FM97.5 / LIVE

ფერმერების ‘ძვირი გაზაფხული’ [Photos]

მთავარისიახლე, ეკონომიკა 07.04.2017
მესხი ფერმერები საწვავსა და ტექნიკაზე გაზრდილ ფასებს უჩივიან დ ამბობენ, რომ წელს გაცილებით ცოტა ფართობი დაითესება.

ფერმერების ‘ძვირი გაზაფხული’ [Photos]

ახალციხიდან ადიგენისკენ მიმავალი გზის ორივე მხარეს ახალმოხნული, გაშავებული მიწები და დასათესად გამზადებული კარტოფილის ყუთებია.

ოხშივარავარდნილ მიწაში კარტოფილს ფერმერების ნაწილი ტრაქტორებით, ნაწილი კი ხელით თესავს. ადგილობრივები ჩივიან, რომ წელს ტრაქტორებმა მომსახურების ფასი გაზარდეს და ყველას მათი დაქირავება აღარ შეუძლია.

„შარშან თუ 1.80 ლარს ვიხდიდით, წელს ორი ლარი გახდა [იგულისხმება ტრაქტორით კარტოფილის დათესვა, 1 მეასედის ფასი. რედ]. თან, მაშინ სახნავ–სათესი ბარათებიც გვქონდა და უფრო იაფი გვიჯდებოდა მოხვნა“, – გვეუბნება სოფელ ჩორჩანის მცხოვრები დიმიტრი ტაბატაძე.

ფერმერების ‘ძვირი გაზაფხული’ [Photos] წელს ნაკვეთები სრულად ვერ მოხნა და კარტოფილის დასათესად ნაკვეთი ტრაქტორის ნაცვლად მოტობლოკით მოამზადა სოფელ არალში მცხოვრებმა გივი კაჭკაჭიშვილმაც.

„ყოველ წელს ნახევარ ჰექტარზე მეტ კარტოფილს ვთესავდი, მაგრამ ახლა ეს რაოდენობა თითქმის 50 პროცენტით შევამცირე. აღარც შეღავათი გვაქვს და აღარც ფული, რომ საქმე გავიიოლო და მეტი მოსავალი მივიღო“, – გვეუბნება იგი.

დაუმუშავებლობა გზის ორივე მხარეს ჩამწკრივებული ნაკვეთების დიდ ნაწილს ეტყობა.

ფერმერების ‘ძვირი გაზაფხული’ [Photos] „აქ, მაგალითად, შარშან ამ დროს რომ მოსულიყავი, სულ ადგილობრივებით იყო გადავსებული, თესავდნენ. ახლა მინდვრები თითქმის ცარიელია“, – გვეუბნება სოფელ ზემო სხვილისის მცხოვრები მერუშ ნიკოგოსიანი და ამატებს, რომ ადგილობრივების უმეტესობამ, შემოდგომით, მარცვლეული კულტურა დათესა. ეს კი რამდენიმე ფაქტორმა განაპირობა, მათ შორის, ტექნკასა და საწვავზე მომატებულმა ფასმა, გაძვირებულმა სათესლე მასალამ და გასულ წელს მოწეული მოსავლის გაუსაღებლობამ.

ამ ფაქტორების გამო, კარტოფილის ნაცვლად, ხახვისა და ნიორის დარგვა გადაწყვიტეს სოფელ ბოლაჯურში მცხოვრებმა კაპანაძეებმა.

„ხახვი და ნიორი არც მიყიდია, სახლში მქონდა საკმარისი და მირჩევნია, ეს დავთესო, ვიდრე იმხელა ფასები ვიხადო კარტოფილის მოყვანაში და ან მივიღებ კარ მოსავალს, ან არა“, – გვეუბნება ლია კაპანაძე.

ფერმერების ‘ძვირი გაზაფხული’ [Photos] ხვნა–თესვისთვის რეგიონს შპს „მექანიზატორის“ 55 ტრაქტორი ემსახურება. შპს „მექანიზატორში“ ირწმუნებიან, რომ სახნავ–სათეს ტექნიკაზე ფასები არ მომატებულა.

