სამხრეთის კარიბჭე. FM97.5 / LIVE

ენერგოეფექტურობის პროექტის შეჯამება

მთავარისიახლე, საზოგადოება 11.04.2017
16–ის ნაცვლად 20 ხილის საშრობი, 12–ის ნაცვლად 13 თბოიზოლირებული შენობა და ამდენივე მზის კოლექტორი – ‘საზოგადოებრივი განვითარების ახალციხის ცენტრმა’ საზღვრისპირა თანამშრომლობის პროექტის 18–თვიანი მუშაობა შეაჯამა.

ენერგოეფექტურობის პროექტის შეჯამება

ახალციხეში, სოფელ წყრუთში მცოვრებ ოგანეზ ადამიანს, სახლში მუდმივი ცხელი წყალი აქვს, თან ის, რომ მის მისაღებად არაფერი ეხარჯება. ოგანეზმა მზის კოლექტორი დააყენა.

„50% – ით დავზოგეთ ელექტროენერგიის ხარჯი ამ კოლექტორის გამო“, – ამბობს ოგანეზი.

ოგანეზ ადამიანს კოლექტორის დამონტაჟებაში ‘საზოგადოებრივი განვითარების ახალციხის ცენტრი’ დაეხმარა. ცენტრი საქართველოსა და სომხეთის ორ მოსაზღვრე რეგიონში – სამცხე–ჯავახეთსა და ლორეს მხარეში „აღმოსავლეთ პარტნიორობის ქვეყნებში ტერიტორიული თანამშრომლობის“ (EaPTC) პროგრამის ფარგლებში ახორციელებდა პროექტს: „ტყის მდგრადი განვითარებითა და ენერგოეფექტური ღონისძიებებით საზღვრისპირა თანამშრომლობა“. ამ პროექტის შეეგებზე ახალციხეში დღეს, 11 აპრილს, დემოკრატიული ჩართულობის ცენტრში იმსჯელეს.

როგორც პროექტის ორგანიზატორმა, „საზოგადოებრივი განვითარების ახალციხის ცენტრის“ დირექტორმა ნუგზარ თათეშვილმა განმარტა, პროექტის ფარგლებში სამცხე–ჯავახეთის 2 სოფელსა (წყრუთი, აწყური) და სომხეთში, ლორეს მხარეს ორ სოფელში (აგარაკი, სვერდლოვი) მზის საშრობების, ენერგიაზე მომუშავე მზის კოლექტორის, შენობების თბოიზოლაციის და ტყის გაშენების შესახებ სწავლება ჩაატარეს. ტრენინგს ახლდა პრაქტიკული მუშაობაც.

„ჩვენი მიზანი იყო ამ ადამიანებს გაეგოთ როგორ შეიძლება დაზოგო ელექტროენერგია ისე, რომ არ მოგაკლდეს კომფორტი“, – ამბობს ნუგზარ თათეშვილი.

მისი თქმით, პროექტის ფარგლებში დაინტერესება იმდენად დიდი იყო, რომ ამ ორ რეგიონში, 16–ის ნაცვლად 20 ხილის საშრობი, 12–ის ნაცვლად 13 თბოიზოლირებული შენობა და ამდენივე მზის კოლექტორი მოაწყეს.

ორგანიზაციამ ასევე მოაწყო ტყის საჩვენებელი გაშენება, – ბენეფიციარებს ასწავლიდნენ როგორ უნდა გააშენონ ტყე და დაიცვან ეროზიისგან. მათ 107 ნერგი დარგეს სოფელ აწყურში და პროექტის დასრულებამდე, 25 აპრილამდე, იგივეს აპირებენ ლორეში – სტეფანავანში. იქ 80 ნერგს დარგავენ.

„ჩვენ ასევე დავისახეთ მიზნად, რომ იმ საპილოტე სოფლებში, სადაც ტყის ჩეხვა მაღალია, დაგვენერგა ენერგოეფექტური ინოვაციები, რომლებიც შეამცირებდა შეშის მოხმარებას“, – განაცხდა ნუგზარ თათეშვილმა.

პროექტი’ საზოგადოებრივი განვითარების ახალციხის ცენტრმა’, საქართველოს ეკოლოგიური მიწათმოქმედთა ასოციაციისა და სტეფანავანის, ლორეს ეკოკლუბის პარტნიორობით განახორციელა. პროექტის შედეგების შეჯამებას მისი ბენეფიციარები, არასამთავრობო ორგანიზაციების, ადგილობრივი ხელისუფლებისა და მედიის წარმომადგენლები ესწრებოდნენ.

[მარიამ ბარძიმაძე, ახალციხე]


18.11.2017 ახალციხეში ჰუმანური პედაგოგიკის ცენტრის წარმომადგენლები პედაგოგებს ხვდებიან

06.11.2017 გარემონტებულ პირველ სკოლაში შესაძლოა ანსამბლი "მესხეთი" ვეღარ დაბრუნდეს

06.11.2017 პირველ სკოლაში ინვენტარის შეტანა დაიწყეს

06.11.2017 ეროვნული გამოცდების ტესტებში ცვლილებები შევიდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

22.11.2017 საავტომობილო გზების რამდენიმე მონაკვეთზე შეზღუდვებია დაწესებული

21.11.2017 ცოლის დაჭრაში ბრალდებულმა საპროცესო შეთანხმებაზე უარი მიიღო

17.11.2017 ჰაკატონი “ინოვაცია ონლაინ მედიაში”

17.11.2017 შშმ მოსწავლეებმა სპექტაკლი „კონკია“ დადგეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

მსგავს თემაზე

ახალციხის საზოგადოებრივი განვითარების ცენტრმა ახალი პროექტის პრეზენტაცია გამართა
ახალციხის 5 სოფელში ხილის საშრობებს მოაწყობენ
საქართველოსა და სომხეთის საზღვრისპირა რეგიონები ერთობლივ პროექტებს განახორციელებენ
ენერგოდაზოგვის დღე ახალციხეში [Photo]
ახალციხეში ხილის საშრობები გააკეთეს
ტრენინგი ტყის მდგრადი მართვის შესახებ
ახალციხეში ენერგოეფექტურობაზე იმსჯელეს