FM97.5 / LIVE

”გზაც ისეთია, სასწრაფო ვიდრე ამოვა, ადამიანი კვდება”

მთავარიSK TV » რეპორტაჟი 01.03.2013
ახალციხის მუნიციპალიტეტის სოფელ ხეოთში ჩივიან, რომ სოფელს ახალგაზრდები ტოვებენ. ამის მიზეზად მოუწესრიგებელ ინფრასტრუქტურას და უმუშევრობას ასახელებენ. სოფელი ქალაქთან დამაკავშირებელი გზის შეკეთებასაც ითხოვს.

”გზაც ისეთია, სასწრაფო ვიდრე ამოვა, ადამიანი კვდება”
ახალციხის მუნიციპალიტეტის სოფელ ხეოთში დაახლოებით 80-მდე ოჯახი ცხოვრობს. ადგილობრივები ამბობენ, რომ სოფელში ახალგაზრდები აღარ ჩერდებიან, რადგან ამისთვის პირობები არ არის. სოფელს სხვაც არაერთი პრობლემა აქვს.

ხეოთში ადგილობრივები თავს ძირითადად მიწის დამუშავებით ირჩენენ. მაგრამ, ამბობენ, რომ მიწის დასამუშავებლად საკმარისი ტექნიკა არ აქვთ. საბოლოო ჯამში მიწის დამუშავება ძვირი ჯდება, მოყვანილი პროდუქტის რეალიზება კი სჭირს.
’’ჩვენს სოფელს ყურადღებას არავინ აქცევს, არადა უამრავი პრობლემა გვაქვს”, - გვეუბნება სოფელ ხეოთში მცხოვრები თემურ ნებაძე.

”გზაც ისეთია, სასწრაფო ვიდრე ამოვა, ადამიანი კვდება”

ხეოთში მცხოვრებლები გვეუბნებიან, რომ სოფელში ყველაზე მეტად უმუშევრობა აწუხებთ. ამის გამო სოფლიდან ახალგაზრდები მიდიან.

’’ჩვენს სოფელში თავის რჩენა ძნელია, ახალგაზრდები აღარ დარჩნენ, იმიტომ, რომ ვერსად მუშაობენ”, - ამბობს ხეოთში მცხოვრები ნანული ბექაური.

ხეოთში, მიწისძვრის შედეგად, რამდენიმე ოჯახს სახლი დაუზიანდა. დაზარალებულები ამბობენ, რომ მათ არაერთხელ დაჰპირდნენ დახმარებას, მაგრამ ჯერ არავის არაფერი გაუკეთებია.

”როგორც გარეთ, ისე წვიმს შიგნითაც. კედლები დაბზარულია. ვის აღარ ვთხოვე დახმარება, გამგეობაშიც კი ვიყავი, მაგრამ უშედეგოდ. ყურადღებას არავინ გვაქცევს” , -ამბობს სონა კოჟორიძე.

სოფელში არც საბავშო ბაღი აქვთ, არც კლუბი, არც მაღაზია...

’’ელემენტარული, აუცილებელი, საკვები პროდუქტები ხომ გინდა, მაღაზიაც არ არის”, - გვეუბნება ნადია გვრიტიშვილი.
სოფლისთვის აუცილებელი დაწესებულებების ჩამონათვალს ია ჯინჭველაძე აგრძელებს: ”სოფლს ექთანი კი ჰყავს, მაგრამ პირველადი დახმარების წამლები არ აქვს. არც სამედიცინო პუნქტია აქვს. გზაც ისეთია, სასწრაფო ვიდრე ამოვა, ადამიანი კვდება”.

ცუდი გზა საფრთხეს მხოლოდ ავადმყოფებს როდის უქმნის. ხეოთში ამბობენ, რომ ცუდი გზის გამო სოფლიდან ახალციხეში ტრანსპორტი ყოველდღე არ დადის. ორშაბათს, ოთხშაბათს, პარასკევს და კვირას მიკროავტობუსი სოფლიდან დილით გადის და 4 საათზე უკან ბრუნდება.

