FM97.5 / LIVE

საარჩევნო პლაკატების ომი

მთავარისიახლე, პოლიტიკა, არჩევნები 22.09.2016
ახალციხეში, საარჩევნო პლაკატების რაოდენობა დღითიდღე მატულობს. პარალელურად, იზრდება ჩამოხეული საარჩევნო მასალების ხვედრითი წილიც. პარტიები პლაკატების დაზიანებაში ერთმანეთს ადანაშაულებენ.

საარჩევნო პლაკატების ომი

ახალციხე-ადიგენის ოლქში, ერთადერთი დამოუკიდებელი დეპუტატობის კანდიდატის ნუგზარ პარუნაშვილის შტაბში ირწმუნებიან, რომ მათი კანდიდატის პლაკატებს „ქართული ოცნების“ აქტივისტები ხევენ.

„კოპაძის [„ოცნების“ მაჟორიტარი. ს.კ] განკარგულებაა, რომ პლაკატები ჩამოხიონ, რადგან მტკივნეულად აღიქვამს ჩვენს კანდიდატს“, - ამბობს საინიციატივო ჯგუფის წევრი გოჩა ათოშვილი და ამატებს, რომ ნუგზარ პარუნაშვილის პლაკატები ხუთსართულიანების დასახლებაში, გიორგი კოპაძის ერთ–ერთი საარჩევნო შეხვედრის დროსაც ჩამოხიეს.

მმართველ პარტიასა და „ნაციონალურ მოძრაობას“ ადანაშაულებენ პლაკატების დაზიანებაში საარჩევნო ბლოკის „პაატა ბურჭულაძე-სახელმწიფო ხალხისთვის“ დეპუტატობის კანდიდატი კობა გორგოძე: „ვვარაუდობთ, რომ პლაკატებს „ნაციონალური მოძრაობისა“ და „ქართული ოცნების“ წევრები გვიხევენ, თან ამისთვის ბავშვებს იყენებენ“.

საარჩევნო პლაკატების ომი საარჩევნო პლაკატების დაზიანებაზე ჩივიან „ერთიან ნაციონალურ მოძრაობაშიც“, თუმცა, კონკურენტებისგან განსხვავებით, კონკრეტულ სახელებს არ ასახელებენ.

„ძალიან სამწუხარო მდგომარეობაა, ხევენ და ანადგურებენ. ერთერთი პოლიტიკური პარტიის ფორმაში გადაცმული ქალი დაუნახავთ, ვალის შემოსასვლელში მოჰყვებოდა და ჩემს პლაკატებს ხევდა“, -გვეუბნება „ერთიანი ნაციონალური მოძრაობის“ კანდიდატი ვაჟა ჩიტაშვილი.
ჩამოთვლილი კანდიდატების გარდა, ამ დროისათვის ქალაქში კიდევ ერთი სუბიექტის „ჩვენი სახალხო პარტიის“ კანდიდატის, ზურაბ პაქსაძის პლაკატებია გამოკრული.

„პლაკატები ძირითადად განათების ბოძებზე გამოვაკარით, რადგან სხვაგან ადგილი არ არის“, -ამბობს პაქსაძე და ამატებს, რომ ჯერ ჩამოხეული არცერთი პლაკატი არ უნახავს.

მიუხედავად ამისა პაქსაძის ჩამოხეული პლაკატები, „სამხრეთის კარიბჭემ“ გადაიღო.

საარჩევნო პლაკატების ომი ჩამოხეული და დაზიანებული მხოლოდ პაქსაძის, ან პარუნაშვილის პლაკატები როდია. რომელიმე სუბიექტის ახალგაკრული პლაკატის გვერდით ჩამოხეულ და დაზიანებულ საარჩევნო მასალას ნებისმიერ ადგილზე შეხვდებით. ერთანირად დაზიანებულია ყველა სუბიექტის საარჩევნო მასალა, სახელისუფლებო კანდიდატისაც და ოპოზიციისაც. მეტიც, ახალციხეში, დიდიმამიშვილის ქუჩაზე, „სამხრეთის კარიბჭეს“ რედაქციის მიმდებარედ, ერთ დღეს, ქუჩის მთელ სიგრძეზე გაკრული გიორგი კოპაძის პლაკატებიდან მეორე დღეს არცერთი აღარ იყო, ყველა მათგანი ჩამოხეული დაგვხვდა. მეორე დღეს, ახალგაზრდებმა პლაკატები კედელის შედარებით მაღლა ნაწილზე გააკრეს, იქ, სადაც მიწვდენა რთულია.

„ქართული ოცნების“ შტაბში ამბობენ, რომ ეს ერთეული შემთხვევა არ არის და პლაკატები ქალაქში და სოფლებშიც , ბევრ ადგილზეა დაზიანებული. კონკურენტის, „ნაცმოძრაობის“ მსგავსად, ვინ შეიძლება აზიანებდეს მათ სააგიტაციო მასალას, კონკრეტული სახელების დასახელებას „ქართული ოცნების“ შტაბშიც ერიდებიან.

