"სამხრეთის კარიბჭე"–FM97.5 / LIVE

ახალციხის მერი ვეტერანების მიერ თვითნებურად შენობის დაკავებას უკანონოდ აფასებს

მთავარისიახლე, საზოგადოება 21.11.2016
რა პოზიცია აქვს ახალციხის ახალარჩეულ მერს ვეტერანების მიერ თვითნებურად დაკავებულ შენობაზე და გაიწერება თუ არა ბიუჯეტში თანხა ამავე შენობაში საჯარო მოხელეთა გადამზადების ცენტრის მოწყობისთვის.

ახალციხის მერი ვეტერანების მიერ  თვითნებურად  შენობის დაკავებას უკანონოდ აფასებს
ახალციხის მერი ვლადიმერ ზედგინიძე აცხადებს, რომ ყოფილი სკოლის შენობაში ვეტერანების შესახლება უკანონოა და ეს სამართლებრივად უნდა დარეგულირდეს.

„შეჭრა იმიტომ ჰქვია მაგას, რომ ეგ არის კანონდარღვევა“, – განაცხადა ახალდანიშნულმა მერმა „სამხრეთის კარიბჭეს“ ყოველკვირეულ გადაცემაში „კვირის აქცენტი“.

მისი თქმით, აქ შესახლებული ვეტერანების ნაწილს საცხოვრებელი ბინები აქვთ, ოღონდ სოფლებში, თუმცა მათ ქალაქში ცხოვრება სურთ და ამიტომ ახლა მთავრობას სახლებით დაკმაყოფილებას სთხოვენ. როგორც ვლადიმერ ზედგინიძემ „კვირის აქცენტში“ განაცხადა, მას ამის შესახებ საუბარი ვეტერანების საქმეთა სახელმწიფო სამსახურის სამცხე–ჯავახეთის სამმართველოს უფროსთან დავით ფეიქრიშვილთან უკვე ჰქონდა.

„კანონმდებელმა გარკვეული დოტაცია გამოუყო მათ [ვეტერანებს], მაგრამ ახლა უნდათ ბინები. ეგ შენობა არასდროს ყოფილა სამომსახურეო. დავითს ვუთხარი, რომ როცა ვეტერანები სამომსახურეო ბინაში შეიჭრებიან, მაშინ შეიძლება გახდეს საკითხი სადავო“, – ამბობს ზედგინიძე.
იგი არც საჯარო მოხელეთა გადამზადების ცენტრის გახსნის საჭიროებას აყენებს კითხვის ნიშნის ქვეშ და ამბობს, რომ მსგავსი სასწვლო დაწესებულებები არა მხოლოდ ქალაქისთვის, არამედ რეგიონის მასშტაბითაა მნიშვნელოვანი.

აღნიშნული ცენტრის გასახსნელად დონორი ორგანიზაციები ადგილობრივი თვითმმართველობისგან თანადაფინანსებას ითხოვენ. მიუხედავად ამისა, ახალციხის ადგილობრივი თვითმმართველობის ბიუჯეტის პროექტში საჯარო მოხელეთა გადამზადების ცენტრის თანადაფინანსებისთვის თანხა გაწერილი არაა. ამის შესახებ „სამხრეთის კარიბჭესთან“ ახალციხის მერის მოვალეობის უკვე ყოფილმა შემსრულებელმა ილია ზარდიაშვილმა განაცხადა.

ამჟამად ბიუჯეტის პროექტს ახალციხის საკრებულო განიხილავს და იგი მერიას რამდენიმე დღეში დაუბრუნდება.

შეკითხვაზე, უნდა იყოს თუ არა გაწერილი ქალაქის ბიუჯეტში თანამონაწილეობისთვის თანხა ვლადიმერ ზედგენიძემ გვიპასუხა, რომ ჯერ სააგენტოსა და ახალციხის მერიას შორის გაფორმეულ დოკუმენტებსა და ვალდებულებებს გაეცნობა და ამის შესახებ მერე ისაუბრებს.

