FM97.5 / LIVE

ლელოვნის სკოლა – ლიდერი ნიკო კეცხოველის პრემიის გზაზე

მთავარისიახლე, განათლება 20.01.2017
ნიკო კეცხოველის სახელობის სასკოლო პრემიის პირველი ტურის შედეგები ცნობილია, – 152 სკოლას შორის ყველაზე მეტი ქულა ადიგენის მუნიციპალიტეტის სოფელ ლელოვნის საჯარო სკოლამ დააგროვა.

ლელოვნის სკოლა  – ლიდერი ნიკო კეცხოველის პრემიის გზაზე

ლელოვნის სკოლა, 4,485 ქულით, ამ კონკურსში, ჯერ–ჯერობით პირველ ადგილზეა. მეორე ადგილზე ეწერის სკოლა გავიდა სამეგრელოდან, მესამეზე – კახეთის სოფელ კურდღელაურის სკოლა, მეოთხე ადგილს კი იმერეთის რეგიონის წარმომადგენელი, სოფელ ბაზალეთის სკოლა იკავებს.

კონკურსის შემდეგ ეტაპზე გასული სკოლების სია უახლოეს საათებში გამოქვეყნდება. შერჩევის კრიტერიუმი ქულების რაოდენობაა. გამონაკლისია მხოლოდ არაქართულენოვანი და სპეციალური სკოლები, რომელთა საბოლოო შედეგსაც კოეფიციენტი განსაზღვრავს.

ნახევარფინალში ის სკოლები გადავა, რომლებსაც 300 ქულაზე მეტი აქვს. როდის ჩატარდება ნახევარფინალი, თარიღი ჯერ ცნობილი არ არის. ფინალური ტური კი 21 მარტს თბილისში გაიმართება.

ნიკო კეცხოველის 2017 წლის პრემიის მოსაპოვებლად სამცხე–ჯავახეთიდან 14 საჯარო სკოლა იბრძვის. ამათგან 300 ქულაზე მეტი 14 სკოლიდან 6–მა დააგროვა, სწორედ ეს 6 სკოლა გადავა ნახევარფინალში. დაემატება თუ არა სხვა სკოლები ჯერ ცნობილი არ არის. სკოლებს შედეგების გასაჩივრება 20 იანვარს, 18 საათამდე შეუძლიათ.

ლელოვნის საჯარო სკოლა – 4,485 ქულა;
ახალციხის N6 საჯარო სკოლა– 1395 ქულა;
ახალციხის N1 საჯარო სკოლა – 806 ქულა;
ბენარის საჯარო სკოლა – 685 ქულა;
ანდეზიტის საჯარო სკოლა – 365 ქულა;
ასპინძის N1 საჯარო სკოლა – 315 ქულა
;

შეგახსენებთ, რომ ქართველი ბოტანიკოსის, მწერალის და საზოგადო მოღვაწის სახელობის კონკურსი რამდენიმე წელია ტარდება. ნიკო კეცხოველის სახელობის კონკურსს ორგანიზაცია CENN-ი, გარემოს დაცვის სამინისტროს პარტნიორობით ატარებს. კონკურსის ფარგლებში, საქართველოს სკოლებში შეიქმნა გუნდები, რომლებიც, პარტნიორ სახელმწიფო და საზოგადოებრივ ორგანიზაციებთან ერთად, ატარებენ დამოუკიდებელ მონიტორინგს და ახორციელებენ სხვადასხვა სახის გარემოსდაცვით აქტივობებს. ახალგაზრდების აქტივობები სხვადასხვა ქულით ფასდება.

გასული წლებისგან განსხვავებით, წელს საკონკურსო თემატიკა გაფართოვდა და ტყეებთან ერთად, ნარჩენების, ბუნებრივი კატასტროფებისა და მინერალური რესურსების მოპოვების პრობლემატიკასაც მოიცავს. კონკურსში, ნიკო კეცხოველის I, II და III პრემიასთან ერთად, დაწესდება უამრავი პრიზი, როგორც ორგანიზატორებისგან, ასევე პარტნიორი სახელმწიფო და კერძო ორგანიზაციებისაგან.

„მაღალი შეფასება ექნება გარემოსდაცვით აქტივობებს, რომელსაც სკოლები საკუთარი ინიციატივით განახორციელებენ, ქულათა მაქსიმუმი კი, ნიკო კეცხოველის წიგნებში აღწერილი მარშრუტების გამეორებისა და განახლების შემთხვევაში დაიწერება”, - აცხადებენ CENN-ში.

[თინათინ ზაზაძე, ახალციხე]


23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

15.10.2020 უნივერსიტეტებს შეუძლიათ ლექციები 19 ოქტომბრიდანაც დისტანიურად ჩაატარონ – გახარია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

22.10.2020 ნინოწმინდაში საზოგადოებრივი ცენტრი გაიხსნა

21.10.2020 ‘ხშირად ჰგონიათ რომ შეღებილია’ – ვალელი ფერმერის იასამნისფერი კომბოსტო [ფოტო/ვიდეო]

20.10.2020 ისრაელის ელჩმა ახალციხის უძველესი სინაგოგა მოინახულა

20.10.2020 ახალციხის მუნიციპალიტეტი ღია მმართველობის გლობალურ პარტნიორობას შეუერთდა ®

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

ნიკო კეცხოველის პრემიის მოსაპოვებლად, სამცხე–ჯავახეთიდან ფინალურ ტურში, ორი სკოლა გადავიდა
სამცხე–ჯავახეთის სკოლები ნიკო კეცხოველის პრემიის მოსაპოვებლად იბრძვიან
ნიკო კეცხოველის პრემიის მოსაპოვებლად სამცხე–ჯავახეთიდან 10 სკოლა იბრძვის
ვინ გაიმარჯვა ნიკო კეცხოველის სახელობის სასკოლო კონკურსში
ნიკო კეცხოველის კონკურსის ფინალურ ტურში ადიგენის ორი სკოლა გადავიდა
ბენარის სკოლის ეზოში მოსწავლეები სკვერს აკეთებენ
თაობა მაXიმუმი: გარემოს დამცველი მოსწავლეები ლელოვნის სკოლიდან[Video]