FM97.5 / LIVE

თამაზ ლომიძის ინფორმაციით, გერმანიისა და ავსტრიის ეპარქიის დროებით მმართველად მიტროპოლიტი გერასიმე დაინიშნა

მთავარისიახლე, საზოგადოება 12.02.2017
გერმანიაში მოღვაწე სასულიერო პირის, დეკანოზ თამაზ ლომიძის ინფორმაციით, გერმანიისა და ავსტრიის ეპარქიის დროებით მმართველად მიტროპოლიტი გერასიმე დაინიშნა.

თამაზ ლომიძის ინფორმაციით, გერმანიისა და ავსტრიის ეპარქიის დროებით მმართველად მიტროპოლიტი გერასიმე დაინიშნა

ამის დამადასტურებლად, დეკანოზი სოციალურ ქსელში, ფეისბუქში, თავის გვერდზე, ილია მეორის მიერ ხელმოწერილ ბრძანებას აქვეყნებს.

“ა.წ. 9 თებერვლიდან ზუგდიდისა და ცაიშის მიტროპოლიტი გერასიმე (შარაშენიძე) დადგენილ იქნას გერმანიისა და ავსტრიის ეპარქიის დროებით მმართველად”, - ვკითხულობთ თამაზ ლომიძის მიერ გამოქვეყნებულ, N11 ბრძანებაში, რომელიც 9 თებერვლით თარიღდება.



შეგახსენებთ, ამავე დეკანოზმა, მიმდინარე წლის 17 იანვარს გამოაქვეყნა განცხადება, რომელშიც ნათქვამი იყო, რომ მრევლი ეწინააღმდეგებოდა, გერმანიისა და ავსტრიის ეპარქიის მმართველად მიტროპოლიტ სერაფიმე ჯოჯუას (ბორჯომისა და ბაკურიანის ეპარქიის ყოფილი მიტროპოლიტი) დანიშვნას. ამ განცხადებას კი ბორჯომში, მეუფე სერაფიმეს მხარდამჭერების აქცია მოჰყვა.

მეუფე სერაფიმემ ბორჯომ–ბაკურიანის ეპარქია 2016 წლის 24 აპრილს დატოვა. რა გახდა ამის მიზეზი, მაშინ ეს არც სერაფიმეს და არც საპატრიარქოს არ განუმარტავს. გავრცელებულ განცხადებაში საპატრიარქომ მხოლოდ ის მიუთითა, რომ „მიტროპოლიტი პირადი თხოვნის საფუძველზე განთავისუფლდა“.

ამ გათავისუფლების მიზეზი, რომ მრევლის მხრიდან უმძიმესი ბრალდებები იყო, ეს პირველად 17 იანვარს გაჟღერდა, მაშინ, როდესაც გერმანიაში მოღვაწე სამმა მართლმადიდებელმა მღვდელმა [მათ შორის ერთ–ერთი იყო თამაზ ლომიძე] განცხადება გაავრცელა. ამ წერილის გამოქვეყნების შემდეგ, ღიად გამოჩნდა, რომ ბორჯომში, მეუფეს წასვლის გამო, მრევლი და სასულიერო პირები ორად იყვნენ გაყოფილი. ამ დროს გახდა ცნობილი, რომ მეუფე სერაფიმეს არასრულწლოვანთან სქესობრივი კავშირის მცდელობაში ადანაშაულებენ. საპატრიარქოს განცხადება არც ამ ბრალდებაზე გაუვრცელებია. დუმს მეუფე სერაფიმეც, თუმცა, როდესაც მისი გერმანიაში გადაყვანაზე დაიწყო საუბარი, მან გამოაქვეყნა განცხადება, რომელშიც ამბობდა, რომ უარს ამბობს გერმანიის და ავსტრიის ეპარქიაში გამგზავრებაზე.

„ბოლო დროს განვითარებულმა მოვლენებმა კიდევ ერთხელ ნათელი გახადა ჩემთვის, რომ უმჯობესია გავერიდო არსებულ სიტუაციას, რადგან ჩემთან დაკავშირებული გარკვეული ქმედებები ხდება მიზეზი ეკლესიაში შფოთის შემოტანისა და დაპირისპირების ახალი კერების გაჩენისა; ამიტომაც უარს ვამბობ გერმანიის და ავსტრიის ეპარქიაში გამგზავრებაზე. მსურს ჩემთვის ვიყო და ვილოცო“, – ნათქვამი იყო განცხადებაში.

[ნინო ნარიმანიშვილი, ახალციხე]


03.07.2020 რა უნდა გაითვალისწინონ აბიტურიენტებმა – გამოცდების ჩატარების წესები დაზუსტდა

02.07.2020 აბიტურიენტები PCR-ტესტირების ჩატარებას სამცხე–ჯავახეთის 3 კლინიკაში შეძლებენ

02.07.2020 როგორ უნდა აიმაღლოს პრაქტიკოსმა მასწავლებელმა სტატუსი

02.07.2020 გამოცდის მსვლელობისას აბიტურიენტს პირბადის გაკეთება არ მოუწევს - გიორგი გახარია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.07.2020 შაბათ–კვირას სამცხე–ჯავახეთში იწვიმებს

03.07.2020 ეროვნულ გამოცდებზე ბორჯომიდან ახალციხემდე აბიტურიენტები უფასოდ იმგზავრებენ

03.07.2020 ბაკურიანში ზაფხულის სეზონი 10 ივლისს გაიხსნება

03.07.2020 სამცხე-ჯავახეთის მუზეუმმა 11 დღეში 230 ვიზიტორი მიიღო

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ბორჯომში მრევლმა  მეუფე  სერაფიმეს მხარდასაჭერად აქცია გამართა
საპატრიარქოს განცხადება მეუფე სერაფიმეს ეპარქიიდან წასვლის შესახებ
მიტროპოლიტ სერაფიმეს სინოდმა მღვდელმოქმედება აღუდგინა
ბორჯომისა და ბაკურიანის ეპარქიის ხელმძღვანელად ეპისკოპოსი ლაზარე დაინიშნა
ბორჯომისა და ბაკურიანის ეპარქიას დროებითი მმართველი ჰყავს
‘პედოფილია სისხლის სამართლის დანაშაულია, ჩვენ ვერ გამოვიძიებთ’ - მიტროპოლიტი ნიკოლოზი სერაფიმე ჯოჯუაზე
ბორჯომ – ბაკურიანის მეუფემ ეპარქია დატოვა