FM97.5 / LIVE

ახალქალაქში სისხლის დიალიზი არ კეთდება

მთავარი 18.02.2013
თირკმლის უკმარისობით დაავადებულ ადამიანებს სისხლის დიალიზი მუდმივად სჭირდებათ, თუმცა, იძულებულნი არიან სხვა ქალაქებში იარონ და გაცილებით მეტი ხარჯი გასწიონ, რადგან ახალქალაქის საავადმყოფოში დიალიზის აპარატურა ჯერჯერობით არ არის.

ახალქალაქში სისხლის დიალიზი არ კეთდება
ახალქალაქში ცნობილია შემთხვევა, როცა ადამიანი გაემგზავრა ბელგიაში, რადგან თირკმლის პრობლემები ქონდა და მუდმივი დიალიზი სჭირდებოდა. ახალქალაქში ასევე გავრცელებულია „ერევნული“ დაავადება, რომელიც თირკმლის უკმარისობის მსგავსია. ცნობილია „ერევნული“ დაავადებისგან გამოწვეული ლეტალური შედეგებიც.

სისხლის დიალიზი კეთდება „სისხლის თირკმელსგარე გაწმენდისთვის თირკმლის მწვავე ან ქრონიკული უკმარისობის დროს. ჰემოდიალიზის დროს მიმდინარეობს ორგანიზმიდან ნივთიერებათა ცვლის ტოქსიკური პროდუქტების გამოდევნა, წყლისა და ელექტროლიტების ბალანსის დარღვევის ნორმალიზება“ (ვიკიპედია).

ბოლო ხანებში საკმაოდ ხშირად შეხვდებით ადამიანებს, რომლებსაც დიალიზი მუდმივად სჭირდებათ. თირკმელი არის ორგანო, რომლის ფუნქციაც სისხლის ფილტრაციაა. დიალიზის პროცედურა კი თირკმლის მოვალეობას ითავსებს. სისხლი დიალიზატორში პლასტმასის სპეციალური მილით შედის, იწმინდება და უკან ესხმება პაციენტს.

ჰემოდიალიზის პროცედურა, როგორც წესი, კვირაში ერთხელ არის საჭირო. ყოველი პროცედურა 2.5 საათიდან 4.5 საათამდე გრძელდება.
ახალქალაქის მცხოვრები აბრამიანი დიალიზის გასაკეთებლად ყოველ კვირას სომხეთში, გიუმრიში მიდის. სიცოცხლის გასახანგრძლივებლად იგი იძულებულია იმგზავროს, სხვა ქვეყანაში ან სხვა ქალაქში წავიდეს.

ახალქალაქის საავადმყოფოში დიალიზის აპარატის შეძენის იმედი აქვთ. საკითხი ერთი თვის განმავლობაში გაირკვევა.

„ასეთი აპარატები მხოლოდ დიდი ქალაქების საავადმყოფოებში აქვთ. მაგრამ საბედნიეროდ, ჩვენ ამ საკითხით დაინტერესებულნი ვართ. არიან სპონსორები, რომლებსაც ჩვენთვის დიალიზის აპარატურის შეძენა უნდათ. სამი წლის წინ მოვილაპარაკეთ, აპარატურა ერევანში ჩაიტანეს. მაგრამ მას რემონტი სჭირდებოდა. როგორც გვითხრეს, აპარატურა მუშაობდა, მაგრამ ასე არ აღმოჩნდა. ჩამოტანაზე უარი ვთქვი, რადგან ეს საკმაოდ მსხვილ თანხასთან იყო დაკავშირებული. მოლაპარაკებები კვლავ განვაახლეთ. როდესაც აპარატურას მოგვაწვდიან, ეს არ იქნება რთული პროცედურა, ერთ-ერთ ექიმს გადავამზადებთ და შემდეგ დიალიზსაც გავაკეთებთ“, - ამბობს ახალქალაქის რაიონული საავადმყოფოს დირექტორი ალექსანდრე თოროიანი.

მართალია, არ არსებობს კონკრეტული მონაცემები, მაგრამ ადამიანების რიცხვი, ვისაც დიალიზი ჭირდება, საკმაოდ დიდია.

„დიალიზი საკმაოდ ბევრს სჭირდება, მაგრამ მათ იციან, რომ დიალიზის აპარატი არ გვაქვს, ამიტომ არ მოგვმართავენ. 2–3 ადამიანი თავად გადავამისამართე ბორჯომში. არც აქ არის აპარატი და არც ახალციხეში. ბორჯომში არის სპონსორი, რომელსაც ავადმყოფების დახმარება შეუძლია. ეს აპარატურა საკმაოდ ძვირადღირებულია და მომსახურებაც ძვირი ჯდება. ერთი ავადმყოფისთვის ის დიდ ხარჯს მოითხოვს“, – ამბობს ალექსანდრე თოროიანი.

ავადმყოფებისთვის დიალიზის გაკეთება ძვირი ჯდება, თუმცა, ახალქალაქის რაიონული საავადმყოფოს დირექტორის თქმით, ადგილზე მკურნალობა გაცილებით იაფი იქნება.

„იაფი დაუჯდებათ, რადგან გზისა და საცხოვრებლის ხარჯის გაწევა არ მოუწევთ. ადამიანებს, ვისაც 3–4 ხარისხის თირკმლის უკმარისობა აქვს ან თირკმლის გადანერგვას ელოდებიან, მაგრამ დონორი ჯერჯერობით არ არის, დიალიზი მუდმივად სჭირდებათ. ამიტომაც ისინი თბილისში, ბორჯომში ან სულაც ერევანში მიდიან, სახლს ქირაობენ. ეს კი დიდ ხარჯებთან არის დაკავშირებული“, – ამბობს რაიონული საავადმყოფოს დირექტორი.

ახალქალაქის რაიონული საავადმყოფოს დირექტორის თქმით, საავადმყოფოში ბევრი აპარატურის ნაკლებობას განიცდიან, თუმცა, ელოდებიან რემონტს, რომელიც დაახლოებით ამ წლის ოქტომბერში დასრულდება. შემდეგ კი კომპანია, რომელმაც საავადმყოფო შეიძინა და რემონტიც დაგეგმა, სამკურნალო დაწესებულების ტექნიკურ აღჭურვასაც უზრუნველყოფს.

[ქრისტინა მარაბიანი, ახალქალაქი]


30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.06.2020 ნიკოლ ფაშინიანს კორონავირუსი აქვს

01.06.2020 პირველი ივნისიდან ყველა სახის სავაჭრო ობიექტი გაიხსნა

01.06.2020 წაღვერში მილიონ ლარად რეაბილიტირებულ კულტურის სახლში წყალი ჩავიდა

31.05.2020 ‘ყოველი მეოთხე ადამიანი გვეღუპება თამბაქოს მოხმარებით, აქედან 300 ბავშვია’ - სტურუა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ახალციხის რეფერალურ ჰოსპიტალში თირკმელზე უფასოდ გამოგიკვლევენ [R]
ახალქალაქის საავადმყოფოს რეანომობილი აჩუქეს
ახალქალაქში ინფექციური განყოფილება არ აქვთ
მფლობელი ახალქალაქის საავადმყოფოსაც შეეცვალა

ახალქალაქში ვენერიულ დაავადებათა დისპანსერი დაიხურა
კუთვნილი, მაგრამ მიუწვდომელი პენსია