FM97.5 / LIVE

'დემოკრატ მესხთა კავშირს' ტოლერანტობის ქომაგის ტიტული მიენიჭა

მთავარისიახლე, საზოგადოება 18.11.2016
სამცხე–ჯავახეთში მოქმედ არასამთავრობო ორგანიზაცია "დემოკრატ მესხთა კავშირს,სახალხო დამცველთან არსებულმა ტოლერანტობის ცენტრის ეროვნულ უმცირესობათა და რელიგიათა საბჭომ, ტოლერანტობის ქომაგის ტიტული მიანიჭა.

'დემოკრატ მესხთა კავშირს' ტოლერანტობის ქომაგის ტიტული მიენიჭა

2016 წლის 18 ნოემბერს საქართველოს სახალხო დამცველთან არსებულმა ტოლერანტობის ცენტრის ეროვნულ უმცირესობათა და რელიგიათა საბჭოებმა ტოლერანტობის საერთაშორისო დღისადმი მიძღვნილი ღონისძიება გამართეს, რომელსაც სახელმწიფო უწყებების, დიპლომატიური მისიების, საერთაშორისო და არასამთავრობო ორგანიზაციების, მედიის, ასევე რელიგიათა და ეთნიკურ უმცირესობათა საბჭოების წარმომადგენლები დაესწრნენ.

„არსებული გამოწვევების ფონზე, როდესაც ადამიანები განიცდიან ჩაგვრას და უთანასწორო მოპყრობას მათი ეთნიკური თუ რელიგიური კუთვნილების გამო, როდესაც დაბალია ეროვნულ უმცირესობათა საზოგადოებაში ინტეგრაციის, გადაწყვეტილების მიღების პროცესში მონაწილეობის მაჩვენებელი და რელიგიის თავისუფლების განხორციელებას კვლავ საფრთხე ექმნება, მნიშვნელოვანია ვაღიაროთ იმ ადამიანების თუ ორგანიზაციების წვლილი, რომლებიც განსაკუთრებულ როლს ასრულებენ ტოლერანტობის კულტურის დამკვიდრებაში“, – განაცხადა მისასალმებელ სიტყვაში საქართველოს სახალხო დამცველის მოადგილემ ეკატერინე სხილაძემ.

ღონისძიებაზე ტოლერანტობის ცენტრის თანამშრომლებმა ბექა მინდიაშვილმა და კობა ჩოფლიანმა ქვეყანაში ტოლერანტობის კუთხით არსებულ მდგომარეობა მიმოიხილეს.

სახალხო დამცველთან არსებული ეროვნულ უმცირესობათა და რელიგიათა საბჭოები ყოველწლიურად ირჩევენ ე.წ. ტოლერანტობის ქომაგ: მედიასაშუალებას, ორგანიზაციას, პიროვნებას და საჯარო მოხელეს, რომლებმაც მიმდინარე წლის განმავლობაში ხელი შეუწყვეს ეთნიკური და რელიგიური უმცირესობების უფლებების დაცვას და ტოლერანტობის კულტურის დამკვიდრებას.

წელს რელიგიათა საბჭომ ჯილდო გადასცა ინტერნეტ–გამოცემა ნეტგაზეთს ციკლისთვის „უჩინარები“, ტოლერანტობისა და მრავალფეროვნების ინსტიტუტს (TDI), ილიას სახელმწიფო უნივერსიტეტის ასოცირებულ პროფესორს სოფიო ზვიადაძეს და საქართველოს პრეზიდენტის მრჩეველს უმცირესობათა საკითხებში სოფიო შამანიდის.

ეროვნულ უმცირესობათა საბჭომ ნომინაციაში „საჯარო მოხელე“ გამარჯვებულად დაასახელა დევნილთა და განსახლების მინისტრი სოზარ სუბარი. ტოლერანტობის ქომაგის წოდება მიანიჭა ევანგელურ-ბაპტისტური ეკლესიის ეპისკოპოსს მალხაზ სონღულაშვილს, ორგანიზაცია „დემოკრატ მესხთა კავშირს“ და საქართველოს საზოგადოებრივი მაუწყებლის რადიოს პირველი არხის გადაცემას „ჩვენი საქართველო“.

