ვეტერანების საქმეზე ახალციხის მერია სასამართლოში საჩივარს შეიტანს

მთავარისიახლე, პოლიტიკა, სამართალი 07.01.2017
ახალციხის მერია ყოფილი სკოლის შენობაში შესახლებულების საქმეზე სასამართლოში შესატანად საჩივარს ამზადებს;

ვეტერანების საქმეზე  ახალციხის მერია სასამართლოში საჩივარს შეიტანს
პეტრე იბერის ქუჩაზე N17-ში მდებარე ყოფილი სკოლის შენობა, რომელიც ვეტერანებმა და მათი ოჯახის წევრებმა თვითნებურად დაიკავეს, ახალციხის მერიის ბალანსზეა რიცხული. ამიტომ მერია სასამართლოში მათ გამოსახლებას მოითხოვს.

აღნიშნული შენობა ქალაქის თვითმმართველობას ეკონომიკის სამინისტრომ მიზნობრივად გადასცა (ბრძანება N1/1-565). აქ საჯარო მოხელეთა გადამზადების ცენტრი უნდა გაიხსნას. ცენტრის გასახსნელად კი მერიამ ეს შენობა ააიპ „სამცხე–ჯავახეთის რეგიონული განვითარების სააგენტოსგან“ უზურფრუქტის წესით გადასცა.

მერიაში გადაწყვეტილება იმის შესახებ, რომ ვეტერანების გამოსახლება სასამართლოს გზით ითხოვენ მას შემდეგ მიიღეს, რაც თვითმმართველობას წერილობით „სამცხე–ჯავახეთის რეგიონული განვითარების სააგენტომ“ მიმართა.

„სააგენტოს სასამართლომ საქმის განხილვაზე უარი უთხრა. ამიტომ მოგვმართეს ჩვენ. სარჩელის მოსამზადებლად სააგენტოდან მასალები უკვე გამოვითხოვე. სარჩელს ვამზადებთ და ვეტერანების გამოსახლებას მოვითხოვთ“, – ამბობს ახალციხის მერიის იურისტი მერი გოგოლაური.

ახალციხის რაიონულ სასამართლოს იგივე მოთხოვნით „სამცხე–ჯავახეთის რეგიონული განვითარების სააგენტომ“ 2016 წლის 25 ნომებერს მიმართა. თუმცა, მოსამართლის განჩინების მიხედვით სააგენტოს საჩივრის განხილვაზე უარი ეთქვა.

„მიზეზი იყო ის, რომ ამ საჩივარში არ ჩანდა მესაკუთრის, ანუ მერიის პოზიცია. ამის მერე ეს დოკუმენტები ჩვენი თანდართული წერილით მერიაში წარვადგინეთ“, – ამბობს „სამცხე–ჯავახეთის რეგიონული განვითარების სააგენტოს“ ადვოკატი ეკა აბაშიძე.

მისი თქმით, მას შემდეგ რაც სასამართლო მერიის მიერ წარდგენილ საჩივრის განხილვას დაიწყებს, სააგენტო აქ ჩართული მესამე პირად იქნება.

შეგახსენებთ, რომ ახალციხეში, პეტრე იბერის ქუჩაზე N17-ში მდებარე შენობა, სადაც წლების წინ სკოლა – ინტერნატი იყო განთავსებული, 24 სექტემბერს 9 ოჯახმა უნებართვოდ დაიკავა. აღნიშნული შენობა ახალციხის მერიის ბალანსზეა, თუმცა ის თვითმმართველობამ 2014 წლის 4 ივნისს უზურფრუქტის წესით (ხელშეკრულება N36) სააგენტოს გადასცა. საკრებულოსა და სააგენტოს შორის გაფორმებული ხელშეკრულების თანახმად, 4 089 კვადრატულ მეტრ მიწაზე განლაგებულ ორ ობიექტში სწავლებისა და გადამზადების ცენტრი უნდა გაიხსნას.

[თამუნა უჩიძე, ახალციხე]


17.01.2017 მოხის სკოლის საქმეს განათლების სამინისტროს აუდიტი სწავლობს

16.01.2017 რამდენით და რომელ პედაგოგებს ემატებათ ხელფასი იანვრიდან

16.01.2017 საჯარო სკოლებში სწავლა განახლდა

14.01.2017 შემცირებული თანამშრომლები და ხელფასები მესხეთის თეატრში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.01.2017 'ორბელიანი–საქართველომ' იდეების კონკურსის მესამე ეტაპი დაიწყო

17.01.2017 2016 წელს, სიმთვრალის გამო, მართვის მოწმობა 30 174 მძღოლს ჩამოერთვა

17.01.2017 დღეს საქართველოში ბავშვთა პირველი ჰოსპისი გაიხსნება

16.01.2017 მთის ამბები: აკაკი ბერიძის ვიდეობლოგი ჯავახეთიდან [Video]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.01.2017 სომეხთა სამოციქულო ეკლესიამ ქრისტეშობა იზეიმა [Video]

28.12.2016 გზა მცირე მეწარმეობიდან ევროპული ბაზრისაკენ [Video]

29.11.2016 ხელოვნება ხის ფესვებით [Video]

29.11.2016 რა ღონისძიებები ტარდება ჯანსაღი პროდუქტის მისაღებად ფერმაში [Video]

მსგავს თემაზე

ვეტერანების სამმართველოს უფროსს რეგიონული განვითარების სააგენტოს თავმჯდომარემ სასამართლოში უჩივლა
ვეტერანების სამცხე–ჯავახეთის სამმართველოს სასამართლოში უჩივიან
ახალციხის მერი ვეტერანების მიერ  თვითნებურად  შენობის დაკავებას უკანონოდ აფასებს
ვეტერანების სამმართველოს უფროსი  რეგიონული განვითარების სააგენტოს თავმჯდომარეს უპირისპირდება
ახალციხეში მოხელეთა გადამზადების ცენტრი გაიხსნება
თვითნებურად დაკავებული შენობა და ხელისუფლების დუმილი – ვეტერანები სკოლის ყოფილ შენობაში შესახლდნენ
კვირის აქცენტი: ვეტერანების საქმე, რომელიც სასამართლომდე მივიდა [Video]