"სამხრეთის კარიბჭე"–FM97.5 / LIVE

ახალციხის გამგებელმა 2015 წლის ანგარიში წარადგინა

მთავარისიახლე, პოლიტიკა 01.12.2016
ახალციხის მუნიციპალიტეტის გამგებელმა ზაზა მელიქიძემ საკრებულოს 2015 წლის ანგარიში წარუდგინა.

ახალციხის გამგებელმა 2015 წლის ანგარიში წარადგინა

2015 წლის ანგარიშით ახალციხის გამგებელი საკრებულოს წინაშე 30 ნოემბერს წარსდგა. ზაზა მელიქიძემ საკრებულოს წევრებს გამგეობაში არსებული სამსახურების მიერ შესრულებული ერთწლიანი მუშაობის შედეგი გააცნო.

მისი თქმით, 2015 წელს ახალციხის მუნიციპლიტეტის ბიუჯეტიდან ინფრასტრუქტურული, ჯანდაცვის და საგანმანათლებლო პროექტების განხორციელებისთვის 7 324,000 ლარი გაიხარჯა, მათ შორის სახელმწიფო ბიუჯეტიდან გამოყოფილი - 3 147,000 ლარი, ხოლო ადგილობრივი ბიუჯეტიდან - 4 177,000 ლარი.

უფრო კონკრეტულად:
• ინფრასტრუქტურის მშენებლობა-რეაბილიტაციისთვის გაიხარჯა 4 675,300 ლარი, მათ შორის სახელმწიფო ბიუჯეტიდან - 3 147,000 ლარი, ხოლო ადგილობრივი ბიუჯეტიდან - 1 528,300 ლარი;
• სკოლამდელი განათლება– 458,800 ლარი;
• კულტურა, რელიგია, ახალგაზრდობის ხელშეწყობა და სპორტი – 159,200 ლარი;
• მოსახლეობის ჯანმრთელობის დაცვისა და სოციალური უზრუნველყოფისათვის – 317,800 ლარი.

2015 წლის დასაწყისში ახალციხის მუნიციპალიტეტის ბიუჯეტი 3 840,000 ლარი იყო, ხოლო წლის ბოლოს ბიუჯეტმა 8 320,300 ლარი შეადგინა.

ზაზა მელიქიძის განმარტებით, მუნიციპალიტეტმა ერთ-ერთ პრიორიტეტად მოსახლეობის ჯანმრთელობისა და სოციალური მდგომარეობის გაუმჯობესებაზე ზრუნვა დაასახელა. 2015 წელს მუნიციპალიტეტის მასშტაბით 927-მა ბენეფიციარმა მიიღო 283 865 ლარის ოდენობის დახმარება.

მათ შორის:
• სამედიცინო მომსახურება გაეწია 250 მოქალაქეს, რამაც ჯამში 130 000 ლარი შეადგინა.
• ააიპ სამუსიკო, სამხატვრო და სასპორტო სკოლებში 75 მოსწავლეს ადგილობრივი ბიუჯეტიდან სწავლის საფასური გადაუხადეს, ჯამში 6 800 ლარის ოდენობით.
• 197 ახალშობილის ოჯახის ერთჯერადი დაფინანსებისთვის დაიხარჯა 27 000 ლარი.

თანხის ნაწილი მეწყერისგან და ხანძრისგან დაზარალებული ოჯახების დახმარებისთვის, იძულებით გაადადგილებული პირების სასურსათო პაკეტის შეძენისთვის, მარტოხელა და მზრუნველობამოკლებულ ბენეფიციართა სოციალური დახმარებისთვის და ა.შ. გადანაწილდა.

რაც შეეხება ინფრასტრუტურულ პროექტებს, 2015 წელს 102 პროექტი განხორციელდა

• სახელმწიფო ბიუჯეტიდან 8 პროექტი – 2 234 407 ლარით.
• სტიქიის ფონდიდან 4 პროექტი – 194 605 ლარით.
• ადგილობრივი ბიუჯეტიდან 20 პროექტი – 340 108 ლარით.
• სოფლის მხარდაჭერის პროგრამითა და ადგილობრივი ბიუჯეტის თანადაფინანსებით 74 პროექტი – 1 084 451 ლარით.

[თინათინ ზაზაძე, ახალციხე]


17.08.2017 აბასთუმნის სკოლის ყოფილმა მასწავლებელმა სასამართლოში სარჩელი შეიტანა

15.08.2017 განათლების სამინისტრო აბიტურიენტებს აფრთხილებს

11.08.2017 მინისტრის ახალი ინიციატივა – სკოლებში ვაშლები დარიგდება

07.08.2017 7 აგვისტოდან აბიტურიენტებისთვის აპელაციის პროცესი დაიწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

18.08.2017 სკოლებში სწავლა 15 სექტემბრიდან დაიწყება

17.08.2017 გზა სანიაღვრეს გარეშე – წყორძაში სახლების დატბორვის ეშინიათ

17.08.2017 აბასთუმნის სკოლის ყოფილმა მასწავლებელმა სასამართლოში სარჩელი შეიტანა

17.08.2017 წყორძაში ტაძრის გარშემო დაგებული ასფალტი აიღეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

25.04.2017 სომხური სოფელი, სადაც აღდგომას სამჯერ აღნიშნავენ [Photo/Video]

მსგავს თემაზე

რა თანხა გაიხარჯა ახალციხის მერის სარეზერვო ფონდიდან
ახალციხეში „სოფლის მხარდაჭერის პროგრამის“  ფარგლებში 1 084 900 ლარი  დაიხარჯა
შალვა ახალციხელის ტაძარს ახალციხის ბიუჯეტიდან 100.000 ლარი მოხმარდება
სამინისტრო:  3 წელიწადში სამცხე–ჯავახეთში 59 მლნ ლარი დაიხარჯა
ბორჯომის მუნიციპალიტეტის 2017 წლის ბიუჯეტი 3 400 000 ლარით გაიზარდა
ბორჯომის გამგეობამ ოქტომბერში მოქალაქეთა დასახმარებლად 126 556 ლარის დაფინანსება გასცა
ბორჯომის ბიუჯეტი 10 მილიონ ლარამდე გაიზარდა