარებით ნაკლები, ვიდრე სხვა სამსახურებში. რადგან, როგორც კი ხელფასი საშუალოზე მაღალი იქნება, ამ სპეციალობაში მოვა ის ხალხი, ვისაც არ უყვარს ბავშვები. პედაგოგიკა არის ადგილი, სადაც ადამიანი ამბობს, რომ მიყვარს ბავშვები, მინდა ვასწავლო და მშიერი არ მოვკვდე. ამიტომ, ჩემი დაპირება თქვენს მიმართ ოქროს კოშკებს არ გულისხმობს, მაგრამ ეს არ ნიშნავს, რომ ხელფასები არ გაგეზრდებათ“, – განუმარტა პედაგოგებს მინისტრმა.

[თინათინ ზაზაძე, ახალციხე]


22.04.2017 მოსწავლის ინიციატივა სოფელ დილისკას სკოლისთვის

20.04.2017 განათლების მინისტრი პირველ სკოლაზე:'სამწუხაროდ ხანდახან არაკეთილსინდისიერი კონტრაქორები იმარჯვებენ'

20.04.2017 ალექსანდრე ჯეჯელავა: ’ჩემი სურვილია დამსახურებლ პედაგოგს სქემა ჩამოვხსნათ’

20.04.2017 არაქართულენოვანი პედაგოგები ტრენინგების მშობლიურ ენაზე ჩატარებას ითხოვენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

24.04.2017 სომეხთა გენოციდის 102–ე წლისთავი ახალქალაქში [Photo]

23.04.2017 ახალციხეში გენოციდის 102–ე წლისთავს აღნიშნავენ [Photo/Video]

23.04.2017 ორშაბათს ახალციხეში ბუნებრივი აირის მიწოდება რამდენიმე საათით შეწყდება

23.04.2017 მაშველებმა გუბერნიის შენობის სახურავს აყრილი სახურავის ნაწილი მოაშორეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.04.2017 მზითევი, ‘უმძრახობის’ ტრადიცია და ცხოვრება მესხურ ოდაში [Photo/Video]

18.04.2017 ქვის ფურნე და ცეცხლზე შემომდგარი თუჯის ქვაბი – მესხების სააღდგომო მზადება [Video]

14.04.2017 'ხმა სოფლიდან':ოლესია პერევერზევი ნინოწმინდიდან [Audio]

10.04.2017 ახალგაზრდებისგან დაცლილი სოფელი თოკი [Video]

მსგავს თემაზე

ალექსანდრე ჯეჯელავა: ’ჩემი სურვილია დამსახურებლ პედაგოგს სქემა ჩამოვხსნათ’
არაქართულენოვანი პედაგოგები ტრენინგების მშობლიურ ენაზე ჩატარებას ითხოვენ
ალექსანდრე ჯეჯელავა ახალციხეში მასწავლებლებს შეხვდა
განათლების მინისტრმა სამცხე–ჯავახეთში პედაგოგებს მასწავლებელთა შეფასების სქემა გააცნო
ალექსანდრე ჯეჯელავა: ’ჩვენი სტრატეგიაა მივხედოთ პატარა სკოლებს’
დღის კითხვა: რატომ აშინებთ პედაგოგებს შეფასების ახალი სქემა [Video]
განათლების მინისტრი ახალციხის სკოლების პედაგოგებს შეხვდა