FM97.5 / LIVE

საახალწლო ღამის ფასი ახალციხის ბარ–რესტორნებში

მთავარისაზოგადოება 30.12.2016
ახალი წლის ღამეს ახალციხეში რამდენიმე ბარ–რესტორანი იმუშავებს. მათთვის, ვისაც სურს ახალ წელს განსხვავებულ გარემოში შეხვდეს, არჩევანი არც თუ ისე დიდია.’სამხრეთის კარიბჭემ’ ქალაქში არსებული ობიექტების საახალწლო პროგრამა და პირობები მოიძია.

საახალწლო ღამის ფასი ახალციხის ბარ–რესტორნებში

რესტორანი „ლომსია“

საახალწლო ღამის ფასი ახალციხის ბარ–რესტორნებში ახალი წლის ღამეს, „ლომსიაში“ერთი პერსონა 70 ლარი ღირს. რესტორანს სპეციალური პროგრამა აქვს მომზადებული. საღამოს მუსიკალურად გააფორმებს Dj $anNy, ხოლო პროგრამას წაუძღვება Sali. საახალწლო პროგრამაშია: პრიზების გათამაშება, ჰოროსკოპები, კარაოკე, სინქრონული ცეკვები და თამაშები ექსპრომტად. 40%–იანი ფასდაკლება სასმელებზე, ხოლო 25%-იან ფასდაკლება იქნება სასტუმროს ოთახებზე. ადგილი წინასწარ უნდა დაიჯავშნოს.

რესტორანი „ალავერდი“

საახალწლო ღამის ფასი ახალციხის ბარ–რესტორნებში "ალავერდში“ ერთი ადამიანისათვის ღირებულება 55 ლარით განისაზღვრება. საღამო 23:00 საათზე დაიწყება. რესტორანში მომზადებულია გასართობი შოუ–პროგრამა და სიურპრიზები. იქნება ცოცხალი მუსიკა საქსაფონის, ვიოლინოსა და ტამტამების ფონზე. იმღერებს ადგილობრივი სიმღერის ანსამბლი, შესრულდება ქართული ხალხური სიმღერებიც. საღამოსთვის მოწვეულია წამყვანი.

რესტორანი „ჯინო ველნეს რაბათი“

საახალწლო ღამის ფასი ახალციხის ბარ–რესტორნებში რაბათის ისტორიულ კომპლექსში არსებულ რესტორანში ახალი წლის ღამის გატარება ერთი პერსონისათვის 50 ლარია. გასართობი საღამო 23:00 საათზე დაიწყება. ადგილების დაჯავშნა წინასწარ არის შესაძლებელი. გასართობი პროგრამის პარალელურად იქნება ცოცხალი მუსიკა, სიმღერებს თბილისიდან მოწვეული ორი მომღერალი შეასრულებს.

რესტორანი „რაბათი“

საახალწლო ღამის ფასი ახალციხის ბარ–რესტორნებში ახალი წლის ღამეს გასართობ პროგრამას სთავაზობს მსურველებს „რაბათი“. ერთი ადამიანისათვის ღირებულება აქ 45 ლარია. რესტორანში საღამო 23:00 საათიდან დაიწყება. ადგილი წინასწარ უნდა დაიჯავშნოს. პროგრამაში შედის ცოცხალი მუსიკა თბილისიდან მოწვეულ წამყვანებთან და მომღერლებთან ერთად. რესტორნის საახალწლო მენიუში სამარხვო საჭმელებიც შედის.

ბარ–რესტორანი „Golden Time”

საახალწლო ღამის ფასი ახალციხის ბარ–რესტორნებში ახალციხის ციხის ტერიტორიაზე არსებულ კიდევ ერთ ბარ–რესტორანში საახალწლო პროგრამა 23:00 საათზე დაიწყება. „Golden Time”–ში საღამო ცოცხალი მუსიკის თანხლებით დაიგეგმა. კომპოზიციებს ადგილობრივები შემსრულებლები იმღერებენ. რაც შეეხება თანხას, კონკრეტული ღირებულება ერთი პერსონისათვის ადმინისტრაციას განსაზღვრული არ აქვს. თანხის დაანგარიშება შეკვეთის შესაბამისად მოხდება. ადგილების დაჯავშნა წინასწარ არის შესაძლებელი.

რესტორანი „ტყუპები“

საახალწლო ღამის ფასი ახალციხის ბარ–რესტორნებში რესტორან "ტყუპებში“ საახალწლო პროგრამა 23:00 საათზე დაიწყება და გამთენიას, 05:00 საათზე დასრულდება. აქ ერთი პერსონისათვის ღირებულება 30 და 40–ლარიანი პაკეტებით განისაზღვრა. ფასი მენიუს შესაბამისად დადგინდება. გასართობ პროგრამაში სიურპრიზები და საჩუქრები შედის. საღამოს მესხეთის თეატრის მსახიობი მანანა ბერიძე წაიყვანს. იქნება ცოცხალი მუსიკა ვიოლინოს თანხლებით. მაგიდები წინასწარ უნდა დაიჯავშნოს.

რესტორანი „ხარება“

საახალწლო ღამის ფასი ახალციხის ბარ–რესტორნებში "ხარებაში“ საახალწლო საღამო 21:00 საათიდან დაიწყება. ერთი პერსონისათვის მომსახურება 20–დან 25 ლარამდე ღირს. ადმინისტრაციას სპეციალური პროგრამა მომზადებული არ აქვს, თუმცა რესტორანში ცოცხალი მუსიკა ვიოლინოს თანხლებით იქნება. მაგიდების დაჯავშნა უკვე დაწყებულია.

ახალციხის ბარ–რესტორნებში ახალი წლის დადგომას ფეიერვერკებით შეხვდებიან. გოლდენ თაიმის გარდა, ყველა რესტორანში, ჩამოთვლილ ფასებში, სუფრაც შედის.

[თაკო ფეიქრიშვილი, ახალციხე]


15.10.2020 უნივერსიტეტებს შეუძლიათ ლექციები 19 ოქტომბრიდანაც დისტანიურად ჩაატარონ – გახარია

13.10.2020 საფეხური: მესხეთის თეატრი – პანდემიისგან შექმნილი პრობლემები და სამომავლო გეგმები [აუდიო]

12.10.2020 ჭეჭლასა და დიდ ზანავში სწავლა საკლასო ოთახებში განახლდა

12.10.2020 ახალციხის ბაღებში სწავლა განახლდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2020 ‘ხშირად ჰგონიათ რომ შეღებილია’ – ვალელი ფერმერის იასამნისფერი კომბოსტო [ფოტო/ვიდეო]

20.10.2020 ისრაელის ელჩმა ახალციხის უძველესი სინაგოგა მოინახულა

20.10.2020 ახალციხის მუნიციპალიტეტი ღია მმართველობის გლობალურ პარტნიორობას შეუერთდა ®

20.10.2020 ისრაელის ელჩი სამცხე-ჯავახეთის ტურისტულ ადგილებს მოინახულებს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

რა ღირს ახალი წლის ღამე ახალციხის ბარ–რესტორნებში
რა ღირს ახალი წლის ღამე ახალციხის ბარ–რესტორნებში

ახალი წლის ღამის ფასი ახალციხის ბარ–რესტორნებში
საახალწლო ღამის ფასები ახალციხის რესტორნებში
როგორ შეხვდებიან ახალ წელს ახალციხის რესტორნებში?
განახლებული რესტორანი 'ბონა დეა' სტუმრებს ელის [R]
რა იგეგმება 31 დეკემბერს ახალციხეში