შემცირებული სუბსიდია და გათავისუფლებული თანამშრომლები

მთავარისიახლე, ეკონომიკა 10.01.2017
2017 წლის 1 იანვრიდან, ააიპ ‘ახალციხის ტბის’ სუბსიდია, წინა წელთან შედარებით, 24 000 ლარით შემცირდა და შვიდი თანამშრომელი გათავისუფლდა;

შემცირებული სუბსიდია და გათავისუფლებული თანამშრომლები

„ახალციხის ტბზე“ თანამშრომელთა რაოდენობის, 19–დან 12–მდე შემცირების გადაწყვეტილება, ახალციხის მერიამ მიიღო.

„შეიძლება ითქვას, იქ ცოტა მოჭარბებულია ზოგიერთი საშტატო ერთეული. 12–ზე იმიტომ დავიყვანეთ, რომ მათ შენობა კი არა, ოთახიც არ გააჩნიათ, სადაც 19 ადამიანი დაჯდება. საშტატო ერთეულების შემცირებით იქნებ რამდენიმე ოთახი ავუშენოთ“, – ამბობს ახალციხის მერი ვლადიმერ ზედგინიძე.

მერიის გადაწყვეტილება იყო ააიპ ‘ახალციხის ტბის’, ისევე როგორც სხვა ააიპ–ების სუბსიდიის შემცირება – წელს ტბა 110 400 ლარს მიიღებს, რაც გასულ, 2016 წელთან შედარებით, 24.000 ლარით ნაკლებია.

„ახალციხის ტბის“ ადმინისტრაციაში ფიქრობენ, რომ ტბაზე საქმეს 12 თანამშრომელიც ეყოფა, თანხაც საკმარისია იმისთვის, რომ მათი ხელფასები გასცეს და პარალელურად, ტბაზე ინფრასტრუქტურა მოეწყოს.

„წყლის ველოსიპედების ყიდვას ვგეგმავთ, ასევე, უნდა დავამატოთ ნავები“, – ამბობს „ახალციხის ტბის“ ხელმძღვანელი გაგა ღავთაძე.

მისივე თქმით, იმისათვის, რომ ააიპ–ს საკუთარი შემოსავლები ჰქონდეს, ტბაზე თევზაობა ფასიანი გახდება. ხელოვნურ ტბაში გასულ წელს ორი სახეობის 50 000 ცალი ლიფსიტა გაუშვეს: სარიკისებრი კობრი და კობრი: „დღის განმავლობაში, მსურველი 5 ლარს გადაიხდის თუ თევზს ტბაში, უკან ჩააბრუნებს, წინააღმდეგ შემთხვევაში თევზი აიწონება და შესაბამისად თანხაც დაემატება. წელს კიდევ ვგეგმავთ იგივე სახეობის თევზის ჩაშვებას ტბაში“.

გარდა აღნიშნულისა „ახალციხის ტბას“ თანხა სამეურნეო ხარჯებისთვისაც აქვს გაწერილი. გაგა ღავთაძის განმარტებით, მოსაწესრიგებელია გარე განათება, სარბენ ბილიკზე ქვაფენილი, ძლიერმა ყინვებმა დააზიანა სცენა და შადრევანიც: „გაყინულია მთელი ტბა, ზემოდან ყინული აწევს, ვიდრე არ გალღვება, ვერ გავიგებთ რა დაზიანდა“.

ერთი კვირაა ძლიერი ყინვების გამო „ახალციხის ტბის“ ზედაპირი მთლიანად გაყინულია. გაიყინა ის მილი, საიდანაც ტბაში წყალი შედის.
„რამდენიმე ადგილზე ამოვჭერით ყინული, რომ თევზი არ დაიხოცოს. წყალს კი მდინარიდან „საქაჩით“ ვიღებთ. თანმაშრომლები ყოველდღიურად მუშაობენ. ძლიერი ყინვების გამო არ მუშაობს საპირფარეშოც“, – ამბობს გაგა ღავთაძე.

შეგახსენებთ, რომ ახალციხე-ახალქალაქის გზატკეცილზე მდებარე ხელოვნური ტბა განახლებული სახით 2012 წლის 30 ივნისს, ახალციხელობის დღესასწაულზე გაიხსნა. კომპლექსში რომლის მოწყობაც დაახლოებით 2,5 მილიონი ლარი დაჯდა, ორი წლის შემდეგ ინფრასტრუქტურა მოიშალა, ტბა დაშრა და დაზიანდა მოცეკვავე ფანტანები.

ახალციხის ყოფილი მერი გიორგი კოპაძე იმისათვის რომ „ახალციხის ტბა“ ახალგაზრდებისთვის მიმზდველი და გასართობი ადგილი გამხადრიყო არაერთ სიახლის გემავდა, თუმცა ისე დატოვა მერის პოსტი, რომ დამშრალ ტბაში მხოლოდ წყალი შეუშვეს, შადრევნები ნაწილობრივ აამუშავეს და რამდენიმე ნავი დაამატეს.

კოპაძის მსგავსად, ტბასთან დაკავშირებით დიდი გეგმები აქვს ახალციხის ახალ მერს ვლადიმერ ზედგინიძესაც, თუმცა წინასწარ საუბარი არ სურს.

შემცირებული სუბსიდია და გათავისუფლებული თანამშრომლები

შემცირებული სუბსიდია და გათავისუფლებული თანამშრომლები

[თინათინ ზაზაძე, ახალციხე]


23.02.2017 ერთიანი ეროვნული გამოცდებისთვის რეგისტრაცია დღეიდან დაიწყო

21.02.2017 აბიტურიენტთა ცნობარის ბეჭდური ვერსია გამოიცა

21.02.2017 ეროვნულ გამოცდებზე რეგისტრაცია 23 თებერვლიდან დაიწყება

18.02.2017 სტუდენტების ნამუშევრების გამოფენა სამცხე–ჯავახეთის უნივერსიტეტში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.02.2017 "აუტიზმი და საზოგადოება" – დისკუსია ახალციხეში

23.02.2017 NASA-ს ასტრონომებმა 7 ახალი პლანეტა აღმოაჩინეს

23.02.2017 ნიკოლოზ ანთიძე: 'ვარძიაში სარესტავრაციო სამუშაოები მარტიდან განახლდება'

23.02.2017 ერთიანი ეროვნული გამოცდებისთვის რეგისტრაცია დღეიდან დაიწყო

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

03.02.2017 ადიგენის სოფლებში უამინდობის გამო გზა ჩაიკეტა [video]

28.01.2017 ახალციხის სოფლების მოსახლეობა დასუფთავების გადასახადს გადაიხდის [Video]

06.01.2017 სომეხთა სამოციქულო ეკლესიამ ქრისტეშობა იზეიმა [Video]

28.12.2016 გზა მცირე მეწარმეობიდან ევროპული ბაზრისაკენ [Video]

მსგავს თემაზე

ახალციხის ტბა  სეზონის ბოლოს – დაპირებები და შედეგი
ზაფხულის ბოლოს, ახალციხის დამშრალ ტბაში წყალი შეუშვეს
ქვეწარმავლები ‘ახალციხის ტბაზე’ – რას აპირებს ტბის ადმინისტრაცია [Video]
ახალციხის ხელოვნურ ტბაზე შადრევნები აღარ მუშაობს
მერია ახალციხის ტბის რეაბილიტაციას იწყებს
მერიამ ‘ახალციხის ტბა’ გაგა ღავთაძეს ჩააბარა
ახალციხის ტბა სეზონს ჩაბნელებული შეხვდა