FM97.5 / LIVE

"მსოფლიო სურსათის დღე“ საქართველოშიც აღინიშნა

მთავარისიახლე, რეკლამა 20.10.2016
საქართველოს სოფლის მეურნეობის სამინისტროსა და გაეროს სურსათისა და სოფლის მეურნეობის ორგანიზაციის (FAO) საქართველოს წარმომადგენლობის ორგანიზებით, "მსოფლიო სურსათის დღისადმი“ მიძღვნილი ღონისძიება გაიმართა.

"მსოფლიო სურსათის დღე“  საქართველოშიც აღინიშნა

ღონისძიების ძირითადი თემა კლიმატის გლობალურ ცვლილებასთან სოფლის მეურნეობის ადაპტირების მნიშვნელობა იყო. აღსანიშნავია, რომ გაეროს გენერალურმა ასამბლეამ 2016 წელი პარკოსანი კულტურების საერთაშორისო წლად ოფიციალურად გამოაცხადა. შესაბამისად, დღევანდელ ღონისძიებაზე FAO -ს მიერ რეკომენდირებული პარკოსანი კულტურების წარმოების ხელშეწყობის მნიშვნელობის საკითხებიც განიხილეს.

ღონისძიება სოფლის მეურნეობის მინისტრმა, ლევან დავითაშვილმა და FAO-ს წარმომადგენელმა საქართველოში, მამუკა მესხმა გახსნეს.
როგორც სოფლის მეურნეობის მინისტრმა აღნიშნა, კლიმატის ცვლილება და გლობალური დათბობა 21-ე საუკუნის ერთ-ერთ მთავარ გამოწვევად იქცა. მსოფლიოს ყველა განვითარებული სახელმწიფოს ძალისხმევა მიმართულია კლიმატის ცვლილებებზე ადაპტირებული პოლიტიკის შემუშავებასა და ეფექტიანი პროგრამების განხორციელებაზე.

"კლიმატგონივრული სოფლის მეურნეობის მდგრადი განვითარება უმნიშვნელოვანესია სიღარიბის დაძლევის, სასურსათო უსაფრთხოების, ფერმერთა კონკურენტუნარიანობის ამაღლების კუთხით. და კლიმატის ცვლილებებისადმი ადაპტირებული პოლიტიკის განხორციელების კუთხით. აღსანიშნავია, რომ პრაქტიკულად ყველა საერთაშორისო ორგანიზაცია მუშაობს ამ მიმართულებით. გაეროს მიერ შემუშავებული სოფლის მეურნეობის მდგრადი განვითარების მიზნების გათვალისწინებით, საქართველოს მთავრობამ ყველა სტრატეგიულ დოკუმენტში გაითვალისწინა ის მინიმალური სტანდარტი, რაც აუცილებელია დარგის სწორად განვითარებისთვის, გარემოზე ზემოქმედების მინიმუმადე შემცირების გზით“, - აღნიშნა ლევან დავითაშვილმა.

სიტყვით გამოსვლისას FAO-ს წარმომადგენელმა საქართველოში, მამუკა მესხმა სოფლის მეურნეობის იმ ძირითად დარგებზე და მიმართულებებზე ისაუბრა, რომელთა გაძლიერებაც, კლიმატის ცვლილების პირობებში, დარგის მდგრადი განვითარებისთვის არის აუცილებელი.

"სოფლის მეურნეობის სექტორს დიდი პოტენციალი გააჩნია კლიმატის ცვლილების მზარდი ტემპის შესამცირებლად. ამისათვის საჭიროა წარმოების ადაპტაცია და კლიმატგონივრული სოფლის მეურნეობის პრაქტიკის დანერგვის ხელშეწყობა", - განაცხადა მამუკა მესხმა.
ღონისძიებაში მონაწილეობა მიიღეეს ევროპული სკოლის მოსწავლეებმაც, რომლებმაც კლიმატის ცვლილებებთან ბრძოლის მიმართულებით ახალი თაობის ხედვა წარმოადგინეს.

ღონისძიების ფარგლებში, შეფ-მზარეულმა, მანუელ ბარანდამ თანამედროვე კულინარიაში ტრადიციული ქართული პარკოსანი კულტურების გამოყენებაზე ისაუბრა და სტუმრებს სპეციალურად ამ დღისთვის, პარკოსნებით მომზადებული ტრადიციული ქართული და ევროპული კერძები წარუდგინა.

„არსებობს რამდენიმე მიზეზი, რატომაც რეკომენდირებულია პარკოსანი მცენარეების წარმოება და მოხმარება. პარკოსნები მარტივად იწარმოება, მაღალი კვებითი ღირებულებით ხასიათდება და რაც მთავარია, სასარგებლოა ჯანმრთელობისთვის", - აღნიშნა მანუელ ბარანდამ.

“მსოფლიო სურსათის დღისადმი” მიძღვნილ ღონისძიებას საქართველოს მთავრობის, დიპლომატიური კორპუსის, საერთაშორისო და დონორი ორგანიზაციების, არასამთავრობო და კერძო სექტორის წარმომადგენლები დაესწრებიან.

[sknews.ge]


03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.12.2019 5 დეკემბერს ახალციხეში დენი აღარ გაითიშება – 'ენერგო–პრო ჯორჯია'

04.12.2019 ახალციხის ცხრა სოფელს ახალი ამბულატორია ექნება

04.12.2019 მართლმადიდებლები ღვთისმშობლის ტაძრად მიყვანებას აღნიშნავენ

04.12.2019 5 დეკემბერს ახალციხეში დენი გაითიშება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

მსგავს თემაზე

პარკოსანი კულტურების წელი
შეხვედრა იტალიის სოფლის მეურნეობის სამინისტროს წარმომადგენლებთან [R]
სოფლის მეურნეობის მინისტრი ლევან დავითაშვილი საფრანგეთის ელჩს შეხვდა [R]
აშშ-ის მთავრობის მორიგი მხარდაჭერა  საქართველოს სოფლის მეურნეობის სამინისტროს [R]
ოთარ დანელიამ სოფლის მეურნეობის სამინისტროს საქმიანობის ანგარიში წარადგინა[R]
სოფლის მეურნეობის მინისტრის მოადგილე ლევან დავითაშვილი FAO-ს რეგიონულ კონფერენციას ესწრება [R]
ქარსაფარი ზოლების პოლიტიკის განსაზღვრა [R]