FM97.5 / LIVE

ომბუდსმენის თქმით, აუტისტური სპექტრის მქონე პირებს მთელი რიგი პრობლემები აქვთ

მთავარისიახლე, საზოგადოება 02.04.2017
სახალხო დამცველი მოუწოდებს მთავრობას უზრუნველყოს აუტისტური სპექტრის მქონე პირებისთვის აუცილებელი პროგრამების შექმნა, სერვისების განვითარება და გამართული ფუნქციონირება. პოზიტიური ღონისძიებების გატარებით აქტიურად დაუჭიროს მხარი მათი უფლებების დაცვას.

ომბუდსმენის თქმით, აუტისტური სპექტრის მქონე პირებს მთელი რიგი პრობლემები აქვთ

2 აპრილი აუტიზმის შესახებ ცნობიერების ამაღლების მსოფლიო დღეა. 2017 წელს ამ დღის თემაა „ავტონომია და უფლებაუნარიანობა“. გაეროს გენერალური მდივნის წლევანდელ მიმართვაში ნათქვამია, რომ საზოგადოების ყველა წევრმა უნდა შეიტანოს საკუთარი წვლილი აუტიზმის მქონე პირთა მიმართ არსებული დამოკიდებულებების შეცვლისკენ, რათა მათ, თანდაყოლილი პიროვნული ღირსებისა და ინდივიდუალური ავტონომიის ფარგლებში შეძლონ ადამიანის უფლებებით სარგებლობა.

ამ პირების მიერ საკუთარი უფლებების რეალიზებისთვის მნიშვნელოვანია სათანადო პირობების შექმნა და მხარდაჭერა, რაც შესაძლებლობას მისცემთ აქტიურად იქნან ჩართული საზოგადოების განვითარების პროცესში.

"საქართველოში, ბოლო ერთი წლის მანძილზე აუტისტური სპექტრის მქონე პირთა უფლებების დაცვის კუთხით ხელშესახები ცვლილებები არ განხორციელებულა. განსაკუთრებით მწვავეა ბავშვთა პრობლემები. გამოწვევაა მათზე მორგებული ჯანმრთელობის დაცვისა და აბილიტაცია/რეაბილიტაციის სერვისების, ინკლუზიური განათლების მიღების შესაძლებლობა. სახელმწიფო ვერ უზრუნველყოფს მათთვის საჭირო პროგრამებისა და მომსახურების შექმნას, ინკლუზიურ საგანმანათლებლო პროცესში ჯეროვან ჩართვას", – აცხადებს საქართველოს სახალხო დამცველი უჩა ნანუაშვილი.

ომბუდსმენის თქმით, განსაკუთრებით მძიმეა რეგიონებში მცხოვრები ბავშვების და მათი ოჯახების მდგომარეობა: "ადგილობრივი თვითმმართველობის ორგანოებს, მცირე გამონაკლისის გარდა, არა აქვთ გაზიარებული ამ პირთა მიმართ პასუხისმგებლობა და საკუთარი ვალდებულებები. მოქალაქეების გარკვეული ნაწილი, შვილისთვის აუცილებელი მომსახურების მიღების მიზნით, საცხოვრებლად გადავიდა დედაქალაქში. მიუხედავად ამისა, ამ დრომდე ვერ ხერხდება მათ წინაშე არსებული პრობლემების მოგვარება. ქალაქ თბილისის ბიუჯეტით გათვალისწინებული აუტიზმის სპექტრის მქონე ბავშვთა რეაბილიტაციის ქვეპროგრამა ვერ ფარავს შესაბამისი საჭიროების მქონე ყველა პირს, არსებობს მომლოდინეთა რიგები. ბოლო პერიოდში განვითარებულმა მოვლენებმა კიდევ ერთხელ დაადასტურა სახალხო დამცველის მიერ სხვადასხვა დროს გაცემული რეკომენდაციების შესრულების, მათ შორის ქვეყანაში შეზღუდული შესაძლებლობის მქონე პირთა შესახებ სტატისტიკის წარმოების, საჭიროებების კვლევასა და ანალიზზე დაფუძნებული პროგრამების შემუშავების აუცილებლობა“.

საქართველოს სახალხო დამცველი აუტიზმის შესახებ ცნობადობის ამაღლების მსოფლიო დღეს კიდევ ერთხელ მოუწოდებს სახელმწიფოს გადადგას დროული და ქმედითი ნაბიჯები არსებული პრობლემების მოგვარების მიზნით; უზრუნველყოს აუტისტური სპექტრის მქონე პირებისთვის აუცილებელი პროგრამების შექმნა, სერვისების განვითარება და გამართული ფუნქციონირება; პოზიტიური ღონისძიებების გატარებით აქტიურად დაუჭიროს მხარი მათი უფლებების დაცვას.

[sknews.ge]


12.07.2020 აბიტურიენტები ეროვნულ გამოცდებს ისტორიაში აბარებენ

11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

10.07.2020 ეროვნულ გამოცდაზე გასულ აბიტურიენტს კორონავირუსი დაუდასტურდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.07.2020 სამცხე-ჯავახეთის რომელ სოფლებში დაიწყება 2020 წელს გაზიფიცირება

14.07.2020 გადამფრენ ფრინველებზე ნადირობის სეზონი 22 აგვისტოს დაიწყება

13.07.2020 რამდენი ლარით დაჯარიმდებით გარემოს დანაგვიანებისთვის - ნარჩენების მართვის კოდექსში ცვლილებები შევიდა

13.07.2020 200 კაცი რომ ნასვამი იქნება, იქ რაიმე დისტანციის დაცვაზე შეიძლება იყოს ლაპარაკი? – პაატა იმნაძე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

ომბუდსმენი: აუტიზმის მქონე პირთა უფლებების დაცვის კუთხით საქართველო არაერთი გამოწვევის წინაშეა
ომბუდსმენი მოუწოდებს სახელმწიფოს იზრუნოს აუტიზმის  მქონე პირთა უფლებრივი მდგომარეობის გაუმჯობესებაზე
აუტიზმის მსოფლიო დღესთან დაკავშირებით, ომბუდსმენი  ჯანდაცვისა და განათლების სამინისტროებს მიმართავს
რა იცით აუტიზმის შესახებ [Video]
'სტიგმას აუტიზმის მიმართ საზოგადოების დამოკიდებულება აჩენს’
სახალხო დამცველი: ფსიქიკური აშლილობის მქონე პირთა უფლებების დაცვა სახელმწიფოს მოვალეობაა
2 აპრილი აუტიზმის შესახებ ცნობიერების ამაღლების დღეა