’’ქალაქში ხშირად მიწევს წასვლა, აბიტურიენტი ვარ და ვემზადები. ზოგჯერ, თუ ცოტა მგზავრია, ’’მარშუტკა’’ არ მიდის და ფეხით მიწევს სოფელ ურაველამდე ჩასვლა. მერე ურაველის ტრანსპორტს მივყვები ახალციხეში” , - გვეუბნება ხატია სუდაძე.
”გზაც ისეთია, სასწრაფო ვიდრე ამოვა, ადამიანი კვდება”
ხეოთის მიკროავტობუსის მძღოლი დათო ბექაური ამბობს, რომ ცუდი გზისა და მგზავრების სიმცირის გამო ქალაქში ყოველდღე ვერ ივლის: ’’გზები ძალიან ცუდია და ხალხიც არ დადის. იმდენსაც ვერ ვიღებთ, რომ საწვავი ჩავასხათ. ყოფილა ისეთი შემთხვევა, რომ სამი ადამიანს გამო არ წავსულვარ”.

ახალციხის მუნიციპალიტეტის გამგებლის მოვალეობის შემსრულებელი ბესიკ ხითარიშვილი ამბობს, რომ სოფელ ხეოთის გზას კაპიტალური რემონტი ესაჭიროება: ’’ველაპარაკე ხეოთის გამგებელს და განვიხილეთ, თუ როგორ გაკეთდება ეს გზა. გეგმაში გვაქვს და როგორც კი ამინდები მოგვცემს საშუალებას, სამუშაოებს დავიწყებთ”.

რაც შეეხება სოფლის ექთანსა და სამედიცინო პუნქტს, ხითარიშვილი ამბობს, რომ ადგილობრივ ხელისუფლებაში ამ საკითხზე იმსჯელეს.

”შევიმუშავეთ ასეთი პროგრამა, რომ ყველა სოფელს ჰყავდეს თავის ექთანი. მოვამზადებთ პროექტს, რომელიც წარდგება საკრებულოში და დამტკიცების შემდეგ, სოფლებში იარსებებს შენობა, ეყოლებათ ექთანი და ექნებათ ყველაფერი პირველადი დახმარებისთვის”, - გვარწმუნებს ბესიკ ხითარიშვილი.

რაც შეეხება მიწისძვრით დაზარალებულ ოჯახებს, ხითარიშვილი ამბობს, რომ სამი წლის წინ დაარალებულების დასახმარებლად დღეს თანხების გამოყოფა იურიდიულად რთული იქნება. თუმცა, ვინც სოციალურად დაუცველია, მათ პროგრამაში ჩასვამენ და შეძლებისდაგვარად დაეხმარებიან.

”გზაც ისეთია, სასწრაფო ვიდრე ამოვა, ადამიანი კვდება”

[ნუკა სტეფნაძე, ახალციხე]


08.07.2020 ეროვნულ გამოცდაზე 10 აბიტურიენტი არ გამოცხადდა

06.07.2020 ‘საშუალო სირთულის ტესტი იყო’ - პირველი გამოცდა დასრულდა

06.07.2020 ახალციხის საგამოცდო ცენტრში 7 აბიტურიენტი არ გამოცხადდა

06.07.2020 ერთიანი ეროვნული გამოცდები დაიწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.07.2020 პროტესტი სათხეში – რატომ გადაკეტეს გზა ადგილობრივებმა

06.07.2020 რატომ ვერ შენდება აბასთუმანში ავტოსადგომი - 9 მილიონიანი ტენდერი მესამედ გამოცხადდა

06.07.2020 ახალციხის 4 სოფელში სტიქიის მიერ მიყენებულ ზარალს ითვლიან

06.07.2020 'გამოსხივების გამო ცუდად ვხდებით' – ბოლაჯურში მაგთის ანძის გადატანას ითხოვენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

მუსხსა და ხეოთში გრეიდერს ითხოვენ
” სოფელში ახალგაზრდას ვეღარ ნახავ”
"7–8 სანტიმეტრზე დევს სეტყვა, ყველაფერი განადგურებულია"– ხეოთში დახმარებას ითხოვენ [Photos]
სოფელ ხეოთში შუახნის მამაკაცი ჩამომხრჩვალი ნახეს
გომაროს მოსახლეობას სოფლის პრობლემებთან გამკლავება უჭირს [Video]
მუსხის მცხოვრებლები არჩევნებში მონაწილეობას არ აპირებენ
ხმა სოფლიდან: სოფელი ხეოთი  [Audio]