FM97.5 / LIVE

რიტუალების სახლს სასმელი წყალი ცვლის

მთავარიეკონომიკა 16.04.2012
“სოფლის მხარდაჭერის პროგრამის” ფარგლებში ადიგენის მუნიციპალიტეტს 537 ათასი ლარი ერგო. რა არის მოსახლეობისთვის მთავარი პრიორიტეტი და რაში დახარჯავენ აღნიშნულ თანხას

რიტუალების სახლს სასმელი წყალი ცვლის

“სოფლის მხარდაჭერის პროგრამის” ფარგლებში ადიგენის მუნიციპალიტეტის 54 სოფელში გასულ წელს 462 000 ლარი დაიხარჯა. 2012 წელს კი თანხამ 537 000 ლარამდე მოიმატა.

ადიგენის მუნიციპალიტეტის გამგეობის საფინანსო საბიუჯეტო სამსახურის უფროსის ჯემალ იაკობაძის განმარტებით, მიმდინარე წელს “სოფლის მხარდაჭერის პროგრამისთვის” პრიორიტეტები შეცვლილია: “წინა წლებში სოფლის მოსახლეობისთვის მთავარი რიტუალების სახლების მოწყობა და ინვენტარით აღჭურვა იყო, წელს კი რიგით პირველი პრიორიტეტი შიდა გზებისა და სასმელი წყლის რეაბილიტაციაა”.

ადიგენის მუნიციპალიტეტის გამგებელი სიმონ პარუნაშვილი განმარტავს, რომ “სოფლის მხარდაჭერის პროგრამის” ფარგლებში სასმელი წყლის პრობლემა მუნიციპალიტეტის რვა სოფელში მოგვარდება: “მიმდინარე წელს სასმელი წყალი ვარხანში, სოფელ ადიგენში, არალში, ჭეჭლაში, წახანში, ხევაშენში, ღორთუბანსა და ზედაუბანში გაკეთდება”.

მოსახლეობის თქმით, იმის გამო, რომ თითო სოფლისთვის გამოყოფილი თანხა ბევრს ვერაფერს გაწვდება, პრიორიტეტად ისეთ პრობლემას ასახელებენ, რასაც აღნიშნული თანხა ეყოფა. სასმელი წყლის პრობლემა ადიგენის მუნიციპალიტეტის ბევრ სოფელში აწუხებთ, მაგრამ პრიორიტეტად მაინც რიტუალების სახლს ასახელებენ.

- “შარშან რიტუალების სახლი გაკეთდა. სახურავი გაფუჭებული იყო და წყალი ჩამოდიოდა. შიგნიდან გაილესა და გადაიხურა, მაგრამ ბოლომდე არ არის დამთავრებული. ის თანხა სასმელ წყალს მაინც არ ეყოფოდა”, - ამბობს ადიგენის მუნიციპალიტეტის სოფელ ბოლაჯურში მცხოვრები კახაბერ მაისურაძე.

მიმდინარე წელს ბოლაჯურის მოსახლეობა სოფლისთვის რიგით პირველ პრიორიტეტად სასმელი წყლის პრობლემის მოგვარებას ასახელებს. აქაურები ამბობენ, რომ სასმელი წყლის გაკეთება სახელმწიფომ წლების წინ სცადა, თანხა დაიხარჯა, მაგრამ მოსახლეობას სასმელი წყალი მაინც არ მიეწოდება.

- “1987-1988 წლებში დაიწყო სასმელი წყლის გამოყვანა, მაგრამ საქმე ბოლომდე ვერ მიიყვანეს. მერე, 2004 წელს სასმელი წყლისთვის 50 ათასი ლარი გამოიყო, ორი ავზი გააკეთეს, ფილტრაციისთვის შენობა დადგეს და ეს ფული ამაში დახარჯეს. ზემოდან თუ წყალი არ წამოვიდა, ეგ ფილტრი რად გვინდა?!” - უკვირს ბოლაჯურელ ლეონ სარიშვილს.

სასმელი წყლის პრობლემის მოგვარემას ბენარის მოსახლეობა უკვე მეორე წელია ცდილობას. სოფელში ამბობენ, რომ გარდა “სოფლის მხარდაჭერის პროგრამით” გადმორიცხული თანხისა, აღნიშნული პრობლემისთვის სახელმწიფოსგან დამატებით 75 ათასი ლარი მიიღეს. თანხა კი მას შემდეგ გადმოირიცხა, რაც ადგილობრივებმა სოფლის პრობლემა საქართველოს პრეზიდენტს გააგებინეს.

- “ლაივი პრეზიდენტთან რომ იყო, სოფლიდან ერთ-ერთმა მოსახლემ დარეკა და ბენარაში სასმელი წყლის პრობლემის მოგვარება სთხოვა. მთავრობამ 75 ათასი გადმორიცხა. გარდა ამისა, “სოფლის მხარდაჭერის პროგრამით” შარშან 6 900 გამოიყო, წელს 9 000 და ორივე წელს ამ პრობლემის მოგვარებაში ჩაიდო. 10 კილომეტრია იქიდან, საიდანაც სასმელი წყალი ჩვენ სოფლამდე უნდა მოვიდეს”, - ამბობს სოფელ ბენარაში მცხოვრები გაგა ცარუკიანი.

ბენარის მოსახლეობას სასმელი წყლის პრობლემა წლებია აწუხებს. იმის გამო, რომ სოფელს წყალი არ მიეწოდება, მოსახლეობა მდინარიდან 20 მეტრის მოშორებით მდებარე ჭიდან ეზიდება. თუმცა, აქაურები ამბობენ, რომ სასმელად არც ეს წყალი ვარგა.

- “ძალიან ბინძური წყალია დიდები კი ვსვამთ, მაგრამ ვისაც ოჯახში პატარა ბავშვი ჰყავს ცდილობს დასალევი წყალი იყიდოს”, - ამბობს სოფელ ბენარაში მცხოვრები ბადრი გუბელაძე და ამატებს, რომ “სოფლის მხარდაჭერის პროგრამის” დახმარებით პრობლემა წელს საბოლოოდ გადაიჭრება.

[თამარ თოთაძე, ადიგენი]


03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.12.2019 5 დეკემბერს ახალციხეში დენი აღარ გაითიშება – 'ენერგო–პრო ჯორჯია'

04.12.2019 ახალციხის ცხრა სოფელს ახალი ამბულატორია ექნება

04.12.2019 მართლმადიდებლები ღვთისმშობლის ტაძრად მიყვანებას აღნიშნავენ

04.12.2019 5 დეკემბერს ახალციხეში დენი გაითიშება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

მსგავს თემაზე

'სოფლის მხარდაჭერის პროგრამით' ნახევრად განხორციელებული პროექტი სოფელ ხოსპიოში

ადიგენის სოფლებში სასმელი და სარწყავი წყლის რეაბილიტაცია მიმდინარეობს ®
დვირის მოსახლეობას სასმელი წყლის პრობლემა აღარ ექნება
ასპინძაში ოთხი სოფლის სასმელი წყლის სისტემის რეაბილიტაცია იგეგმება
ადიგენში რვა სოფელს სასმელი წყალი არ მიეწოდება
რიტუალები და სასმელი წყალი – ბორჯომში ‘სოფლის მხარდაჭერა’ ახალ ეტაპზე გადადის