FM97.5 / LIVE

ნახანძრალი ოჯახები დახმარების მოლოდინში [Photo]

მთავარისიახლე, საზოგადოება 07.04.2017
ახალციხეში კოსტავასა და მესხეთის ქუჩაზე გაჩენილი ხანძრისგან დაზარალებული რვა ოჯახიდან, სახურავის შეკეთება მხოლოდ ორმა დაიწყო. დანარჩენები დახმარებას ელიან.

ნახანძრალი ოჯახები დახმარების მოლოდინში [Photo]

„დამწვარი სახურავი გავწმინდეთ, მასალები ვიყიდეთ, მალე გადახურვას დავიწყებთ“, – გვეუბნება მესხეთის ქუჩაზე გაჩენილი ხანძრისგან ერთ–ერთი დაზარალებული თამარ გოგოლაძე.

თამარი ერთ–ერთია იმ სამი ოჯახიდან, რომლებიც ხანძრის შედეგად დაზარალდნენ. მესხეთის ქუჩის N27, N25 და N23–ში, სეთურიძეების, ასპანიძეებისა და ბერიძეების, გვერდიგვერდ მდებარე სახლებს, ცეცხლი 21 მარტს, გვიან ღამით მოედო. ხანძარი ჯერ N27 სახლის სახურავს გაუჩნდა და ქარის გამო, მალევე, მეზობელ სახლებზე გადავიდა. სამი, გვერიგვერდ მდგომი სახლიდან, განსაკუთრებით ორი, N27 და N25 სახლები დაზარალდა. სამივე სახლი ჩარეცხა წყალმა და სამივე სახლში დაზიანდა ავეჯი.

მერიამ ზარალი შეისწავლა და განაცხადა, რომ თითოეულ ოჯახს დაახლოებით 2500 ლარამდე ოდენობის თანხით დაეხმარებოდნენ. მომხდარიდან სამი კვირის შემდეგ, დაზარალებულებს არცერთი თეთრი არ მიუღიათ. ამიტომ, სახლების შეკეთებაც მხოლოდ მათ დაიწყეს, ვინც ამის სახსრები თავად გამოძებნა.

ასპანიძეების მსგავსად, დამწვარი სახლი ნამწვებისაგან უკვე გაწმინდეს მათ გვერდით მცხოვრებმა სეთურიძეებმაც. თუმცა, იმის გამო, რომ საკმარისი თანხა არ აქვთ, სახლის შეკეთებას ჯერ ვერ ახერხებენ: „ვფიქრობდით, მაღაზიიდან მასალა ვალით აგვეღო და მერე გადავუხდიდით, მაგრამ, არ გვაძლევენ, ახლა მერიის დახმარებას ველოდებით“.

ახალციხის მერიაში აცხადებენ, რომ მესხეთის ქუჩაზე მომხდარი ხანძრის შედეგად დაზარალებულებს თანხა უახლოეს დღეებში დაერიცხებათ: „მხოლოდ რამდენიმე დოკუმენტი დარჩა მოსაწესრიგებელი“.

მესხეთის ქუჩისაგან განსხვავებით, დამწვარი სახლის შეკეთება ჯერ არ დაუწყიათ 2 აპრილს, კოსტავას ქუჩაზე გაჩენილი ხანძრისგან დაზარალებულებს. მამუკაშვილები სახლს დამწვარი სახურავისა და ხის კოჭებისგან ახლა ასუფთავებენ. მათი თქმით, მერიიდან, ზარალის შემსწავლელი კომისიიდან უკვე იყვნენ და ზარალიც დაითვალეს, თუმცა, ადგილობრივი ხელისუფლება რა თანხით დაეხმარებათ, არავის უთქვამს.

„იყვნენ მოსული, გვითხრეს, რომ დაგვეხმარებიან, ბანკში ანგარიშის გახსნაც მოგვთხოვეს. ჯერ აქაურობას ვასუფთავებთ და როგორც კი მერია ჩაგვირიცხავს თანხას, მასალასაც ვიყიდით“, – გვეუბნება თამარ მამუკაშვილი, რომლის სახლი ხანძრის შედეგად ყველაზე მეტად დაზარალდა.

როგორც მერიაში განმარტავენ, კოსტავას ქუჩაზე გაჩენილი ხანძრის შედეგად მიღებული ზარალის შესწავლა ამ დრომდე მიმდინარეობს და მათაც, სავარაუდოდ, 2500–ლარამდე თანხით დაეხმარებიან.

მერიაში ამბობენ, რომ მამუკაშვილებს, რომლებიც კოსტავას ქუჩაზე გაჩენილი ხანძრისგან ყველაზე მეტად არიან დაზარალებული, 25 კუბურ მეტრ საშეშე მერქანსაც მისცემენ.

შეგახსენებთ, რომ ახალციხეში კოსტავას ქუჩაზე, ხანძარი 2 აპრილს გაჩნდა. მესხეთის ქუჩის მსგავსად, აქაც, ცეცხლი ერთი სახურავიდან მეზობელ სახლებზე გადავიდა, თუმცა, აქ 5 სახლის სახურავი დაიწვა. ჯამში, ორ კვირაში, ხანძრის ორმა შემთხვევამ, რვა ოჯახი აზარალა.

ნახანძრალი ოჯახები დახმარების მოლოდინში [Photo]

ნახანძრალი ოჯახები დახმარების მოლოდინში [Photo]

ნახანძრალი ოჯახები დახმარების მოლოდინში [Photo]

[ლუბა გიორგაძე, ახალციხე]


18.10.2019 ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

18.10.2019 ზარზმაში საჯარო სკოლა გაიხსნა

17.10.2019 განათლების სამინისტრო ესეების კონკურსს აცხადებს

16.10.2019 სამცხე-ჯავახეთში კომპიუტერი 200–მდე წარჩინებულ მოსწავლეს გადაეცემა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2019 ევროპა მაგარია! სოციალური რეკლამა [ვიდეო]

21.10.2019 ახალციხის ცენტრალურ სტადიონზე მძლეოსნობაში შეჯიბრი მიმდინარეობს

20.10.2019 ახალციხის თოჯინების თეატრი ხატია პარუნაშვილის დასახმარებლად სპექტაკლს გამართავს

18.10.2019 აბასთუმნელები: ‘საუბრობენ არაზინდოდან ჩვენს გასახლებაზე’

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

მსგავს თემაზე

ახალციხეში ნახანძრალი რვა ოჯახიდან ორს ვერ დაეხმარებიან
კოსტავას ქუჩაზე ხანძრისგან მიყენებულ ზარალს მერია სწავლობს
ახალციხეში, ნახანძრალი სამი ოჯახიდან, ორი თავს ახლობლებთან აფარებს
ხანძარი ახალციხეში – ცეცხლი 5 სახლს მოედო [Photo]
ახალციხეში, საცხოვრებელ კორპუსში გაჩენილი ხანძრის შედეგად დაზარალებულებს მერია დაეხმარება
ახალციხეში, ნახანძრალ სახლებში ზარალს ითვლიან [Photo]
კოსტავას ქუჩის ნახანძრალი ოჯახები [Photo]