„ჩვენს პლაკატები ბევრგან არის ჩამოხეული, კონკრეტულად ხელს ვერავის დავადებთ“, - ამბობს შტაბის ხელმძღვანელი გიორგი გვარამაძე და ოპონენტების ბრალდებას, რომ „ქართული ოცნების“ აქტივისტები საგიტაციო მასალებს უნადგურებენ, ასე პასუხობს: „მიუხედავად იმისა, რომ ჩვენი პლაკატებიც იხევა, ჩვენ არავის არ ვეხებით, ეს აბსურდია“.

საარჩევნო პლაკატების ომი ოპონენტების საარჩევნო მასალების განადგურება: ჩამოხევა, დაზიანება, შეურაცხმყოფელი წარწერების მიწერა ან მათზე სხვა პლაკატის გადაკვრა, თითქმის ყველა წინასაარჩევნო პერიოდის თანმხლები მოვლენებია. იგივე რომ არ გამეორებულიყო და ყველა კანდიდატისთვის თანაბარი საარჩევნო გარემო ყოფილიყო, წელს ამისთვის რამდენიმე მნიშვნელოვანი განცხადება გაკეთდა და სპეციალური დადგენილებებიც მიიღეს.

მაგალითად, მიმდინარე წლის 17 აგვისტოს, რეგიონული განვითარების სამინისტროს რეკომენდაციის საფუძველზე, ქალაქ ახალციხის ტერიტორიაზე საარჩევნო–სააგიტაციო მასალების (პლაკატების) განთავსების შესახებ დადგენილებაში საკრებულომ ცვლილებები შეიტანა. ცვლილების მიხედვით, კონკრეტულ ადგილებზე გამოყოფილი უნდა იყოს ადგილების კონკრეტული რაოდენობა, რათა თანაბრად განთავსდეს საარჩევნო სუბიექტების პლაკატები და გამოყოფილი ტერიტორია მარტო ერთმა პოლიტიკურმა ძალამ არ გამოიყენოს. განისაზღვრა პლაკატების ზომებიც, იმისთვის, რომ უთანასწორობა არც ამას შეექმნა. ამ ცვლილებას საკრებულოს წევრებმა მხარი ერთხმად დაუჭირეს.

"არაფრით აღარ შეიძლება ახლა ერთმანეთის პლაკატები გადავაკრათ ერთმანეთზე, ან დავხიოთ. იყო ასეთი პერიოდიც, მაგრამ უნდა გავიზარდოთ. საკანონმდებლო დონეზე მაინც უნდა იყოს ეს მითითებული, რომ ყველა პარტიას უნდა ჰქონდეს თანაბარი უფლება. ვისურვებდი, რომ სიტყვა სიტყვად არ დარჩეს და რაც ვთქვით, გაკეთდეს“ – აღნიშნა იმ სხდომაზე ქალაქ ახალციხის საკრებულოს დეპუტატმა "ნაციონალური მოძრობიდან“ მალხაზ გიქოშვილმა.

შეგახსენებთ, საქართველოს საარჩევნო კოდექსის 46- მუხლის თანახმად, დაუშვებელია და კანონით ისჯება საარჩევნო პლაკატების ჩამოხსნა, ჩამოხევა, დაფარვა ან დაზიანება თუ ისინი აკრძალულ ადგილებში არარის გაკრული.

[ლუბა გიორგაძე, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.11.2019 თამარაშვილის ქუჩაზე სანიაღვრე არხის რეაბილიტაციისთვის ტენდერი გამოცხადდა

14.11.2019 რა გაკეთდება რეგფონდიდან მიღებული 1 158 695 ლარით ნინოწმინდაში

13.11.2019 ახალციხის სკვერში ატრაქციონის ჩამოვარდნის დროს საქანელაზე ბავშვი იჯდა [ვიდეო]

13.11.2019 თბილისში ნანი მანველიშვილის წიგნის პრეზენტაცია გაიმართა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

პარტიებისთვის პლაკატების გასაკრავი ადგილები თანაბრად გადანაწილდება
ახალციხის მუნიციპალიტეტში სარეკლამო პლაკატებს ხევენ
ვალეში საარჩევნო უბანთან, სკოლასა და საბავშვო ბაღზე  ‘ოცნების’ პლაკატები  მოხსნეს
იუსტიციის მინისტრის დაგეგმილი ვიზიტი ვალეში და დახეული პლაკატები
საარჩევნო სუბიექტების პლაკატები არჩევნების დღეს [Photo]
ახალციხესა და ადიგენში ნინო ბურჯანაძის პლაკატები ჩამოხიეს
ბურჯანაძის შტაბი პლაკატების ჩამოხევაში „ოცნებას“ ადანაშაულებს