FM97.5 / LIVE

მეტი ასფალტირებული გზა და ახალი წყალსადენები სოფლებში

მთავარიეკონომიკა 28.02.2013
წელს ახალქალაქის მუნიციპალიტეტის ადგილობრივი ბიუჯეტიდან ინფრასტრუქტურის განვითარებისთვის გამოყოფილი თანხა დაახლოებით 300 ათასით გაიზარდა და 1,219,170 ლარი შეადგინა.

მეტი ასფალტირებული გზა და ახალი წყალსადენები სოფლებში

ახალქალაქის ინფრასტრუქტურის განვითარებისთვის სპეცტრანსფერი ცენტრალური ბიუჯეტიდან ჯერჯერობით არ არის გამოყოფილი, მაგრამ ახალქალაქის მუნიციპალიტეტის გამგეობის ეკონომიკისა და ინფრასტრუქტურის განვითარების სამსახურის ხელმძღვანელი არ გამორიცხავს, რომ ტრანსფერი შეიძლება უახლოეს მომავალში გამოიყოს.

წელს ქუჩების ასფალტირებისთვის 687,170 ლარია გამოყოფილი, დანარჩენი 522,000 ლარი კი სოფლებში ახალი წყალსადენების გაყვანას უნდა მოხმარდეს.

ჯერჯერობით არ არის გადაწყვეტილი, რომელ სოფლებში გაიყვანენ წყალსადენს, რადგან პრობლემა არაერთ სოფელს აქვს, გამოყოფილი თანხა კი მხოლოდ ერთეულებს ეყოფა. სასმელი წყლის პრობლემა აქვს სოფლებს მაჯადია, აზავრეთი, ჩუნჩხა, ქოთელია, ბარალეთი, ასევე წყალსადენის გამოცვლა საჭიროა ბავრასა და აბულში.

თუმცა, უკვე ცნობილია ქუჩები, უფრო სწორად, ქუჩის მონაკვეთები, სადაც ასფალტი დაიგება. მოასფალტდება: დარბინიანისა და დემირჩიანის ქუჩის მონაკვეთები; გასული წლიდან დარჩენილი მკრტიჩ სარგსიანის ქუჩის ნახევარი, რომელიც მაშტოცისა და ლომსაძის ქუჩებს აერთებს; ასევე, ჩარენცის ქუჩა, ჯავახეთის ქუჩის დასაწყისიდან საბავშვო ბაღამდე; რუსთაველის ქუჩის ნაწილი ჯავახეთის ქუჩასთან გზაჯვარედინიდან ქუჩის ბოლომდე და დაკიდებული ხიდის დასაწყისი სოფელ ხულგუმომდე.
ამ ეტაპზე ტენდერი სამშენებლო სამუშაოებზე ხარჯთაღრიცხვის შედგენაზეა გამოცხადებული.სამუშაოების განხორციელებაზე ტენდერი ერთი თვის შემდეგ გამოცხადდება.

გასულ წელს ახალქალაქში ქუჩების მოასფალტების სამუშაოები სამშენებლო კომპანიამ „ჯავახეთის ავტოგზამ“ შეასრულა, რადგან ტენდერში მხოლოდ ეს კომპანია მონაწილეობდა.

კომპანია „ჯავახეთის ავტოგზამ“ გასულ წელს სამშენებლო სამუშაოები პირველი თოვლის მოსვლამდე ცოტა ხნით ადრე დაასრულა. ვაან ბატოიანის თქმით, „ჯავახეთის ავტოგზამ“ ტენდერით გათვალისწინებული ყველა სამუშაოს დასრულება და ჩაბარება მოასწრო, თუმცა, შეუიარაღებელი თვალითაც ჩანს, რომ მოასფალტების სამუშაოები უხარისხოდაა შესრულებული, ასფალტზე არის ბზარები, ტროტუარები დაუსრულებელია, ასევე ქუჩის შუა ნაწილში ჩაღრმავებები და უსწორმასწორობებია დარჩენილი, მაგალითად, დარბინიანის ქუჩაზე.

„სამუშაოს დასრულება რომ ვერ მოესწროთ, ძალიან დიდი ჯარიმები დაეკისრებოდათ. თუ ცოტა ცუდად გააკეთეს, ექსპლუატაციის ვადა ერთი წელი აქვთ, წელს გამოასწორებენ. გასულ წელს ქუჩების ასფალტირებისთვის 500 ათასი ლარი ივნისის თვეში მოგვცეს, სანამ ტენდერი გამოვაცხადეთ, სანამ სამუშოები დაიწყო, საკმაოდ დაგვიანდა“, – ამბობს ვაან ბატოიანი.

[შუშან შირინიანი, ახალქალაქი]


22.01.2020 სამცხე-ჯავახეთის საჯარო სკოლებში 39 ვაკანტური ადგილია

20.01.2020 სამცხე-ჯავახეთში პრაქტიკოსი მასწავლებლის სტატუსი 2 716 პედაგოგს აქვს

15.01.2020 საჯარო სკოლებში სწავლა განახლდა

14.01.2020 გრიპის ვირუსის გამო სკოლებში სწავლის დაწყება არ გადაიდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.01.2020 საქართველოს მაღალ მთაში ძლიერი თოვაა მოსალოდნელი

23.01.2020 თებერვალში ‘ბაკურიანობა - 2020’ გაიმართება

23.01.2020 გორელოვკაში წყლის სისტემაზე უკანონო დაერთებებს ჩაჭრიან

23.01.2020 ადიგენის მერიასა და საკრებულოში 73 966 ლარის ჯილდო გაიცა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

მსგავს თემაზე

დაუსრულებელი მოასფალტება
ახალქალაქში აღმაშენებლის ქუჩაზე მოძრაობა ისევ საშიშია
ნინოწმინდაში 12 ქუჩის მოასფალტებისთვის ტენდერი 1 828 238 ლარზე გამოცხადდა
ახალქალაქში 2013 წელს დაგეგმილი ყველა პროექტი დასრულდა
წელს ახალციხეში  ცენტრალური ქუჩების ნაწილი  მოასფალტდება
ახალციხეში ინფრასტრუქტურული სამუშაოები დაიწყო
ბორჯომში, 9 აპრილის ქუჩის სარეაბილიტაციო სამუშაოები გაგრძელდა