ტოლერანტობის საერთაშორისო დღისადმი მიძღვნილ ღონისძიებაზე ასევე დააჯილდოვეს მედიაკონკურსში გამარჯვებულ ჟურნალისტები.

მიმდინარე წელს ჟიურიმ პირველი ადგილი მიანიჭა ჟურნალ „ლიბერალში“ გამოქვეყნებულ დავით ფარულავასა და მამუკა მგალობლიშვილის სტატიების ციკლს რელიგიური უმცირესობების წინაშე მდგარი პრობლემების თემაზე, მეორე და მესამე ადგილი გაინაწილეს რადიო „თავისუფლების“ ჟურნალისტმა ეკა ქევანიშვილმა სტატიისათვის „პანკისელების სიტყვა“ და თეა თოფურიამ სტატიისათვის „ერთ დღეში გადასახლებული გერმანელები“.

ღონისძიება საქართველოს სახალხო დამცველთან არსებული ტოლერანტობის ცენტრის და აშშ–ს საერთაშორისო განვითარების სააგენტოს (USAID) მიერ დაფინანსებული საქართველოს გაეროს ასოციაციის (UNAG) „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ორგანიზებით გაიმართა.

[sknews.ge]


06.08.2020 სამხედროებსა და მათ ოჯახის წევრებს სახელმწიფო სწავლის საფასურის ნახევარს გადაუხდის

06.08.2020 კოლეჯ ‘ოპიზარში’ ავტორიზაცია კიდევ 8 პროგრამამ გაიარა

06.08.2020 სოციალურად დაუცველი სტუდენტების გარკვეულ კატეგორიას სწავლის საფასური დაუფინანსდება

05.08.2020 ქართულ ენასა და ლიტერატურაში ეროვნული გამოცდების შედეგები ცნობილია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

09.08.2020 'ხელისუფლებას ხელიდან აქვს გაქცეული კრიმინალის მართვა' - ირმა ნადირაშვილი ახალქალაქში მომხდარ დაპირისპირებაზე

09.08.2020 სახლების და სასტუმროს გარდა დამწვარია დაპირისპირებაში მონაწილე პირის ჯიხურიც [ფოტო]

09.08.2020 ახალციხეში ტაძრის გახსნის ცერემონიას გიორგი გახარია ესწრება

09.08.2020 ‘არის რამდენიმე დაშავებული, საგამოძიებო მოქმედებები გრძელდება ’ – შს მინისტრის მოადგილე ახალქალაქში მომხდარ დაპირისპირებაზე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

03.08.2020 სამი ციხის ისტორია

29.07.2020 მესხების მუსხი [აუდიო]

28.07.2020 წადი ამ ზაფხულს ზააბახას

06.07.2020 მივდივართ საროში [ფოტო]

მსგავს თემაზე

'სამხრეთის კარიბჭეს' ტოლერანტობის ქომაგის ტიტული მიენიჭა
ჭელას ბიბლიოთეკის თანამშრომელი ტოლერანტობის ქომაგად დაასახელეს
ტოლერანტობის ცენტრი ტოლერანტობის საერთაშორისო დღეს აღნიშნავს
ტოლერანტობის ცენტრმა ვებ-გვერდის პრეზენტაცია გამართა
„ტოლერანტობის, სამოქალაქო ცნობიერებისა და ინტეგრაციის მხარდაჭერის“ ახალი პროგრამა დაიწყო
„რელიგიები და ეთნოსები საქართველოში“–ტოლერანტობის ცენტრმა ახალციხეში ვიქტორინა  ჩაატარა
ახალციხეში ტოლერანტობის საერთაშორისო დღე აღნიშნეს[photo]