„ერთი მეასედი მიწის მოხვნა 1.50 ლარი ღირს, ხოლო თესვა 1.60 ლარია. თანხა იმატებს იმ შემთხვევაში, თუ მიუდგომელი ადგილი, ან რამდენიმე წლის დაუმუშავებელი მიწაა. ამ შემთხვევებში შესაძლოა ორ ლარზე მეტის გადახდაც მოუწიოთ“, – ამბობს „მექანიზაციის სერვისცენტრის ცენტრის“ ხელმძღვანელი კახა ჩინჩალაძე.

ადგილობრივები ამბობენ, რომ წელს ნაკვეთების დამუშავება გაცილებით ძვირი იმის გამოც უჯდებათ, რომ ხვნის ბარათებს ვეღარ ღებულობენ. ბარათებში ისინი „მცირემიწიან ფერმერთა საგაზაფხულო სამუშაოების ხელშეწყობის პროექტს“ გულისხმობენ. პროექტის ფარგლებში ფერმერები ორი ტიპის ბარათს იღებდნენ, – ხვნის ბარათსა და აგრო ბარათს. პროგრამა ოთხწლიანი იყო და 2013–2016 წლებში მუშაობდა.

საქართველოს სოფლის მეურნეობის სამინისტროს ინფორმაციით, „მცირემიწიან ფერმერთა საგაზაფხულო სამუშაოების ხელშეწყობის პროექტით“ , ყოველწლიურად, სამცხე–ჯავახეთში საშუალოდ 45 ათასი ბენეფიციარი სარგებლობდა. წელიწადში, რეგიონში, დაახლოებით 29 ათასი ჰექტარი ფართობი იხვნებოდა. უწყების ინფორმაციითვე, მთლიანად, პროგრამის ფარგლებში სამცხე–ჯავახეთში ფერმერებმა 32,145,637 ლარის სარგებელი მიიღეს.

ფერმერების ‘ძვირი გაზაფხული’ [Photos]

ფერმერების ‘ძვირი გაზაფხული’ [Photos]

ფერმერების ‘ძვირი გაზაფხული’ [Photos]

ფერმერების ‘ძვირი გაზაფხული’ [Photos]

ფერმერების ‘ძვირი გაზაფხული’ [Photos]

[ლუბა გიორგაძე, ადიგენი]


20.01.2020 სამცხე-ჯავახეთში პრაქტიკოსი მასწავლებლის სტატუსი 2 716 პედაგოგს აქვს

15.01.2020 საჯარო სკოლებში სწავლა განახლდა

14.01.2020 გრიპის ვირუსის გამო სკოლებში სწავლის დაწყება არ გადაიდება

13.01.2020 რომელ საგანში გაუჭირდათ მასწავლებლებს გამოცდის ჩაბარება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.01.2020 2020 წელს ახალციხის სკოლებისთვის მილიონზე მეტი დაიხარჯება

21.01.2020 ახალციხის საკრებულოში 13 240 ლარის ჯილდო გაიცა

21.01.2020 აშშ–ს ელჩი ვადაგასულ მედიკამენტებზე: 'ინფორმაციის გაშუქებამ პოლიტიზებული სახე მიიღო'

21.01.2020 არალში გოგონებისთვის ძიუდოს კლუბი დაფუძნდა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

მსგავს თემაზე

მესხ ფერმერებს ხვნა–თესვისთვის ტრაქტორები არ ჰყოფნით
საგაზაფხულო ხვნა–თესვისთვის ფერმერებს 19–ით ნაკლები სახელმწიფო ტრაქტორი მოემსახურება
სამცხე–ჯავახეთში საგაზაფხულო ხვნები მიმდინარეობს
ცვლილებები მცირემიწიან ფერმერთა ხელშეწყობის პროექტში
მესხი ფერმერების „წყალში გადაყრილი“ მოსავალი
ახალციხეში ხვნის ბარათებით წელს 300 ფერმერით მეტი  ისარგებლებს
მცირემიწიან ფერმერთა ხელშეწყობის პროექტი 2016 წელსაც გაგრძელდება