FM97.5 / LIVE

საკრებულომ ახალციხის ბიუჯეტი დაამტკიცა

მთავარისიახლე, ეკონომიკა 22.12.2016
8 ხმით, 4–ის წინააღმდეგ, ქალაქ ახალციხის საკრებულომ, 2017 წლის ბიუჯეტი დაამტკიცა. მომავალი წლის მთავარ ფინანსურ დოკუმენტს უმცირესობამ მხარი არ დაუჭირა.

საკრებულომ ახალციხის ბიუჯეტი დაამტკიცა

საკრებულოს სხდომას, რომელზეც ბიუჯეტის დამტკიცების საკითხი განიხილებოდა, 15 დეპუტატიდან 3 არ დაესწრო, 12–დან 4–მა კი დოკუმენტი იმ მოტივით დაიწუნა, რომ ხალხზე ორიენტირებული არაა.

„ეს არის ნაჩქრევად მიღებული ბიუჯეტი და არ არის ახალციხისთვის სასიკეთო. ორი წელია ვამბობთ, აუცილებელია ააიპ–ების ოპტიმიზაცია, არ არის ამდენი ააიპ–ი საჭირო“, – ამბობს „ერთიანი ნაციონალური მოძრაობის“ დეპუტატი მალხაზ გიქოშვილი.

მისივე თქმით, არასაკმარისი თანხაა გაწერილი სოციალურ პაკეტში: „ოპერაციებთან დაკავშირებით თანხა მცირეა. უნდა გაეთვალისწინებინათ წლევანდელი ხარჯვა და თანხა ისე გაეწერათ მომავალი წლის ბიუჯეტში“.

ადგილობრივ თვითმმართველობაში აცხადებენ, რომ ბიუჯეტის საჯარო განხილვის დროს მოსახლეობის მოთხოვნების ნაწილი გაითვალიწინეს, რადგან ყველაფერის ბიუჯეტში ასახვას ვერ შეძლებდნენ.

მაგალითად, ახალციხის ციხის დირექციის თხოვნა, – ამფითიატრისთვის მოძრავი სცენის შეძენა, ადგილობრივმა თვითმმართველობამ ვერ დააკმაყოფილა.

„ჯერ–ჯერობით თავს ვიკავებთ, ამის სახსრები არ გაგვაჩნია. ეს სცენა ჯდება 60–დან 90–ათას დოლარამდე. დღეისათვის ეს ფუფუნება არ გვაქვს, თუ ასე მიზნობრივად წარვმართავთ მუშაობას, ერთი კი არა, შეიძლება ორიც ვიყიდოთ“, – ამბობს ახალციხის მერი ვლადიმერ ზედგინიძე.

მწირი ბიუჯეტი დასახელდა ადგილობრივი თვითმმართველობის მხრიდან რვასართულიან კორპუსში ლიფტების ვერ დამონტაჟებასთან დაკავშირებითაც. ადგილობრივები პრობლემის მოგვარებას რამდენიმე წელია ითხოვენ.

„არის ბევრი უფრო პრობლემატური საკითხი, რომლებიც პირველ რიგში უნდა გადავწყვიტოთ. არ ვამბობ რომ ეს პრობლემა არ არის, ერთადერთი მაღლივი შენობაა, რომელიც ახალციხეს გააჩნია და იქ იყო ლიფტები დამონტაჟებული, დღეს კი აღარაფერია. თუმცა, ამ ბიუჯეტში ვერ მოვახდინეთ თანხის აკუმულირება“, – ამბობს ვლადიმერ ზედგინიძე და იმედოვნებს, რომ მომავალ წელს თვითმმართველობის აქტიური მუშაობით აღნიშნულ თანხას გამოძებიან, – „2017 წელს ჩვენ ბევრი შანსი გვაქვს. გარკვეული ცვლილებები შევა ბიუჯეტში, იმ საშუალებებით, რომელსაც ჩვენ მოვიპოვებთ“.

[თინათინ ზაზაძე, ახალციხე]


30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.06.2020 ნიკოლ ფაშინიანს კორონავირუსი აქვს

01.06.2020 პირველი ივნისიდან ყველა სახის სავაჭრო ობიექტი გაიხსნა

01.06.2020 წაღვერში მილიონ ლარად რეაბილიტირებულ კულტურის სახლში წყალი ჩავიდა

31.05.2020 ‘ყოველი მეოთხე ადამიანი გვეღუპება თამბაქოს მოხმარებით, აქედან 300 ბავშვია’ - სტურუა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ლიფტები, რომელიც მერიის ბიუჯეტში ჯერ  ვერ მოხვდა
ადიგენის ბიუჯეტი ტრანსფერზეა დამოკიდებული
ბორჯომის საკრებულომ ‘საგანგებო ბიუჯეტი’ დაამტკიცა
ახალციხის საკრებულომ 25 000 ლარით 'საგანგებო ბიუჯეტი' დაამტკიცა
ახალციხემ 2018 წლის ბიუჯეტი დაამტკიცა
ასპინძის საკრებულომ 2019 წლის ბიუჯეტი დაამტკიცა
120.000 ტბას და 200.000 ‘ახალციხის ციხეს’ –  ქალაქის ბიუჯეტი დამტკიცდა