თუმცა, ახალ ბიუჯეტში თანხის გაწერის მიზნით მერიისთვის ჯერ არც სამცხე–ჯავახეთის რეგიონული განვთარების სააგენტოს მიუმართავს.

„ამ ეტაპზე ბევრი პრობლემაა მოსაგვარებელი და ამ საკითხების გადაწყვეტას ვცდილობთ. ასევე, გარკვეული თანხა გვაქვს უკვე იმისთვის, რომ გაზაფხულიდან აქ სარემონტო სამუშაოები განვაახლოთ“, – ამბობს სამცხე–ჯავახეთის რეგიონული განვთარების სააგენტოს თავმჯდომარე ნანა ზუბაშვილი და ამატებს, რომ იგი ვლადიმერ ზედგინიძის პოზიციას მიესალმება.

შეგახსენებთ, რომ ახალციხეში, პეტრე იბერის ქუჩაზე N17-ში მდებარე შენობა, სადაც წლების წინ სკოლა – ინტერნატი იყო განთავსებული, 24 სექტემბერს 9 ოჯახმა უნებართვოდ დაიკავა. აღნიშნული შენობა ახალციხის მერიის ბალანსზეა, თუმცა ის თვითმმართველობამ 2014 წლის 4 ივნისს უზურფრუქტის წესით (ხელშეკრულება N36) სააგენტოს გადასცა. საკრებულოსა და სააგენტოს შორის გაფორმებული ხელშეკრულების თანახმად, 4 089 კვადრატულ მეტრ მიწაზე განლაგებულ ორ ობიექტში სწავლებისა და გადამზადების ცენტრი უნდა გაიხსნას.

ვეტერანების შეჭრის ფაქტს სააგენტო სასამართლოში ასაჩივრებს;

[თამუნა უჩიძე, ახალციხე]


22.05.2017 ერთიანი ეროვნული გამოცდები 3 ივლისს დაიწყება

22.05.2017 მე–12 კლასელები გამოსაშვებ გამოცდას ბიოლოგიასა და უცხო ენებში აბარებენ

21.05.2017 მე–12 კლასელები გამოსაშვებ გამოცდას ქართულ ენასა და ლიტერატურაში აბარებენ

19.05.2017 ახალციხის სკოლებში ბოლო ზარი დაირეკა [Photo]

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.05.2017 ჯომარდობაში ევროპის ჩემპიონატი ბორჯომში ხვალ დაიწყება

23.05.2017 საროში, მაღრაძის დარბაზული ტიპის მესხურ სახლს ძეგლის სტატუსი მიენიჭა

23.05.2017 რა ღონისძიებები იგეგმება 26 მაისს ახალციხეში

23.05.2017 “შენი გულისთვის, შენი უსაფრთხოებისთვის” – აქცია ახალციხეში [Photo]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

25.04.2017 სომხური სოფელი, სადაც აღდგომას სამჯერ აღნიშნავენ [Photo/Video]

18.04.2017 მზითევი, ‘უმძრახობის’ ტრადიცია და ცხოვრება მესხურ ოდაში [Photo/Video]

მსგავს თემაზე

ვეტერანების სამცხე–ჯავახეთის სამმართველოს სასამართლოში უჩივიან
ვეტერანების სამმართველოს უფროსს რეგიონული განვითარების სააგენტოს თავმჯდომარემ სასამართლოში უჩივლა
ვეტერანების საქმეზე  ახალციხის მერია სასამართლოში საჩივარს შეიტანს
სასამართლოში ვეტერანების  საქმის განხილვა იწყება
ვეტერანების საქმის განხილვა დასრულდა
სასამართლომ  ვეტერანების გამოსახლების გადაწყვეტილება მიიღო
ახალციხის მერი ვეტერანების საქმეზე: „სოფლებში სახლები აქვთ და იქ იცხოვრონ“